طلعت شمس يوم جديد ...
ورد فتحت عنيها وشالت ايد كريم من علي وسطها وقامت دخلت الحمام
بعد شويه ....
ايد كريم بتدور عليها فتح عينه لقاها واقفه بترفع شعرها ولا لبسه فستان ابيض فيه فراشات شكله برئ اووي
كريم : صباح الورد
ورد بصتله : صباح الخير ..انا من ساعه ما صحيت بفكر ف اللي قولتهولي امبارح..هتقول للعيلة
كريم: مش عارف ي ورد لسا قلقان من رده فعلهم
كريم قام من علي السرير وقف قدامها : انا لسا معرفش حكايته اي
قطعهم صوت عياط جامد
الاتنين بصوا علي الباب كريم طلع و ورد لفت الحجاب بتاعها وطلعت وراه
كريم دخل الاوض بتاع الولاد الصوت مش منها
ورد دخلت اوضه جوري وريناد
ورد علت صوتها جامد: كرييييم...جوري وريناد مش هنا
كريم : يعني اي يعني مش هنا
كريم نزل يجري علي السلم: دادا عفاف...عصام
سمع صوت عياط جوري
بص جمبه
حنان : ي خويا اي البت الزنانه دي ده كله عشان ألعب معاها شويه
جوري صرخت : ب با با ...
كريم شالها : بس ي حبيبتي..خلاص بطلي عياط
ورد خدتها : معلش ي طنط حنان متزعليش اكمنها متعرفكيش
كريم : ازيك ي خالتو عامله اي
حنان : انا كويسه ي بني..امال دي كمان بنتك ..
كريم : دي ريناد بنت يوسف ومريم الصغيره
حنان : قموره اووي ما شاء الله ربنا يحميهم...انا قولت اجي اعملهلكم مفاجأه...وآه ي ورد لما كنت ف البلد في واحد كدا باين عليه فلاح جه وسأل عليكي وانا اديته عنوان الفيلا هنا..وقال انه هيجي أنهارده وقال كمان انه قريبك
ورد : انا مليش قرايب او مشفتش طول حياتي قرايب بيجوا لماما مثلا ومن عيله بابا هو زين ومريم وبس كدا خلاص
حنان : معرفش بقا هو قال انه جاي ..
كريم : اما نشوف مين اللي بيسأل عليها
مريم : صباح الخير ..ازيك ي طنط
حنان: ازيك نتي ي حبيبتي
مريم : الحمد لله بخير ..اي ده اي اللي نزل ريناد
حنان: انا كنت بلعب معاهم شويه بس خلاص كبرت معتش عندي طوله بال
مريم : لا متقوليش كدا ..ربنا يديكي الصحة
ورد: نتي لابسه كدا ورايحه فين
مريم : هروح المستشفي...في حاله هناك ومفيش ولا دكتور معرفش اي الاستهتار ده
ورد: هترجعي متأخر
مريم : اه عندي شغل كتير ...هطلع الأول اشوف الولاد لبسوا ولا لا للمدرسه ..انهارده لسا الحد مينفعش يغيبوا
ورد : خلاص روحي نتي عشان متتأخريش ومتقلقيش عصام هيوديهم كلهم المدرسه
مريم: خلاص ماشي ي ورد
عفاف: اخد ريناد اطلعها ي ورد هانم
ورد : لا ي دادا سبيها كدا كدا كله هينزل عشان الفطار هتطلع فوق لوحدها هتعيط
مريم مشيت
ربع ساعه وكان الفطار جاهز
ورد : ابعتي حد ينده عليهم ي دادا
يوسف: خليكم انا هطلع...وصباح الخير
كريم: صباح النور ..
يوسف طلع بسرعه جاب كل الأطفال ونزل
كريم : تنفع علي فكرا لو اشتغلت ف حضانه
يوسف : مش حلوه ..جدو مش هيقدر ينزل بيقول انه هينزل علي الغدا
كريم : ماشي سيبه براحته
راكان:بابا
كريم : نعم
راكان : في رحله ف المدرسه يومين والمس طالعه معانا كمان هي جايزه للفصل بتاعنا عشان الفصل فاز بالمسابقه بتاع الأوائل ينفع اروح هيكونوا حاجزين لفندق ننام فيه لتاني يوم
ورد : لا طبعا مفيش مرواح ف...
كريم : استني ي ورد...الرحله دي لفين
راكان : اسكندرية
كريم : موافق
ورد : بس ي كريم
كريم قاطعها: روح ي راكان هي هتبقي أمته
راكان :بكرا ي بابا
كريم : ماشي يلا قوم افطر مع اخواتك
راكان قام وكلهم قاعدوا علي السفره و ورد متعصبه
يوسف: هي مريم ده كله ف المطبخ
كريم : مطبخ اي
يوسف : امال هي فين انا مفكرها بتساعد دادا عفاف
ورد : لا مريم راحت الشغل من نص ساعه كدا
يوسف اتعصب: وازاي تمشي من غير ما تقول
كريم : قالت في مريض ولازم تروح
يوسف قام من علي الاكل
كريم : رايح فين
يوسف : هقولك لما ارجع
حسن : سيبه ي كريم انا معرفش مريم مستحملاه ازاي
شروق : بقولك اي ي حسن انا عايزه انزل انا و فارس اجبله لبس جديد
حسن: مهو لسا جايب قريب هو كل يوم
شروق: في اي حسن بتعلي صوتك ليه هو ده مش ابنك وليه حق عليك
حسن: بس كل حاجه بالعقل حلوه الدلع ده آخرته وحشه
شروق: هو انا عندي كام ولد يعني عشان أدلعه مش ابني
حسن: مهي ملكيه بنتك برضه والدلع للبنات مش للولاد
شروق: ده كله عشان قولتلك تجبله لبس
فارس : خلاص ي ماماي مش عايز
حسن: ماشي ي شروق روحي هاتي اللي نتي عايزاه حاجه تاني ...بس زي هتجيبي لبس جديد ل فارس هتجيبي لمليكه ف كل مره هتنزلي فيها
شروق: ماشي
كارما : صباح الخير ي شباب
كريم : صباح النور
كارما : كريم انا عايزه اخرج يعني اتصرف بقا وديني مطعم من مطاعم الفنادق..اقولك فسحني علي زوقك
زين : مش فاهم هو نتي مش متجوزه..المفروض انك ممكن تخرجي من غير ما اوافق
كارما : مهو نت مش عايز توديني ف حته ومش فاضيلي حته الاسبوع اللي خدته اجازه مش ناوي تخرجني
كريم : اهدي شويه ي كارما..زين إمبارح قبل ما اروح الشغل طلب مني أني اجهزلكم ف مطعم...
كارما : ده بجد
زين : انا معنتش عارف اتصرف معاكي ازاي كل حاجه دايما بتفكري ف السلبي الأول
كارما : اسفه ؤ زين والله مكنتش اعرف
زين : كملي اكلك
كارما : .....
ورد :أنس انا حطتلك كراسه الرسم بتاعتك ف الشنطه عشان المره اللي فاتت نستها
أنس : شكرا ي ماماي
تاليا : أمته هكبر انا كمان واروح المدسه
ورد : نعمل اي مانتي لو مش مولوده ف اول السنه مكنتيش أتاخرتي يلا كلها سنه
تاليا : كتييرر...وكمان انا مش هبقي زيهم باباي هو اللي هيوديني المدرسه
كريم : ده نتي تؤمري ي تاليا قلبي
تاليا بصت لورد : سوفتي باباي
ورد : كلي ي بت وبطلي لماضه
حسن: آسر انا قولتلك اي بص ف الاكل وبطل تتريق علي ريتال علشان عمتو كارما متزعلش
آسر: اووف حاضر
خلصوا أكل وكلهم راحوا علي المدرسه
كريم : حسن يلا عندنا شغل كتير علي ما يوسف يجي
حسن : ماشي
شروق : ورد كارما تيجوا معايا
ورد: للمول
شروق : اه
ورد بصت لكريم: ها اي رأيك
كريم : آخر مره روحتي فيها اتخطفتي!
ورد ضحكت: لا متقلقش مش هشرب قهوه مع حد
كريم : عصام هو بنفسه اللي هيروح معاكم هطمن اكتر
ورد : ماشي يا حبيبي خلي بالك من نفسك و متتاخرش ف الشغل وانا هبعتلك الغدا ف معاده طالما هتتغدي هناك
كريم : خلي العربيه اللي تجيبك وهاتيه نتي
ورد بصتله وابتسمت: اشمعنا
كريم غمزلها: اسمعي الكلام
ورد : حاضر
كريم وحسن راحوا شغلهم
ورد و شروق و كارما طلعوا الجنينه مع جوري وريناد و تاليا
___________________________
يوسف: الدكتوره مريم فين لو سمحتي
الممرضه: الدكتوره مع دكتور هشام هي بتفارقه مكان ما تلاقيه تلاقيها
يوسف اتعصب اكتر و وشه أحمر: والدكتور زفت ده فين
الممرضه: هتلاقيهم ف غرفه المريض ٢١٣ الدور التالت
يوسف ركب الأسانسير..وطلع
***********
هشام: ده نت بقيت زي البوب اهو ياعم
مريم : فعلا الدكتور هشام معاه حق لازم تفرفش كدا ونفسيتك تبقي كويسه عشان متتعبش
هشام ضحك : اهي القمر دي اللي هتشفيك من هنا و رايح هي اللي مسؤله عنك ي سيدي ي بختك
مريم ضحكت : أي المبالغة دي بس هو بس يفوق كدا وهيبقي زي الفل
هشام : لا مبالغة ولا حاجه ...وبعدين
المريض شال من ايده المحلول و رماه
ف المحلول اتكب علي الارض ف مريم رايحه ناحيته تهديه كانت هتتزحلق ف هشام ساندها من كتفها
و ف اللحظه دي دخل يوسف وهو شايف هشام حاطط ايده علي كتفها
بدون اي مقدمات او سابق إنذار يوسف هجم علي هشام وفضل يضرب فيه ف البوكس
مريم : كفايا ي يوسف كفايا
يوسف زقها : اوعي نتي
قومه ورفعه لفوق من رقبته
يوسف : قسمًا عظمًا لو قربت منها تاني لأكون قاطع ايدك نت سامع..إياك ألمحك حته قريب منها ...نت سامع ولا لا مريم دي حته متجيش ف تفكيرك عشان ساعتها هقطع حبل تفكير امك ده نت سامع ...مريم دي تخصني انا بتاعتي انا واللي هيبصلها بعينه هشالهم..لو شوفتك حته بتتكلم معاها هطلع روحك نت واللي جابوك...آمين!
مريم حاولت تخليه يسيبه انها تزقه بعيد: عشان خاطري سيبه
يوسف سابه وخدها وطلع بيها بره وعلي صوته جامد : ممكن اعرف اي اللي كان بيحصل جوا ده ....هو ده الشغل..انا لما وفقت انك تشتغلي ده عشان مضيعش عليكي تعب السنين ف الطب..انما هتشتغليلي ف الازرق اهو واحد اتجرئ ولمسك وده عشان انا مش موجود..و...
مريم زعقت: ممكن تسمعني ...انا كنت هقع هو سندني بس مكنش ليها لازمه الفضيحة والضرب اللي ضربتهوله ده كله..المريض اللي جوا خد المحلول ورماه دوست عليه اتفضي علي الارض كنت هتزحلق ليه مش بتستني تسمع مني اي حاجه قولتلك اني عارفه حدودي ومحافظه علي مكانتك ف وجودك وف غيابك ليه بقا كل ده
يوسف بصوت عالي وزعق جامد: عشان بحبك عشان بغير عليكي عشان نتي ليا انا وبس مش من حق حد تاني يشوف ضحكتك او يشوف جمالك او حته يلمسك غير انا نتي فاهمه
مريم : مهو انا ليك وكل حاجه بس ده شغلي وانا معملتش حاجه غلط تخليك متعصب كدا قولتلك كنت هقع يعني مكنش قصده حاجه
يوسف : قصده بقا ولا مش قصده ملكيش علاقه بيه تاني لو عايزه تفضلي شغاله ف المستشفي دي
مريم: ده لوي دراع يعني
يوسف : عندك مانع حضرتك
مريم : حاضر ي يوسف حاضر حاجه تانيه عايزه تفضحني وسط زمايلي اكتر من كدا ..المستشفي كلها بتتفرج علينا
يوسف: انزلي معايا مش هتكملي هتاخدي اجازه
مريم : بس انا قولتلك ان في انهارده حاله صعبه مضطره ابقي موجوده
يوسف : انا هحل المشكله دي ..
مريم : مش كل مره هتعمل اللي ف دماغك سوا غلط او صح ...بقولك دي مريضه يعني ممكن يحصلها حاجه بسبب العناد ده
يوسف : انا هبعت دكتور جراح قلب ي مريم حاجه تاني مش نتي لوحدك اللي شاطره ف مجالك!
مريم : طيب ي يوسف طيب بس افتكر انك مشيت اللي ف دماغك مع انه غلط
يوسف : اتفضلي علي العربيه
#إسراء ابراهيم
#احببتها عنيده
أنت تقرأ
احببتها عنيده
Romanceتحكي الروايه عن بطل تزوج ليرضي جده رغما عن رفضه للزواج ولكن تزوج من عنيده جعلته ينسي غروره وخطفت قلبه منه واحبها بعد معاناه واصبح يعشقها وهي كانت تكرهوا ولكنه جعلها تغير هذه الفكره بعد مشقه في هذا الزواج ولكنه تزوج من عنيده 💜 اي كومنت يهمني جدا و...
