يأهاذا الكم الهائل من الحزن الذي بداخلي ماذا أفعل هل أبوح لشخص غريب ما بداخلي أم هل أكتفي بوسادتي التي طالما امتلأت بالدموع 🤐 # بقلمي ........
***************************************
نور : بعد الحفله وعيد ميلاد جلال غيرت جو طلعت من الكأبه شويه ومن أشوف فرحت ساره والشيخ أتمسك بطفلي صح علاقتي بأمجد مو زينه بس الله كريم كعدت الصبح بأمل جديد ويوم جديد صار عندي أمل انو الدنيا بدأت تفتحلي ابوابها من طريقه تعامل أمجد البارحه كلت بلكت الله هل الطفل يكون أمجد للأحسن .......
أمجد : البارحه شفت فرحة نور شكد اني تأخرت يأله عرفت قيمة نور غررت الدمعه بعيني من أتذكرت البارحه وتذكرت ان أيامي معدوده نزلت لكيت الكل كاعد يتريك ... صباح الخير .....
أم امجد : هلا والله صباح النور على وليدي شلون صباح هاذا تعال أكعد يمي ......
أمجد : ايي يلغاليه شلون صباح بهل الوجوه الحلوه وين جنت ماأدري .....
شيخ محمد : أمجد خويه اذا خلصت تعال للمضيف اريد أحجي وياك بموضوع مهم .....
أمجد : صار خويه هسه بس أتريك وأجي ورأك .....
نور : خلصنه الريوك وأمجد راح لشيخ محمد واني مستغربه طريقة تعامل امجد متغيره ماادري أحس اكو شيء راح يصير بس اطرد الافكار من بالي ......
ساره : ها نواره شبيج صافنه ترى الصفنه مو ألج عيني
نور : ولج ساره مستغربه من تصرفات أمجد اخاف خاف صاير شيء لو احساسي يكلي اكو شيء....
ساره : والله اني هم مستغربه بس شبيج يمعوده يجوز حس على روحه شلون ضلمج وانتي حامل يجوز بسبب حملج هاذا التغير ......
نور : ايي يمكن صدوك مشتاقه لزينب كلش ورقيه هم صار شهرين عد بيت خاله ما خلصت دراسه .....
ساره : ولج رقيه لان المدرسه قريبه على بيت خاله لذلك تبقى فترة الدوام يمهم .... يله كافي سوالف كومي خلي نخلص شغل ....
نور : ها الله يوفقه والله ذكرتيني بدراستي اشتاقتيله جنت احلم اكمل دراسه يله خلي نكمل الشغل وأحجي وي الشيخ بلكت يكدر يقنع أمجد ادرس ثالث خارجي ....
ساره : يله كومي واني هم أحجي للشيخ .....
نور : اني جنت أحلم أكمل دراسه بس الظروف ما سمحتلي كملنه الشغل ورحت يمه عمه ندردش وساره راحت ترتاح هل الايام صايره تتعب كلش...
أمجد : طلعت رحت الى المضيف لكيت شيخ محمد وعمي ابو يزن السلام عليكم شلونك عمي ....
ابو يزن : والله زين اتذكرت عندك عم يا أمجد .....
أمجد : ايي عمي حقك بس هل الايام مشغول وهاي بوسه برأسك .....
ابو يزن : ايي يوليدي تعال عدنه موضوع اني وشيخ محمد وياك .....
أنت تقرأ
أهأتي وصمتي 💔
Adventureعشق شابه عراقيه تجبر على الزواج من ابن عمها و تعيش معه في ظل الظلم والحزن الى ان يأتي منقذها 😍
