احببتها عنيده

الفصل الاول 💎

كريم كان طفل عنده ١٠سنين  لما شاف مامته وباباه بيطلقوا وكل واحد فيهم بيروح لحاله وبيسافروا وسابوه مع جده اللي رباه وكبره ودخله كليه هندسه
كريم لما بقا عنده ١٥ سنه بدأ يشتغل جمب الدراسه عشان يساعد جده ودلوقتي هو خلاص دخل كليه كويسه واشتغل في شركه كويسه جدا وبدأ يكبر لحد ما اشتري الشركه دي
كريم كان رافض اي فكره فيها حب او جواز بعد اللي شافه من امه وابوه عشان كده كان مركز في حاجه واحده بس انو يكبر كريم ويبقي قوي وبيحاول يبقي مغرور
نبدأ.......
كريم راجع من الشغل داخل علي جده
كريم: ازيك ي احلي جدو عامل ايه وحشتني اووي
الجد: ازيك ي كيمو والله نت واد بكاش
كريم: ليه بس كده طب والله واحشني 
الجد : طيب مش ناوي تفرح قلبي بقا ببنت الحلال
كريم: ي جدو انا قولتلك انا عايز ابني مستقبلي كويس
الجد: ي بني نت بقا عندك بدل الشركه مجموعه شركات عالميه وربنا كرمك على الاخر يبقي تفرح قلبي قبل ما اموت
كريم: حاضر ي جدو هبقي اشوف بس دلوقتي انا جعان اووي يلا ناكل
الجد: يلا ي حبيبي
نشوف البطلة بقا ....
ورد  بنت صاحب ابو كريم كانت بتيجي معاه تقعد مع كريم زمان بس كانوا علي طول بيتخانقوا واول لما والد كريم سافر محدش شافهم من ساعتها
نرجع لقصتنا
الجد : بقولك ي كريم  فاكرالبنت اللي كانت بتلعب معاك زمان
كريم : لا مش فاكر
الجد: هتفتكرها لما تيجي بكره
كريم بنبره مختلفه: نعم !جايه فين ؟وليه
الجد : دي ورد.. أبوها طلق امها وسافر واتجوز بره وفضلت مع مامتها لحد ما مامتها توفت من اسبوع وملهاش حد في الدنيا دي غيري لاني  انا اعرفهم ي بني
كريم: وانا مالي بقا ..هتيجي ضيفه ليك مش ليا ..صحيح هي ناويه تقعد اد ايه ؟
الجد: احم احم علي طول هتقعد علي طول ي كريم
كريم: نننننعم!
الجد وبيحاول يخليه يصعب عليه : ي بني اقصد لحد ما اموت ي بني 😔
كريم: ي جدو والنبي ما تقول كده تيجي وتفضل زي مانت عايز بس متقولش كده
الجد وملامحه بقت فرحانه: صح هو ده ابني اللي ربيته 😉
كريم: أيه ي جدو نت بتقلب في ثواني كده  مش من شويه كنت زعلانه😂
الجد: بطل رخامه ياض وقوم يلا نام عشان تسقبلها بكره معايا
كريم: حاضر اما نشوف اخرتها 🤷🏼‍♀
يناموا ويجي الصبح وتوصل ورد
ورد بهدوء: ازي حضرتك ي جدو وحشتني 🥺
الجد: ونتي كمان ي بنتي عامله ايه
ورد : انا كويسه
الجد: اعرفك ده كريم حفيدي  كنت بتلعبوا مع بعض فكراه
ورد: طبعا فكراه ..كان كل يوم بيتخانق معايا وكسر عروستي...بس اهلا ازي حضرتك 😒
كريم : ماشاء ذاكره قويه ..بس تقريبا حوار الخناق ده لسه مخلصش 😎
ورد: اووف استغفر الله العظيم
كريم: نتي جايه تتوبي هنا
الجد : اقعد ساكت ي كريم عيب كده ويلا علي الفطار
خلصوا فطار وكريم راح الشغل وورد فضلت مع الجد
الجد: ازيك ي بنتي عامله ايه
ورد : انا كويسه
الجد: عايز اطلب منك طلب ي بنتي
ورد: اتفضل ي جدو نت عارف غلاوتك عندي ي جدو وانا عمري ما انسي اللي كنت عملتوا معايا انا و ماما
الجد: عايزك تتجوزي كريم
ورد وقفت: لا طبعا الا الطلب ده انا مش بطيقه
الجد: عشان كده هتتجوزيه عشان مش بطيقوا بعض نتي الوحيده اللي هتقدري تغيريه ي بنتي علي العموم انا مش هغصب عليكي وانا مش هفتح معاه الموضوع غير بكره انا ي بنتي معدتش عندي في العمر كتير
ورد: بعد الشر عليك بس انا هفضل مش حبه اني اتجوزه هتحصل مشاكل كتير حضرتك عارف غلاوتك عندي بس مش هقدر استحمله
الجد: فكري مش هتخسري حاجه ي بنتي
ورد: حاضر بس انا هطلع ارتاح في اوضتي شويه وهرد عليك بليل
الجد: مستنيكي
عند كريم في شغله
كريم : انا معرفش ي يوسف بيعمل فيا كده ليه هو عارف اني مش بحب كده ومع  ذلك  برضه كل يوم نفس الكلام عن الجواز
يوسف: ريح جدك هو معاه حق نفسه يطمن عليك ي اخي  نت عيل بارد اصلا 🙁
كريم: والنبي ارحمني كفايا عليا جدو
يوسف: انا هقوم اشوف الشغل ماشي ازاي كده وهاجي
كريم: لا متجيش انا خلاص هروح الساعه ٥
يوسف: ماشي
وصل كريم البيت واتغدا مع جده لان ورد نايمه من ساعتها
كريم : هي نايمه كل ده ...ده طبيعي يعني
الجد: ونت عندك مشكله في أيه عايز تتخانق مع حد ي كريم وخلاص😒
كريم: احلي حاجه فيك ي جدو فاهمني 😂
الجد: انا طالع اصحيها ونت تتلم شويه
كريم: عيوني ي جدو بس كده
يطلع الجد عند ورد ويطلب منها تنزل تاكل
ورد: حاضر انا نازله اهو ي جدو
تنزل ورد
ورد: انا فكرت وانا مش موافقه
الجد عمل نفسه تعب ووقع علي الارض
كريم: جدو😳روحي اطلبي دكتور بسرعه يلا
ورد: حاضر حاضر
جه الدكتور وهما طلعوا بره
اتفق الجد مع الدكتور انو يقول انوا تعبان واي صدمه او خوف هيأثر علي قلبه
وفعلا الدكتور نفذ كلامه وقالهم
دخل كريم وورد
كريم: الف سلامه عليك ي جدو خوفتني عليك كده
الجد : لو عايز تريحني ي كيمو فعلا اتجوز ورد ي بني
كريم: جدو نت بتقول ايه 😦
الجد: اللي سمعته لو بتحبني وخايف عليا اسمع كلامي 
كريم : حاضر ي جدو هعمل اللي نت عايزه بس نت ارتاح..ونتي تعالي عايزك في موضوع
ورد: ماشي
طلعوا بره
كريم : انا مقدرش اقول لجدو لا وف نفس الوقت مش عايز اتجوز حاليا
ورد: وهو قالي وانا رفضت
كريم: أنا عندي حل للمشكله دي
ورد: ايه؟
كريم : احنا هنقول لجدو اننا كتبنا الكتاب واتجوزنا انما  احنا لا هنكون اتجوزنا ولا حاجه وفتره كده ونعمل خناقه كبيره واقول اني طلقتك خلاص وكل واحد يروح لحاله وشوفي نتي عايزه كام وانا هدفع
ورد : هتدفع!انا مش حاجه هتشتريها عشان تدفع وانا لو هوافق ف عشان جدو مش اكتر انما مش عشان فلوسك وعايزه اقولك انك معندكش زوق
كريم: وفري كلامك ده ي حلوه وادخلي دلوقتي معايا قولي لجدو انك موافقه واننا هنروح نكتب الكتاب حالا وبعدها تروحي علي أوضتك لحد  ما ارجع اقولك الجديد
ورد: طيب
كريم فعلا عمل اللي قالها عليه والجد طبعا فرح جدا من الخبر
الجد قام وقاله : نادي علي ورد
كريم راح وجبها
الجد: من دلوقتي ي بنتي نتي مراته وشايله اسمه وكمان حاجتك تتنقل لعنده في الاوضه
ورد:😳 اوضه
كريم: ايووووه طبعا اوضتنا ولف ايده علي كتفها
ورد: طيب بعد اذنك ي جدو اصل عايزه كيمو في اوضتنا في كلمتين كده
كريم: طبعا ي حبيبتي
يدخلوا الاوضه واول ما يدخلوا
ورد تضربوا بأيديها  في بطنه 😂
كريم: اه ه...ي بنت المجنونه
ورد: فكر تحط ايدك عليا تاني وبعدين اوضه ايه اللي هنام فيها دي
كريم: نتي ايدك اتقل من ايدي ولو عملتيه تاني مش هتشوفي لا ايدك ولا هتشوفي تاني وانا هنام علي الكنبه ونتي علي السرير وبس ولازم نمثل كويس نتي سامعه حسبي الله ونعم الوكيل فيكي ي شيخه نتي ايه ايدك ايه حاسس ان الجهاز الهضمي باظ
ورد بضحك: احسن
خرج ورزع الباب وراح يكلم يوسف
كريم: ايوه ي زفت
يوسف: هو انا ليه دايما نصيبي في الصحاب اتشم ب زفت فهمني بس😂
كريم: مش وقتك وحكاله علي الخطه  والضربه اللي ورد ضربتها
يوسف: ي بنت الجنيه وكمان اسمها ورد طب ازاي و ايديها تقيله  بس اقولك احسن تستاهل دي بقا هتطلع عليك الجديد والقديم فرحان فيك ..فرحان فيك 😂
كريم: اقسم بالله لو ما اتلميت لاجي اضربك نفس الضربه
يوسف: لا يعم وعلي ايه انا هنام
كريم: ماشي سلام
كريم: اما اشوف البلوه اللي جوه دي

#إسراء ابراهيم
#أحببتُها عنيده