احببتها عنيده

الفصل العاشر💎

ورد: يلا علي الملاهي 😂
كريم : يلا ي قمر 😚
نزل كريم ومعاه ورد ...و ورد ماشيه لمحت شخص وحست انه زين ..بس كريم مدهاش فرصه انها تفضل واقفه
كريم بحده: هنفضل واقفين ما تركبي
ورد : ها ايوه حاضر هركب
ركبت ورد بسرعه وهي بتفكر ممكن فعلا يكون هو فاقت من شردوها علي صوت كريم: وصلنا
ورد نزلت وقررت تنسي التخيل ده ودخلت الملاهي وهي فرحانه
تقريبا لعبت كل الالعاب لحد ما تعبت
كريم: عايزه تروحي تلعبي حاجه تاني
ورد: لا تعبت ..جعانه اكلني
كريم بضحك: حاضر..اجبلك ايس كريم
ورد: بص بقا سيبك من شغل الغني ده وعيش طبيعي كده لما اقول جعانه واحنا في وقت غدا يبقي عايزه رز ومحشي واكل طبيعي بلاش بقا اكل الخواجات ده
كريم: يلهووي ده نتي قلبك قاسي اووي طلعي كمان ده كله عشان قولتلك ايس كريم بدل محشي..مقرفه😧
ورد : عاجبني..طيب هقولك اكلني الايس كريم وبعدين نروح نتغدا غدا كده عليه القيمه
كريم: طفسه بس حاضر تعالي ي ختي اجبلك الايس كريم بتاعك
ورد: ماشي ي اخويا
كريم باستغراب: اخويا!
ورد: مش نت بتقولي اختي هقولك اخويا ..نت رغااي اوي علي فكرا
ومشت واتجهت ناحيه محل الايس كريم
كريم فضل مكانه مستغرب منها..جز علي سنانه: صبرني ي رب
راح كريم وجابلها الايس كريم وفضل باصص عليها وهي بتاكل زي الاطفال
خلصت ورد وعدي من جنبها بياع بالونات بصتله
ندي كريم علي البياع واشتري كل اللي معاه وراح جاب دبدوب ابيض كبير وادهولها
ورد: ده كله ليا
كريم: امال ليا
ورد: شكرا بس جعانه
كريم: كان عندي حق انا متجوز طفله
ورد: عندك اعتراض ي كريم بيه
كريم: معنديش معنديش يلا اركبي
وصلوا الفندق واول لما دخلوا طلب كريم انهم يفضوا المطعم عشان هو و مراته هيتغدوا براحتهم
طلب المدير من الناس اللي في مطعم الفندق انهم يتفضوا حاليا والغدا هيطلع للأوض
وفعلا اتنفذ كل اللي طلبه كريم
دخل كريم ومعاه ورد
ورد: المكان فاضي ليه
كريم ببرود: عشان انا اللي طلبت
ورد: ونت ازاي تقدر تفضي مكان كبير زي ده
كريم بثقه: أولا انا اقدر اعمل اللي انا عايزه انا كريم البدري صاحب اكبر مجموعه شركات نتي ناسيه وكمان انا مالك الفندق ده
ورد : خلاص خلاص هتفضل تتكلم انا جعانه
كريم : ثواني والأكل هيجي
ورد : كريم
كريم: نعم
ورد بود : انا فرحانه اوووي انهارده انت فرحتني جدا
كريم بحب: احنا تحت أمرك
اتقدم الاكل بكل احترام ليهم وسرح كريم واتخيل حد
وبدأت اكل ب سرعه رهيبه وفضل بصصلها كريم بدهشه
كريم: اهدي شويه هو حد بيجري وراكي
ورد: كريم مالك انا لسه مكلتش
فاق كريم من اللي بيقوله
كريم: معلش سرحت شويه
كريم مع نفسه : هتفضل فاكرها لحد أمته هتفضل بتفتكر كل تصرفاتها لامته ربنا يبعدها عني ويقويني اردلها كل اللي عملته فيا
ورد: طيب هنأكل امته
كريم : اتفصلي كلي
دخل حد وهو متعصب وهو بيزعق مع رجال الأمن
الشخص بعصبيه : ازاي يعني ممنوع اننا ندخل المطعم عشان في حد مهم جو..هو مش بشر يعني ..انا دافع فلوس عشان اخد كل حقوقي زيه بزبط
قام كريم متعصب : نت ي حضرت بتتكلم كده ليه وبعدين عاملي ازعاج ليه مش فاهم ..مش قالك ان كريم البدري حاجز المكان كله
الشخص بعصبيه اكتر: انا زيي زيك علي فكرا حاجز في الفندق وعايز اكل في المطعم
قامت ورد لكريم تعرف في أيه وايه سبب الخناقه دي
ورد ولسه هتتكلم شافت وش الشخص وهو شافها
جرت عليه بسرعه حضنته: وحشتني وحشتني اوي ي زين
زين: ورد ورد حبيبتي نتي اكتر وحشاني عامله ايه وحشاني ي قلبي طمنيني عليكي
ورد : والله انا كويسه نت عامل ايه وجيت أمته وازاي متجيش تشوفني
كريم واقف مش فاهم اللي شايفه قدامه ده حقيقي ولا لا شايف ورد مراته بتحضن حد غريب وبتكلمه كلام زي ده واللهفه اللي في عنيها
كريم معلاقا علي كلام ورد: والله كويسه لا بصراحه طمنتيني والله.. وبدون كلام معاها
وقع زين علي الارض من بوكس قوي من كريم و وجه كلامه لورد وبصوت عالي جدا وقدام الناس: حسابك معايا بعدين ي هانم ي محترمه جدا وقدام الناس كمان بتحضني واحد غريب نتي اتجننتي
ورد بدموع: ثواني ي كريم بس...
كريم: مش عايز اسمع منك حاجه نتي تخرسي خالص
وشدها من دراعها جامد وطلعها للجناح بتاعه
واول لما دخل : مين زين
ورد بعياط: اهدي بس ي كريم
كريم: انطقي مين زين
ورد: نت ضربته ليه وازاي تزعقلي كده قدام الناس
كريم: ده كل اللي همك وشكلي ومراتي بتحضن راجل غريب ده ايه المفروض اني افضل واقف فرحان مثلا نت مش بتحترميني ولا بتحترمي نفسك..انا غلطانه اصلا من الأول
ورد دخلت علي الحمام تجري وقفلت الباب
كريم: افتحي الزفت ده مين زين بقولك
ورد: امشي ي كريم بقولك
طلع كريم وقفل باب الاوضه بكل عصبيه
نزل تحت للمدير : مين اللي اسمه زين ده ..
كل المعلومات عنه تكون عندي في خلال خمس دقايق
المدير: حاضر ي كريم بيه
و بعد خمس دقايق
المدير: زين يكون قريب مدام ورد البدري
كريم برعب : قريبها
طلع كريم لاوضه ورد بسرعه
فتح باب الاوضه شافها قاعده ضامه رجليها وحاطه ايديها علي وشها وبتعيط

كريم بزعل: ورد هو زين فعلا قريبك
ورد بانفعال: ايوه أيوه قريبي يبقي ابن عمي واخويا
كريم: ومقولتيش ليه
ورد: هو نت سبت فرصه اقول حاجه نت فضلت تزعق تزعق نت ازاي تتكلم معايا كده
كريم: انا مكنتش اعرف قدري موقفي شويه كنتي عايزاني اعمل ايه طيب
ورد: عارفه انك اتصرفت زي اي حد لو مكانك هيتصرف بس نت لازم تدي فرصه للي قدامك انه يشرح ويبرر ويفهمك اللي بيحصل بس ازاي ازاي كريم بيه البدري يسمع لحد
كريم: انا اسف سامحيني اسف غصب عني اتعصبت لما شوفتك بتحضنيه وبتتكلمي معاه كده
ورد: لا مش هسامحك نت زعقتلي قدام الناس ي كريم
كريم : خلاص قومي وانا هعتذرلك قدامهم
ورد : لا طبعا متعملش كده
كريم : امال نتي عايزه ايه
ورد: عايزاك تهدي شويه وتتكلم براحه وتسيطر شويه علي عصيبتك دي
كريم: حاضر ي ورد هحاول...خلاص بقا فكي شويه متزعليش
ورد: مش زعلانه
كريم : متاكده ولا اقوم اصالحك بنفسي
ورد : هتقوم تعمل ايه
كريم وقرب منها جدا
ورد وقلبها دق بسرعه : خلاص والله مش زعلانه منك
كريم : طيب سيبيني اصالحك بنفسي
دفعت كريم وهو حاول الاقتراب منها مره أخري
ورد بضحك: خلاص بقا ي كريم
كريم : خلاص براحتك نتي اللي خسرانه
ورد بخجل: خلاص بقا انا عايزه انام ..يلا خد مخده ونام علي الارض
كريم: لا واضح انك فكيتي بصراحه..حاضر هاتي المخده
خد المخده ونام وساب النور شغال عشان ورد
وفي عز الفجر
ورد بصريخ: الحقني ي كريم الحقني
كريم صحي بفزع: في أيه اللي حصل
ورد وشاورت علي الدولاب: في صوت طالع من الدولاب ي كريم الحقني شكله صرصار
كريم : حرام عليكي والله مصحيني من النوم عشان صرصار
ورد : قوم ي كريم انا خايفه
لمعت عين كريم بخبث: عندي حل ..طبعا لو طلع الصرصار ده هيجيلك الأول لانك اقرب للدولاب ف خليني انا علي السرير جنبك احميكي
ورد بفزغ: ده بعدك..مفيش نوم خليك نايم مكانك
كريم : خلاص بقا طالما نتي اللي قولتي بطلي شغل عيال ونامي انا مش ناقص وجع دماغ
كريم ورجع لمكان نومه
ورد وهي بتشوفه بينام تاني ..وسمعت الصوت تاني
ورد : خلاص ي كريم والنبي قوم نام جانبي
كريم: لا معلش انا عايز انام هنا علي الارض مبسوط
ورد: والنبي ي كريم قوم نام جنبي قوم
كريم : أمري لله
طلع نام جنبها واستغل الفرصه وحاوطها بايده
ورد وهي بعدت عنه: بتعمل ايه
كريم : مهو لو طلع فار هينط هنا وساعتها هيجيلك نتي حره خليكي بعيد
ورد : عندك حق ..احضني خلاص
كريم بفرحه : تعالي
ناموا الاتنين في هدوء
..................
في فيلا البدري
الجد: يوسف
يوسف: نعم ي جدو
الجد: هتفضل كده مخبي الحقيقه دي
يوسف: جدو نت عارف ان انا مش اللي مخبيها ده كريم وكمان لسلامته وسلامتي
الجد: بس ي ابني نت تبقا....
ي تري ايه الحقيقه اللي مخبيها يوسف و كريم

#إسراء ابراهيم
#احببتها عنيده