أهأتي وصمتي 💔

البارت الثاني

في مكان اخر

نور : كعدت من النوم غسلت وبلشت اقرا دروسي الى ان هلكت رحت  لغرفة زينب هلو زنوبه شوكت كعدتي

زينب : والله هو الي ينام مينام هل كد من شوكت رجعنه من المدرسه صدك اذا كالت امي تنمبل مال نوم انتي ههه.

نور : لج أحترامي  اختج اني اكبر منج شنو تنمبل.

زينب : أي وهسه جايه لغرفتي شتردين .

نور : عابت هو مو صوجج صوجي اني كلت اسأل عليج .

زينب : معقوله ماكو مصلحه منا منا .

نور : ولي بعد لو تموتين مأجي للغرفه مالتج عابت الج وللغرفه هم .

زينب : لا حبيبتي أشاقه  وياج هلا وكل الهلا بحبيبتي نواره وهاي بوسه هم  لأ حلى أخت  عمي اشاقه وياج ههه  .

نور : أدري  بيج تخافين بس اكول  لأبويه يرزلج  .

زينب : شنسوي أذا  عندج دفاع يشتغل  .

نور : هههه جا شعبالج لعد غير أني  بنته الجبيره وعلى كولت بابا اني فرحته  .

زينب : ايي ندري شكو كل ساعه عايدته والله يالله  .

نور : أدري  مضغوطه راح أطلع  من الغرفه خطيه راح تنفجر يمه الغيره  .

زينب : ولي عابت الج اي والله  .

نور : رحت  لغرفتي كملت دروسي وبدلت ملا بسي ونزلت لكيت ماما تحظر العشى

ام نور : هلا والله بالبرنسس نور بعد وكت مظليتي نايمه .

نور : ماما شبيج جنت اقرأ محتاجه مساعده أساعدج  .

ام نور : لا ميحتاج بس رتبي الغرفه خلي نكعد نتعشى وروحي صيح  لأ خوج  .

نور : ماشي رحت رتبت الغرفه ورحت صعدت  لغرفة احمد .

احمد : هلو نواره شلونج .

نور : هلا بيك خويه شدعوه هل الرسميه يله تعال خلي نتعشى اجيت اكعدك

احمد : عود كلت احترمج لا اختي الجبيره بس مو مال احترام واصلن اني كاعد مو مثل بعض ناس  .

نور : يوووه هاي كله عليه اليوم ألا  اروح الى بابا  .

احمد: لا عمي اشاقه وياج كله ولا الدفاع شيخلصنه أمشي  أمشي  ننزل  .

نور : تمام

زينب : ها نور كعدتي احمد .

نور : اي راح ينزل ورايه .

كعدنه نتعشى ونتشاقه  للحظه  غررت الدمعه بعين وشكرت  رب العالمين على نعمة  هاي العائله الحلو ه خلصنه عشى كلمن أتجه  لمقرو قصدي غرفتو كعدت رتتبت ملابسي مال الدوام و وقتت التليفون ونمت ادري بروحي لو انام لو طبل هم ما أ كعد ههه  .