احببتها عنيده

الفصل الاربع والثلاثون💎

وصلوا ........
نزلوا من العربيه ودخلوا مريم طلعت ورد ونزلت
كريم :  دادا عفاف ...جدو فين
عفاف : ي اهلا وسهلا  ي كريم ي بني نورت بيتك ..جدك فوق ف اوضته والست حنان قاعده معاه
كريم :  ماشى ...مريم معلش خليكي مع ورد انهارده
مريم : اكيد طبعا هفضل متقلقش روح نت شوف المشاكل دي
كريم طلع ومعاه يوسف لوحدهم ل لجدهم
كريم اتخض اول ما شافه وشه اصفر والتعب باين عليه والدموع اتجمعت ف عينه
كريم بصله بندم : انا اسف ي جدو والله انا معرفتش اكلمك متقلقش انا هحل كل حاجه
الجد رد عليه بتعب : يوسف..يوسف تعالا اقعد جنبي هنا
يوسف قعد جمبه والدموع نزلت من عينه : مالك ي جدو متقلقش عليا انا كويس وكارما هتبقي كويسه وهترجع
الجد : حقك عليا ي بني عشت طول حياتك بعيد عننا علي انك صاحب كريم وملكش حق ف حاجه حته كارما متعرفش انك ابن عمها...نت ليك حق ي يوسف وحقك محفوظ وانا جبت المحامي من شويه وقسمت كل حاجه عليك نت وكريم وكارما وحسن  و ورد و كتبت نصيب لمراتك ي يوسف اي كان مين هي يوم ما هتتجوز حقها هيكون محفوظ ف عيله البدري
يوسف : ي جدو انا مش عايز حاجه غير انك متقلقش ومتتعبش نفسك ف التفكير ارتاح ي جدو عشان خاطري
الجد: انا عملت كدا ي كريم وخبيت السر ده طول حياتي عشان ابوك لو كان عرف ان اخوه عبد العزيز ابو يوسف جاب ولد كان هيقتله ابوك طول عمره اناني ويوسف مكنش هيتقي شره انما دلوقتي انتوا كبرتوا وتقدروا تحموا نفسكم منه انا مش خايف عليكم عارف ان اخوك كريم هيحميكم طول عمره
كريم عمض عنيه واتنهد: جدو كفايا كلام بقا نت معنتش بتسمع الكلام علي فكرا وكدا هنزعل يلا نام وارتاح وانا اوعدك اني كارما هتنام انهارده ف حضنك واني مش هرحم اللي عمل كدا
الجد : انا واثق فيك ي كريم خد بالك من نفسك ومن اخوك وربنا يرجعك بسلامه
حنان كانت قاعده ساكته سامعه كل اللي بيحصل دموعها نزلت علي شكلهم وقامت مشيت من الاوضه
كريم طلع هو ويوسف من الاوضه وقفل النور وقفل الباب ونزلوا علي تحت
كريم زعق جامد وصوته كان مسمع البيت كله
كريم : انتوا يشويه مغافلين يلي برا...
عصام : امرك ي كريم بيه
كريم : ازاي كارما تطلع لوحدها من البيت هو انا مش منبه قبل ما امشي محدش يسيب حد من البيت لوحده قولت ولا مقلتش بس باين عليكم خلاص وحشكم كريم القديم ..كل طقم الحرس مرفوض ويتغير من حالا ي عصام ونت بقا ليك معايا كلام تاني لو كارما حصلها حاجه مش هيكفيني عمركم كلكم.. اتفضل نفذ اللي قولته وابعتلي السواق
عصام كان عارف انه غلطان : امرك ي كريم بيه
كريم ويوسف كان متعصبين جدا وعمالين يزعقوا ف اي حد
شروق نزلت : اهدي بس ي يوسف...
يوسف: مش عايز اسمع صوت حد واتفضلي اطلعي فوق ي شروق
شروق : اهدي بس كدا...
يوسف زعق فيها جامد : هو انا مش قولت اطلعي فوق نتي مبتفهميش
شروق اتصدمت من طريقته وبصتله وطلعت تجري علي السلم بتعيط ورزعت الباب
السواق جه
كريم : أي اللي حصل
السواق حكي اللي حصل بزبط
كريم : شوفت  اي ملامح العربيه
السواق: لا ملحقتش ...بس شوفت اللي كان بيسوق كويس واقدر اوصفهولك
كريم : يوسف ابعت حد يجيب رسام لهنا حالا
يوسف طلع تلفونه وبعت رساله لعصام ب اللي طلبه كريم
وبعد شويه جه الرسام وهو خايف من شكل كريم
كريم : مش هنعيد كتير اللي يقولوا ترسمه وتركز اتفضل
ابتدأ السواق يقول موصفات والرسام يرسم
وبعد ربع ساعة
الرسام : اتفضل ي كريم بيه
كريم خد منه الرسمه واتأمل فيها
كريم : انا عمري ما شوفت الراجل ده قبل كدا
يوسف خدها منه واتأمل فيها اكتر : انا عرفت كارما فين
يوسف : يلا ي كريم مفيش وقت
طلعوا الإتنين وركبوا العربيه ويوسف شغل العربيه وطار بيها
كريم : ممكن تفهمني احنا رايحين فين
يوسف كان عارف ان رده علي السؤال ده هيعمل مشكله بينهم بس كان لازم يرد
يوسف: رايحين للمكان اللي عايش فيه عبد العزيز (ابو يوسف)
كريم استغرب: رايحين هناك ليه
يوسف : لأن الراجل المرسوم ده واحد من رجالته
كريم : ونت عرفت منين
يوسف : لأن روحت عنده قبل كدا وشوفت الراجل ده و اتخنقت معاه ..وقبل ما تسأل روحت هناك ليه ..انا روحت عشان جدو
كريم خبط بايده علي تابلو العربيه: انا مش عارف نت بتفكر ازاي..ازاي تخلي جدو يروح هناك انا عايز افهم يبقي نت كنت عارف حوار حسن ومخبي عليا انا مش عارف بصراحه الجنان هيوصلك ل اي
يوسف داس فرامل وقف العربيه: وصلنا انزل ي كريم وبعدين نبقي نتخانق بعدين
كريم نزل من العربيه متعصب اكتر وخد سلاحه
يوسف : المكان ملوش غير مدخل واحد وفي رجاله كتير ..في خطط
كريم : مش قادره افكر
يوسف انا هدخل الأول ونت ورايا لو لقيت حد هحاول اشتت انتبهم انك تدخل تشوف كارما جوا ولا لا..لو ملقتش ندخل سوا ندور
كريم هز رأسه بالموافقه
يوسف دخل خبي سلاحه ورا ضهره
ملقاش حد ف شاور لكريم
كانوا ماشين بشواش لحد ما كان طالع صوت من اوضه قاعد فيها كل الرجاله يوسف شد كريم عشان كان في واحد طالع من الاوضه يطمن
يوسف : هششش
الراجل دخل تاني
بص يوسف عشان يشوف لقاه دخل شاور لكريم انه يتحرك
فضلوا يدورا ف الاوض ومش لاقين حاجه
كريم بص علي الارض لقاها بتتحرك
كريم: الارض بتتحرك
يوسف : نت سخن..ارض اي اللي بتتحرك
كريم : ي مغفل..دي اوضه سريه
يوسف : لا مخابرات مخابرات مش كلام
رفعوا هما الاتنين الباب السري اللي تحتهم ونزلوا
كريم مشا شويه لحد ما سمع صوت عياط
جري شويه لقدام شاف كارما مربوطه
كريم : كارما ي حبيبتي متخافيش انا جيت اهو
وهو بيفكها شاف حاجه بتتحرك علي الارض وراها
بيبص شاف عبد العزيز
كريم بصله وكأن جردل مايه ساقعه اتصب عليه : طالما نت مربوط ومتكتف كدا امال مين اللي خطف كارما
كارما قامت صارخه انه يفك بؤقها
كريم بصلها ورجع يفكها: استني ي كارما..مين اللي عمل فيكم كدا
كارما: ب ..با..بابا ....
كارما بصت وراه : حاسب حاسب ي كريم
حد خبط كريم من واره علي رأسه
كريم وقع ف الارض
كارما صوتت جامد : كريييييم.....حرام عليك ده ابنك
محمود والشر باين من عينه : هششش مش عايز اسمع صوتك خالص..كلكوا هتموتوا واحد ورا التاني
رجع محمود (ابوها): ربطها وربط كريم جمبها
كارما كانت عماله تعيط وخايفه علي اخوها
وبعد فتره فاق كريم
كريم بيفوق وبيحاول يفتح عينه:  آه دماغي ...
بص لكارما وهي هتموت من العياط من خوفها عليه
كريم : متخافيش ي كارما انا كويس هنتطلع من هنا اوعدك
محمود : صباح الخير ي سياده المقدم ..مستعجل علي الخروج ليه ما انت منورنا
كريم : نت مجنون
محمود : حد يكلم ابوه كدا ها
كريم ضحك بسخريه: نت مجرد كلب سعران خايف وجبان
محمود: هي دي تربيتك ..محدش علمك تتكلم مع ابوك ازاي
كريم : نت عمرك ولا كنت ولا هتكون ابويا..نت رجعت ليه وعايز مننا اي
محمود: حقي..ان اكبر ابن لعيله البدري ..وعبد العزيز هيتقتل لو مش مني من تجار المخدارت و السلاح اللي بيدورا عليه وخليل كدا كدا مش هيفتح بؤقه معايا لانه كلب فلوس واي قرشين هيسكتوه
كريم : اتأخرت ي محمود بيه كل الثروه مكتوبه بأسم احفاد عيله البدري والنصيب  الأكبر ل ولاد عمي يوسف وحسن يعني لو قتلتني انا وكارما حته ف مش هتقدر النصيب الأكبر ف العيله لان عبد العزيز اخوك عنده ولادين
محمود  اتعصب ومسك وش كريم بايده جامد : عرفت عشان كدا خطفتها عشان نت تيجي وشويه والاقي يوسف جاي وحسن ده همحيه اما جدكم...ههههه ده خلاص هو هيموت لوحده من حزنه عليكم
كريم بصله وسكت وقال جواه : يوسف..هو يوسف فين ؟
فلاش باااك
كريم : اقفل الباب وراك عشان محدش ياخد باله
يوسف : ماشي اسبقني نت علي ما اقفله كويس
كريم فعلا سبق وسمع صوت كارما وجري عليها كان لسا يوسف بيتحرك عشان يحصل كريم بس شاف حد من بعيد ف استخبي وبعدين بص تاني
شاف الراجل ده دخل عند كريم ف يوسف كان بيراقب من بعيد ومدخلش لانه لو ادخل دلوقتي ميعرفش اي اللي بيحصل جوه ف قرر انه دخوله يبقي ف الوقت المناسب
بااااك
كريم اطمن ان يوسف موجود واكيد مستني فرصه للدخول
يوسف كان بيفكر يعمل اي رن علي الشرطه وقالهم العنوان
محمود : أخرتك علي ايدي ي كريم ي بدري
وطلع سلاحه و واجه ناحيه رأسه
كارما بتحاول تتكلم بس رابط بوقها
كريم غمض عينه وعلا صوته : تمم عرفت انك بطل تقدر تقدم العرض
محمود بصله بعدم فهم : نت بتخرف بتقول اي
كريم : مفيش وقت ي طرزان اخلص
يوسف خبط محمود علي دماغ
يوسف : ممكن بعد كدا تسبيني اخد دور البطل بتاع الافلام اللي بيجي ف اخر لحظه ممكن ها
كريم ضحك بتعب : اخلص فك كارما
يوسف: طب ما ايدك مفكوكه اهو امال قارفني ليه ما كنت قومت ضربته وخلصت
كريم : عمرك ما هتتعلم ..ي غبي معاه ف سلاح وفي اختي افرض أيده خبطت ف طلعت رصاصه واخاطر ليه
يوسف: في دي معاك حق
كريم قام وفك عبد العزيز
ويوسف فك كارما
كارما حضنت كريم جامد اوووي : ازاي متقوليش ان كريم ابن عمي
كريم: ده وقته نتكلم ف البيت بقا
كريم نزل لمحمود: طول عمري بحلم ان اشوف ابويا وامي واسألهم ليه كدا ليه عملتوا فيا كدا كنت ممكن اسامحك لو كنت فعلا أب بس نت فعلا متستهلش الكلمه دي طول حياتك عشت برا بلدك ولما رجعت هتعيش فى سجنها
عبد العزيز: شكرا ي يوسف ي بني
يوسف : ومين قال اني جيت عشانك انا جيت لكارما وكريم ..نت زي محمود وأسوأ علي الاقل هو كان عايش برا وناسي عياله ما بالك بقا باللي عايش معانا وناسينا كل اللي اقدر اقولك ان حسن اخويا ومتقلش عليه احفاد عيله البدري ايد واحده طول عمرهم.

# إسراء ابراهيم
# أحببتها عنيده