أهأتي وصمتي 💔

تعريف للشخصيات

البطله :  نور من محافظة بغداد لكن  أصلي بصراويه بس بابا انتقل لبغداد بحكم عملو موصفاتي  بيضه وعيون خضر وجسمي مرتب طولي متوسط وزني تقريبأ 60 وشعري أشكر  اني البنت الجبيره بالعائله من موليد1987

عائلتي متكونه من ماما وبابا .. بابا خريج كليه تربيه وطلع تعينه  بغداد لذلك من بدايه زواجه من ماما انتقل  لبغداد وماما تكون بت عم بابا بحكم بصراوين و عشاير وأخوي احمد اصغر مني بسنه يعني 1988 واختي اخر العنقود زينب من مواليد1994   احنه ما زايرين البصره هواي يعني بلكثير مره او مرتين من كنت تقريبأ ثالث ابتدائي ولسه  مازايريهم.

البطل :  علي من أهالي بغداد لكن أنتقل للعيش بأربيل بعدين راح تعرفون السبب موصفاتي طويل  اشكر عيوني عسلي وحادات عصبي بس قلبي طيب ماأحب واحد يعاندني وبعيد كل البعد عن علاقات الحب اما عملي جنت ادرس لكن تركت دراستي من انتقلنه الى اربيل مواليد 1983 عائلتي متكونه من اخوي الي اكبر مني  سامر من مواليد1980 واختي زهراء متزوجه ابن خالي خالد واختي اخر العنقود  حبيبة كلبي فرح  اما بابا الذي توفى  في سقوط بغداد وماما الي حاولت متقصر علينه بعد وفاة بابا.

هناك بطل اخر هو امجد ابن عم نور راح يكون البطل بداية القصه مواصفاته ضخم وحنطاوي وعيون سود حادات لكن ماكو بقاموس حياته شيء اسمه اخلاق والي يريده يحصل عليه !

قبل 7سنوات في بيت  عائلة نور
ام نور : يله نور كومي مترحين للدوام راح وكتج كومي

نور : اممم هسه راح اكوم فدوه نبع الحنان بس شويه روحي كعدي زينب .

ام نور : تكومين لو اتصرف وياج غير تصرف

نور: لا نبع الحنان كمت كمت

نور: كعدنه اني وزينب جنت بذاك الوكت صف ثالث متوسط وزينب اختي صف خامس ابتدائي بدلنه وكملنه ونزلنه .

نور : صباح الخير بابا شلونك ابو نور

ابو نور : هلا بفرحتي هلا بنواره الحلوه تعالي كعدين يمي

زينب : لعد وأني مو فرحتك روح زعلت منك بابا بعد مااحجي وياك

ابو نور : انتي بنتي الغاليه واخر العنقود تعالي يمي فدوه اروح الى بناتي الحلوات

نور : عابت شكد تغارين .

زينب : امم بابا يحبني اكثر .

ام نور : كافي يله أكل الريوك وروحن  للمدرسه راح الوكت عليجن .

نور : كملنه الريوك ورحنه اني وزينب لزمت ايد اختي ورحت للدوام وصلت زينب لمدرسته ورحت  جنت بذاك الوكت مو محجبه لان بابا مايجبرن على شيء( بس ماجنت افكر بيوم انو راح يجبرني على شيء ) جانت عندي صديقه مقربه وياي بدوام اسمه مروا وصلت للدوام طبيت للقاعه .

مروا: ها ولج شو تأخرتي اليوم .

نور : لا يمعوده وين اتأخرت .