احببتها عنيده

(البارت الثاني عشر _الجزء الثالث)💎

يوسف طلع علي فيلا كريم مفكر ان مريم راحت ل ورد
يوسف دخل
كريم : انا كنت لسا جايلك
يوسف : مريم جت
كريم : لا
يوسف قعد : في بنت من الكليه صحبتي جات من فتره وبدأت اتكلم معاها ف اللي مضايقني بدل مريم وكل ما مريم تسألني اقولها مفيش حاجه مكنتش عايز اشيلها همومي ف حاجه و الله محصلش بيني وبينها اب حاجه ولا حته اعجاب هي كانت زميلتي ف الكليه مش اكتر ومازالت ك صديقه كل اللي فيها اني كنت بحكلها علي المشاكل اللي كانت ف حياتي الفتره اللي فاتت بدل ما مريم جت مريم انهارده سألتني نت فين قولتلها في الشركه وانا كنت معاها وفجأه لقيتها قدامي باقول اني بعتلها رساله بالمكان عشان تتعرف علي نرمين وانا مبعتش حاجه وكانت مبسوطه وطلبت عصير وعلي ما رجعت معرفش قالت ل نرمين اي حسيت نرمين خايفه وطلعت بره حطت ف جيبي دبلتها واختفت
كريم : يعني نت بتخبي علي مراتك اللي طول عمركم عايشين علي الحلوه والمُره سوا وجاي ف شويه مشاكل زي دي تقولي اصلي مش عايز اتقل عليها ،طب ماشي كدبت عليها لما كانت بتسألك وممكن تعدي انما اكدب عليها انك قاعد معاها ليه اهي دي مستحيل تتعدي معني انك مش عايزها تعرف انك قاعد معاها يبقي في حاجه بينكم
ورد : في اي
كريم : مفيش حاجه ي ورد اطلعي نتي ي حبييتي كملي الشنط
ورد : حاضر
يوسف : اهو ده اللي حصل
كريم : طب مريم فين دلوقتي
يوسف : معرفش
كريم : القيها منك ولا من كارما
، اللي نت عملته غلط  الحياه مشاركه نت متجوزها عشان تشيل معاك همك مش عشان تخبي عليها مكنش ليه لزوم كدبك عليها لأي سبب من الاسباب اعتقد انها هتعتبرها خيانه
يوسف : خيانه اي انا بقولك كل اللي كان بينا اقسم بالله كلام وحته مفيش ولا ف تفكيري سنه اعجاب ولا اي حاجه من دي كل اللي فيها اني مكنتش عايز تعرف عشان متزعلش اني حكيت لغيرها
كريم : طب مهو طبيعي تزعل لما تكدب عليها وتسيبها وتروح لغيرها يسمعك
يوسف : اعمل اي دلوقتي
كريم : ولا حاجه الأول تعرف هي فين وبعدين نتصرف
يوسف رجع بضهره لورا: مريم مش من السهل انها تسامح
كريم : هتسامح لما تفهم اكتر عن اللي حصل ولازم تعترف انك غلطان
يوسف : تمام غلطان بس كمان مش من حقها تقلع الدبله اللي وعدتني انها لاخر نفس فيها مش هتقلعها
كريم : هو نت غلطان وعايز تطلعها غلطانه بأي شكل ؟؟اي واحده مكانها هتزعل وتضايق وتتعصب وده حقها
يوسف بقلق  : بعت رساله للمستشفي قالوا مجتش والحرس بتوع الفيلا بتاعتي قالوا مجتش هتروح فين
كريم  بتعصيب: معرفش
_____________________________
البنات عمالين يتطلعوا من محل يدخلوا اللي بعدوا لحد ما جنى تعبت
جنى بتعب وقعدت علي الأرض: لا والله ما قادره تعبت خلاص كملوا انتوا ، ده انا بنزل اي محل اجيب اللي عايزاه بسرعه وخلصت ليه ده كله يعني والله هبطانه روحوا هاتولي عصير ولا حاجه اقدر اقف علي رجلي
تاليا بتضحك : فضحتينا ف المول طب بس قومي من علي الارض  ونتفاهم
جنى : انا مش متحركه من هنا بقولك مش قادره اتحرك  رجليا خلاص دابوووو
مليكه : طب خدي جبتلك عصير اهو قومي بقا
جنى : انتوا متعبين انا معنتش نازله معاكم مالها ام محمود بتفصل كل أنواع الفساتين ومش غاليه كدا
تاليا : ام محمود !لا انا بقولك كفايا كدا انهارده فعلا
سلمي قومتها
جنى: يلا نروح بقا ي حلوين
نزلوا وركبوا وطلعوا علي فيلا يوسف
تاليا: ايوه ي ريتال نتي فين
ريتال: ايوه ي تاليا انا عندكم اهو
تاليا: طب ابقي تعالي عند فيلا عمو يوسف كل البنات هناك تعالي نقعد باقي اليوم سوا
ريتال : حاضر ي حبييتي هجيلك
تاليا : وابقي قولي ل سيلا عشان متزعلش مننا
ريتال ضحكت: حاضر ي ستي
تاليا : متتاخريش هستناكي
ريتال: حاضر
______________________
آسر : خالتو هو ركان فين
ورد :معرفش كان بيتكلم مع السنيوره آخر مره شوفته
آسر : مين السنيوره
ورد : هو في غيرها روضه خطيبته
ريتال: طب انا همشي بقا ي خالتو هروح ل تاليا ف فيلا خالو يوسف
ورد :ايوه مانا عارفه قالتلي
آسر: اي ده اشمعنا هما يعني
ورد : هما يبقوا هناك وانتوا كلكم هنا اهو عايز اي تاني
آسر : المهم ركان فين برضه
ورد :ي حبيبي والله ما اعرف روح شوف الهانم بتكلمه ف اي  
آسر  : هنزل اشوفه تحت
ورد : وابقي قوله يطلع يجهز شنطته احسن
آسر ضحك: ماشي
آسر نزل وبعده ب شويه ريتال عشان تروح ل تاليا
آسر لقي ركان ف الجنينه
ركان جواه : الحمد لله ، طب عن اذنك بقا ي روضه معلش اصل آسر كان عايزني اروح اجيب معاه حاجات
آسر : انا ؟
ركان بصله وقرصه ف ايده : ايوه نت
آسر : اه ايوه صح حاجات نت ازاي تنسي ي عم
ركان ضحك بتصنع: منستش ولا حاجه يلا بينا بقا
روضه بحنيه: انا هسافر معاك مش كدا
ركان : هو لازم يعني
روضه : اه لازم امال اسيبك مش خطيبتك
ركان : ماشي ماشي ابقي اجهزي وتعالي مع ريتال
آسر ضحك : لا مهو احنا اللي هنروح مش هما اللي هيجوا ، بنات العيله كلها عندنا ف الفيلا هيقضوا باقي اليوم هناك
ركان : كلهم كلهم
آسر : عارف قصدك اي خدوا جنى معاهم
ركان : الحمد لله يارب الحمد لله مش هشوفها باقي اليوم كله دي نعمه وفضل دي ي بني نت مش حاسس بحاجه
آسر : طب يلا نجيب الحاجات ، عن اذنك ي انسه
ركان : كلم سليم وأنس ينزلوا نروح الشركه وبعدين نتطلع علي اي مطعم واعزمكم علي حسابي  
آسر : وفارس
ركان : قوله ينزل اعمل اي مع اني مليش ف البرود والروقان بتاعه ده
آسر : معلش
آسر كلهم ينزلوا ونزلوا وراحوا الشركه والامور كانت كويسه ف طلعوا يتغدوا ف مطعم وهما مبسوطين وبيضحكوا وبيهزروا سوا
_________________________
في فيلا كريم البدري