"Untamed Passion"

Chapter 28

  "Wow! Mom, sinong nagluto nitong Italian Spaghetti? Akin po kalahati nito ah?" Nangingislap ang mga matang kumuha siya ng Tupperware at nilagay ang Kalahari ng spaghetti.

  "Ang takaw nito. Hoi Yashi, para lang di pinakain ng isang buwan." Manghang sabi ni Yasmin sa kanya.

  "Eh phaburito kho pho toh." Puno ang bibig na sagot niya.

  "Umupo ka nga ng maayos Yashi. Hindi naman tatakbo yang spaghetti no." Ani ng Ate niya.

  "Hayaan mo na Yasmin, hehehe." Natatawang sabi ng Mama nila. Nag-tumb ups naman siya sa ginang.

  "Galing yang spaghetti sa bagong lipat na kapit-bahay natin. Yang sa tapat ng bahay, may nakabili na." Balita ng ginang.

  "Talaga po? Ang bait naman nila." Sabi niya, tsaka pinagpatuloy ang pagkain. Pero natigilan si Yashi ng bigla siya ng makaramdam ng pagkaduwal.

  "Excuse me po!" Sambit niya at nagmamadaling tumayo at nagtungo sa may lababo.

  "Anak, dahan dahan naman kasi pagsubo. Walang aagaw ng spaghetti mo, he he he." Natatawang sermon ng Mama nila Yashi habang hinahagod nito ang likod ng dalagita.

  "Masarap poh Mom eh.." Hinihingal na sagot niya pagkatapos magmumog.

  "Oh, pagkatapos mong kumain ekaw na magsuli sa lalagyan ng spaghetti sa kabila. Tutal ekaw naman muntik ng umubos, he he he." Biro ng Mama nila sa kanya.

  "Opo. Samahan mo ko ate." Lingon niya Kay Yasmin.

  "Ayaw ko nga. Ekaw na, kaibiganin mo para lagi kang bigyan ng spaghetti. He he he." Asar sa kanya ng ate niya.

  "Nakakahiya ate. Baka marinig ka nila." Nakangusong sabi niya.

  "Hala sige sis, tapos na ako. Kaw na bahala dyan." At iniwan na siya ng ate niya sa dining table.

*********

  "Hello! May tao poh ba rito?" Medyo malakas na sigaw ni Yashi, nasa may bukana siya ng pinto sa katapat ng bahay nila.

  "Iha, anong kelangan Nila?" Magalang na tanong isang may edad na babae, nanggaling ito sa may gate.

"Ahm, isusuli ko lang poh to." Sabay wagayway sa plastic na nilagyan ng spaghetti.

  "Pasok ka iha." Saad nito tsaka iginiya siya papasok sa loob ng bahay.

  "Naku, wag na poh manang." Pigil niya sa babae pero hinila na siya nito sa loob. Namangha siya pagkapasok sa loob ng bahay, maaliwalas ang itsura. Mukhang may sinasabi sa buhay ang bagong may ari ng bahay.

  "Nasa swimming pool ang alaga ko, halika." Patuloy siya nitong hinihila sa likod ng bahay.

  "Manang, parang exited poh kayong makita ko ang alaga niyo ah." Biro niya, ayaw kasi bitawan kamay niya.

  "Tama iha, ang ganda mo kasi. Hehehe." Natatawang sagot ng babae.

  "Nanay Berna-" naputol sa ere ang sasabihin ng lalaking nagpupunas ng tuwalya sa buhok.

  "Yashi?" Tawag ng lalaking parang familiar kay Yashi. At nang lumapit ito sa kanila ay tsaka siya napasinghap.

  "Kuya Jet?!" Di makapaniwalang sambit niya nang tuluyan ng makalapit ang lalaki sa kanila.

  "Oh, Yashi. Grabi, mas lalo kang gumanda.." Sabi ng lalaki habang tinitingnan siya nito mula ulo hanggang paa.

Si Jet ay ang first crush niya na nakatira two blocks away from their house. Huli niya itong nakita nung sophomore palang siya, sa Manila na kasi ito nakakuha ng trabaho.

Nabigla ang lalaki at muntik nang matumba ng dambahin niya ito ng yakap.

  "Yashi! Hey!"

  "I missed you poh kuya Jet." Saad ng dalagita, niluwagan niya ang pagkakayakap sa liig ng binata nang parang masasakal na ito.

  "Pasensya na poh kuya Jet." Sabi niya tsaka kumalas sa pagkakayakap dito.

  "Hmm. You already know each other?" Kunot-noong tanong ni Jet kina Yashi at Alvin.

  "Yes. She's my fiancée.." Hayag ni Alvin sa half brother nito, tsaka inakbayan si Yashi.

  "Fiancée? Are you sure? Napakabata pa niya-"

  "I'm sure of it at wala kang pakialam kahit pa toodler palang siya." Tiim-bagang sagot ni Alvin kay Jet, at lalo pa nitong hinigpitan ang pag-akbay sa dalagita.

  "Ahm.. Paano.. I mean.." Naguguluhang tanong ng dalagita habang palipat-lipat ang tingin sa dalawang lalaki.

  "Recently ko lang nalaman na may half brother pala ako sweetheart. Nagkatampuhan kami ni Dad at umalis ako ng bahay para mag-isip. Nung iwan kami ni Mom para sumama sa ibang lalaki. Halos isumpa ko na siya pati lahat ng mga kalahi ni eba. Pero, dahil sa mga nalaman ko.. Na I have a half brother kay Dad..." Huminga muna ito ng malalim bago nagpatuloy.

  "Baka kaya kami iniwan ni Mom ay dahil nalaman niya siguro ang pakikipag-relasyon ni Dad sa ibang babae. Di lang sinabi sakin ang totoo para di sumama ang tingin ko kay Dad.." Mahabang paliwanag ni Alvin habang buong atensyon ay nasa kanya.