နားစွင့်​ ကြားဟန်​ ရင်​ခုန်​သံ

၅

မေ အခန်းထဲသို့ ဝင်​လိုက်​သည်​နှင့်​ မြင်​​တွေ့လိုက်​ရသည်​က ပိုင်​ရှင်​ ကင်းမဲ့​နေ​သော အလုပ်​စားပွဲများသာ...

ဧည့်​သည်​များထိုင်​ရန်​ပြုလုပ်​ထား​သော ထိုင်​ခုံ​လေး​ပေါ်တွင်​ လက်​ကိုင်​အိတ်​​လေးကို ချထားလိုက်​ရင်း တစ်​ခန်းလုံးကို ​မေ စူးစမ်းလိုက်​မိသည်​။ သပ်​သပ်​ရပ်​ရပ်​ရှိ​နေ​သော စားပွဲတစ်​ချို့နှင့်​ drawing စာရွက်​များ အထပ်​ထပ်​စီထား​သော ပွရှုပ်​ရှုပ်​ စားပွဲဝိုင်းအချို့....

အလုပ်​စားပွဲများကို ​ကျော်​လွန်​၍ ​မေ့အာရုံအား လာ​ရောက်​ ဖမ်းယူ​နေသည့်​ အရာဆီသို့ ​မေ တ​ရွေ့​ရွေ့တိုးကပ်​သွားလိုက်​မိသည်​။ ကြည်​ပြာ​ရောင်​ သမ်း​သော ​ကောင်းကင်​ပြင်​ကြီး၏ ​အောက်​တွင်​ စိတ်​ခံစားမှုအစုံကို ခင်းကျင်းပြ​နေဟန်​ရှိ​သော ပင်​လယ်​ပြင်​ကြီး၏ လှိုင်းလုံးများ ရိုက်​ခတ်​​နေမှုကို သရုပ်​​ဖော်​ထားသည့်​  ပန်းချီကား​လေးသည်​အခန်း၏ နံရံ​လေး​ပေါ်တွင်​ ကျနစွာ ​နေရာယူထား​လေသည်​။ ပန်းချီကားချပ်​​လေးကို ကြည့်​ရင်း ​မေ့ မျက်​နှာထက်​တွင်​ အပြုံးတစ်​ချို့က ယီး​လေးခို၍ လာ​လေသည်​။ မှတ်​မှတ်​ရရ ဤ ပန်းချီကားသည်​ ​မေ ကိုယ်​တိုင်​ ​မောင့်​အား လက်​​ဆောင်​ ​ပေးခဲ့သည့်​ ပန်းချီ တစ်​ချပ်​ပင်​....​မောင့်​အတွက်​ဟူ၍ ရည်​ရွယ်​ကာ ​မေ ​ပေးခဲ့ဖြစ်​​သော ပထမဆုံး​သော ချစ်​သက်​လက်​​ဆောင်​တစ်​ခု...

မေတို့​မိသားစုနေထိုင်​ရန်​ အ​ဆောက်​အအုံအသစ်​ ​ဆောက်​လုပ်​လိုသည်​ဟူ၍ တစ်​မျိုး၊ လုပ်​ငန်းအ​တွေ့အကြုံ ယူလိုသည်​ဟူ၍ တစ်​ဖုံ၊ ဤလုပ်​ငန်းတွင်​ လုပ်​ကိုင်​​နေ​သော အသိအစ်​မထံသို့ အလည်​လာသည်​ ဟူ၍က တစ်​​ကြောင်း အ​ကြောင်းအမျိုးမျိုးပြကာဖြင့်​ ​မောင့်​အာရုံစိုက်​မှုကို ခံရ​အောင်​လုပ်​မိသည့်​ လွန်​ခဲ့​သော အချိန်​ကာလကို ​တွေးမိ​လေ​တော့ ​မေ ရှက်​ပြုံး​လေးပြုံးမိပြန်​သည်​။ ​မောင့်​တစ်​​ယောက်​တည်းသာ ကြည့်​ပြီး စိတ်​ရှိသည့်​အတိုင်း လုပ်​ခဲ့သည့်​အရွယ်​မို့ ​မေ့မိဘတို့၏ "​ယောကျာ်းကြိုက်​​တော့ ​မျှော်​လိုက်​တာ၊ မိန်းမကြိုက်​​တော့ ဆိုက်​​ဆိုက်​လာ" ဟူ​သော စကားပုံကိုပင်​ ဟာသသ​ဘော​နှော၍ "​ယောကျာ်းကြိုက်​​တော့ ဆိုက်​ဆိုက်​ပါ"ဟူ၍ပင်​ စခဲ့ကြ​သေးသည်​မဟုတ်​လား။ ​မေ အ​တွေးနဲ့​မျော​နေစဉ်​တွင်​ တိုးညှင်း​သော ​တေးသံအား ကြားလိုက်​မိပါ၏။