احببتها عنيده

(الفصل الثالث عشر _الجزء الثاني )💎

ورد بتحاول تهديها: ي كارما افهمي ي حبييتي كريم كان مستني بس وقت مناسب عشان يقولك
كارما بعصبيه : وقت ..وقت اي وماما موجوده ف البيت وانا معرفش ..اوعي ي ورد انا لازم اشوفها
ورد : طب خلاص خلاص استني انا هخلي دادا  عفاف تندهلها
عفاف طلعت تندهلها ونزلت معاها
وفاء: ايوه ي ورد ي بنتي في حاجه
كارما بدموع : ماما ..ماما
كارما جريت عليها وحضنتها
وفاء كانت مصدومه ف الاول بس لفت ايديها وحضنتها عرفت ان دي كارما بنتها : نتي كارما صح
كارما عيطت : ايوه ي ماما تعالي اقعدي تعالي  ..انا والله فرحانه اووي اني شوفتك دايما كنت مستنياكي ف يوم من الأيام عارفه انك هترجعي
وفاء : اد كدا بتحبيني
كارما : طبعا طبعا بحبك هو في حد مبيحبش امه انا اكيد كنت زعلانه منك زمان بس ..بس خلاص مش مهم المهم انك رجعتي لينا انا وكريم ..ايوه صح قوليلي بقا كريم اتصدم اكيد لما شافك اكيد اتعصب عليكي بس ف الاخر حضنك صح ..بس نتي قاعده فوق ليه الدور ده مفيهوش حد وبعدين الاوض بتاعته كلها حاجات قديمه..مين اللي طلعك..كريم !! وليه منزلتيش تفطري معانا
كلهم بصوا للارض
كارما: في اي مش بتتكلموا ليه
مريم : ايوه ي كارما كريم اللي قال كدا وقال كمان محدش يكلمها ولا ليها دعوه بحد وإلا هيحصل مشكله وهو مش معتبرها والدته
كارما اتعصبت وقامت:ازاي ازاي يعني مش فاهمه اكيد بس كان متعصب انما لما يهدي هيرجع تاني يقولها ي ماما وكل حاجه
كارما ل وفاء: معلش معلش ي ماما حقك عليا انا متزعليش من كريم هو بس عصبي وكمان هتلاقيه مضايق عشان سافرتي زمان بس عادي كل حاجه هتتصلح اوعدك
وفاء بحنيه: طبعا ي حبييتي ان شاء الله
ورد : كارما نتي كدا هتعملي مشاكل عشان خاطري اطلعي ي طنط والا كريم لو جه هيهد البيت فوق دماغنا
كارما: لا محدش طالع وانا اللي هتحدي كريم لو لزم الأمر دي امي فاهين يعني اي ولا لا
شروق : اهدي ي كارما شويه
وفاء بخبث: ماشي ي ورد ي بنتي انا هطلع من البيت كله لو عايزه
ورد بهدوء: انا مقلتش كدا طبعا انا عايزاكي تطلعي خوفا عليكي من كريم
كارما زعقت: بس ي ورد نتي ملكيش دعوه دلوقتي مش كل شويه هتقوليلها اطلعي فوق هي هتفضل هنا وهتاخد اوضه زي اوضتي بزبط وحته لما ارجع بيتي هتفضل مرتاحه هنا ومحدش هيزعلها وكريم لما يجي انا هتكلم معاه
مريم : كارما ف اي نتي بتكلميها كدا ليه هي مالها هي  دي اوامر اخوكي مش هي اللي بتقول من دماغها وكمان هي مقلتش لطنط تمشي
ورد : خلاص ي مريم اسكتي
مريم : بس ي ورد
ورد مسكت ايديها وضغطت عليها: بقولك اسكتي دلوقتي
ورد لكارما: خلاص ي كارما اللي تحبيه الفيلا ملكك اعملي اللي نتي عايزاه
شروق: متزعليش ي ورد هي مش قصدها
ورد : مش زعلانه براحتها تعمل اللي هي عايزاه
_______________________________________
عند  شركه عز المغربي

عز بعصبيه: اعمل اي اعمل اي انا دلوقتي
نهي : ممكن تفهمني اي اللي حصل
عز : كريم زفت خلاني اشتري ارض ب ٥١ مليون جنيه وهي متسويش ١٠ مليون حته كنت مفكر ان الموضوع عند بس وانه بيعمل كدا عشان ياخد مني الارض بس لا دي كانت خطته
نهي: ي نهار ابيض وهتعمل اي ٥١ مليون دول كتير اووي دول تلاته اربع فلوسك كلها
عز : مش هعرف مش هعرف اخدها لو خدتها بالسعر ده هتبقي اكبر خساره ف حياتي
نهي : احنا ما صدقنا ان الشركه رجعت تشتغل تاني
عز : ده لان بابا رجع يشتغل ويجيب فلوس ويبعت تاني ودلوقتي مينفعش اضحي بده كله عشان أرض
نهي : والعمل
عز بعصبيه: لازم اعترف كريم البدري هو اللي كسب المره دي بس ي تري هيعمل اي ف ابنه
نهي خافت : قصدك اي
عز : مراد خطف ابنه الكبير
نهي قامت: يلهوووي قولتلك بلاش بلاش حد من عياله هو مش هيسكت كريم كله الا عليته حرام عليك ي شيخ هتودينا ف ستين داهيه
عز قام ومسكها من شعرها: بطلي كلام كتير نتي مالك نتي ها يلا اطلعي شوفي شغلك
_______________________________
ف جنينه فيلا البدري