أهأتي وصمتي 💔

البارت الرابع

علي : طبعا بعد ماارتاحيت نزلت لكيت الكل مجتمع وبابا جأي من الشغل ها بابا شلونك.

ابو علي : هلا يابه بخير الحمد الله شبيك شو كالب خلقتك

علي : لا  مابيه شيء الحمد الله بس اذا خلصنه غداء  أريد أحجي  وياك بموضوع .

سامر : بس لا غرت مني تريد تتزوج ههه.

علي: : أني  وين أفكر وانت وين وبعدين انت هم أريد  احجي وياك بموضوع  زين .

سامر : الي يسمعك يكول انت أخوي الجبير وأني  الصغير بس يله شنسوي دكتور علي هه.

علي : شنو تستهزء بيه سامر أني  ألك .

ابو علي : مو كافي كاع نأكل خلصتو نقاش لو بعدكم  ام  سامر جا فروحه وين

ام علي :فرح بعده نايمه كالت شويه و كعديني  أريد  اقرأ

علي : يمه ترى الاوضاع تخوف هاي الفتره ببغداد فرح دور اني أخذها  واني أجيبها تمام .

ام علي : أييي  يمه أحسن  الدنيا بعد متتأمن  .

علي : خلصت غداء رحت على الوالد كاعد بالاستقبال كعدت كباله بويه أريد  أحجي  وياك بموضوع وهذا سامر كاعد خلي  نتفق ونحل أمرنه سوه .

ابو علي : أييي بله تفضل دكتور علي .

علي : بويه اني اريد اقترح عليك اقتراح صح أني  أصغر  واحد بس مجررد رأي لااكثر ولااقل .

ابو علي : تفضل بويه أحجي  منو مانعك .

علي : بويه بغداد مهدده بسقوط وانت تدري كلش زين انو الاوضاع متوتره لذلك اني فكرت انو نصفي كلشي من محلات الي عدنه وبضاعه بين متخلص الامتحانات ونسافر من بغداد نروح اي محافظه او دوله .

ابو علي : أدري  بويه أني  مفكر قبلك بهذا الموضوع بس ماجنت مفكر نصفي يله كلت نعوف أ ملاكنه ونروح بس تخلص انت وفرح امتحانات .

سامر : بويه وأني  الي وعدت البنيه  باجر أمي  تروح تخطبه شلون

  علي : انت تشوف الاوضاع سامر لو لا وبعدين احنه لوما الامتحانات جا ظلين  لهسه  بغداد وهيه أمريكا  راح تدخل عليه .

سامر :اني أخذه  لريم عود من نستقر نسوي حفله ونعقد محكمه بس مال أسافر  وأعوف  ريم مستحيل لان هاي حبيبتي وحياتي .

علي : خلصت كاعد تحب وتتمعشق وأحنه  حايرين والله يلله .

سامر : هسه انت شبيك مضغوط ههه .

علي : بابا أريد  أ حاجيك على شغله هم بلا زحمه عليك .

ابو علي : أحجي  بويه شكو خير .

علي : هذا أبو  جعفر مو تعرفه صحيح  أبو  صديقي جوارينه ورانه.

ابوعلي :  ايي شلون مأعرفه غير يشتغل عندي وشايل المحلات فد رجال دره مال الله وأميين كلش بس ماكلتلي ليش تسأل عليه وبعدين قبل ميكون صانع عندي هو جوارينه واحنه بيناتنه خبز وملح.