احببتها عنيده

(الفصل التاسع عشر _الجزء الثاني)💎

ورد : اي الهبل ده اكيد الخبر غلط يعني،  نتوا بتصدقوا الكلام ده ، اقفل ي يوسف البتاع ده خلينا نفطر
يوسف بدموع : الرائد زياد كلمني من شويه وقالي إن كريم استشهد الصبح
ورد ضحكت بدموع : لا لا اكيد كريم عامل مقلب يعني،  ي جماعه متصدقوش عشان خاطري كريم عايش لو مكنش عايش كنت حسيت ، انا مش هصدق اللي انتوا بتقوله ده انتوا سامعين
ورد سابتهم وطلعت تجري علي اوضتها
فتحتها وجابت الفون بتاعها : رد عليا ي كريم رد
شالت صورتهم اللي محطوطه جمبها وبصتله: انا عارفه انك عايش ي حبيبي وانك موجود وعمري ما هصدق ده انا بحس بيك وحاسه بيك دلوقتي انك موجود عشان خاطري خلص شغلك وتعالا انا هفضل مستنياك ي حبيبي
_______
تحت ف الفيلا
حاله من الانهيار سادت علي الارجاء
يوسف اللي قعد علي اقرب كرسي ومقدرش يمسك نفسه من العياط
مريم جريت عليه وقعدت قدامه علي الارض وبدموع: خليك قوي ي يوسف، كريم راح مكان غيره يتمني يبقي فيه كريم شهيد وبطل ، لو انت انهارت الكل هينهار
يوسف: كريم مكنش اخويا بس ده كان كل حاجه الاب والاخ والصاحب وكل حاجه هو اللي رباني كان معايا ف كل خطوه ف حياتي عمري ما تخيلت اني اخسره
مريم عيطت: لازم تكون فخور فخور بيه ورافع رأسك انه مات شهيد وانك اخو الشهيد
مريم حضنتها: لازم تكون انت القوي فينا لازم نت اللي تساندهم
______
كارما مكنتش بتتكلم ومعيطتش
شروق بدموع : كارما
كارما مبتردش عليها
فجأه وقعت
شروق حاولت تفوقها
حسن شالها وتطلعها اوضتها وطلبوه دكتور
الدكتور : دخلت ف حاله انهيار عصبي،  مفيش حل حاليا أنكم تسيبوها ترتاح ودي شويه مهدائات
شروق : تمام ي دكتور
____________///
حسن واقف ف مكتب كريم وبيفتكر كل اللي كان بيعلمهوله في الشغل وهزارهم مع بعض
حسن : مش عارف اقولك اي بس كل جزء ف البيت ده نت ليك ذكري مع حد فينا كنت لينا الصاحب قبل الاخ عمرك ما زعلتنا او خليت حد يأذينا كنت دايما حامينا ، كلنا دلوقتي ملناش حد ، زمان لما جبتني هنا عمرك ما حسستني اني غريب او اني مش اخوكم حبتني زيي زي يوسف وكارما ، انا اتعلمت منك معني الاخوه ،اتعلمت معني العطاء والتضحيه وازاي اشيل مسؤليه ربنا يرحمك ي اخويا مع ان فراقك صعب بس نت شهيد واحنا فخورين بيك ، مع السلامه يا كريم
حسن خرج من المكتب وراح لجده
خبط علي الباب ودخل 
حسن : ازيك ي جدو عامل اي
الجد : مالك ي حسن في اي واي صوت العياط اللي كان تحت ده
حسن : عايز اقولك علي حاجه
الجد : قول
حسن بحزن : كريم ، كريم استشهد انهارده ي جدو
الجد سكت وغمض عينه ونزلت دمعه  من عينه : راح عند اللي احسن مني ومنك راح للي خلقوا وراح اي راح شهيد بدل ما تعيطوا افرحوا
حسن : ياريت ي جدو بس الكل ف صدمه ورد مش مصدقه يوسف مش عارف يتمالك نفسه وكارما دخلت ف انهيار عصبي طنط حنان هتموت من العياط هي طنط وفاء حته دادا عفاف
الجد : محدش يعيط هنا انا ابني مات شهيد
____________________________
عز بفرحه : مات انت متأكد
مراد : طبعا الخبر ف كل حته
عز : اعتبر أن مجدي رجعلي تاني محدش هيجي ف عيله البدري زي ذكائه هعرف ارجع شغلي تاني
مراد: معاك حق
عز : فاضل حاجه واحده بس أقتله مراته اللي كان نفسي دايما اذلها
مراد : وهتعمل كدا ازاي
عز : انا هقولك ازاي
________________________________
في شرم
زين : سهيله ، اصحي يلا
سهيله : مانا صاحيه هنام ازاي مع واحد غريب ف اوضه واحده
زين : قومي وبطلي رغي عندنا شغل
سهيله : هنعمل اي تاني
زين : هتروحيله وتفهميه انك من المخابرات الامريكيه وانك مبعوته عشان تشوفيه هينفذ مهمته ولا لا بس نتي اعجبتي بيه ف عشان كدا قولتيله الحقيقه
سهيله: ونت متخيل انه هيصدق
زين : هيصدق لانه لو ذكي مكنش طلعك معاه الاوضه وهو عارف ان فيها معلومات مهمه كدا ونتي ممكن تكوني جايه تاخديها وده يدل انه وثق فيكي بسرعه او حبك ، هتنفذي الكلام ده وهتعرفي منه أمته صاحبه المصري ده جاي يديله المعلومات
سهيله : تمام ، هقوم البس وانزله
_____________________
في العريش
سالم ضحك : مات احسن لن يعود هناك خطر علينا لانه بالفعل كان يعلم هذا المكان ولو كان حي لجاء الي هنا وقام بتدميرنا جميعا ،كنا سوف  ننتقل من هنا لانه أصبح مكان معلوم لهم ، هذا كريم كان من أسوء الاعداء لقد قام بالكثير من الامور الاجرامية قتل عدد كبير منا ودمر إمكان كثير كانت لنا مأوي واستولي علي ذخائرنا كان لابد من قتله
في جهه أخري
زياد : المقدم كريم قبل ما يتوفي قالي علي مكانهم واحنا هنطلع انهارده الفجر علي هناك ولازم نكون جاهزين ونجيب حقه
_____________
يوسف: ايوه ي سياده الرائد ، جثمان كريم هيجي أمته
زياد: بعد يومين ، متقلقش هو محطوط ف الثلاجة واحنا مش هندفنه غير لما نجيب حقه
يوسف بحزن : تمام اذا كان ده هيريحه
////////////
في شرم
سهيله نفذت كل اللي اطلب منها
وبعتت رساله لزين
(بيقول انه هيجي دلوقتي حالا،  وأنه كان جاي هنا عشان ينتقم من كريم علي اكنه مستثمر فرنسي وحاول يدخل بيته عشان يعرف المداخل والمخارج عشان يخطف مراته ويتجوزها ويسافر بيها امريكا وبكدا يكون انتقم منه )
وبعد شويه جه الضابط المصري اللي هيسلمه المعلومات
المصري: مين دي
جان : ملكش دعوه جبت الحاجه
سهيله كانت بتصور صوت وصوره من غير ما ياخد باله
المصري: دي كل المعلومات الجديده اللي محتاجها،  جبت الفلوس
جان : ادي الفلوس
المصري: انا همشي انا بقا لو حد شافني معاك ممكن يشكوا
سهيله فجأه طلعت السلاح بتاعها من شنطتها وزين جه بسلاحه
سهيله: نت فعلا ضابط فاشل ي جان عرفت ليه كريم عرف ياخد منك معلومات بسهوله
جان : نتي مين
سهيله ضحكت : انا من المخابرات بس المصريه
زين : قال لزمايله يظهروا ويقبضوا عليهم
سهيله : كدا خلصت المهمه وأكون اثبتلك اني انفعل
زين : مش هنرجع انهارده هنعمل حفله صغيره كدا بمناسبه نجاحك
سهيله : بجد ، موافقه بس الاول احجزلي اوضه بقا عايزه ارتاح
زين ضحك   : ماشي ستيى
____________
في فيلا البدري
يوسف: ممكن ادخل
وفاء: ادخل ي بني
يوسف   : عايز اقولك ان ربنا بيختبرك اكتر مننا،  لأن ابنك التاني كمان توفي انهارده واللي قتله محدش يعرفه
وفاء اتصدمت : ابني مين عمر
يوسف بحزن : آه توفي امبارح وكريم صلي عليه ودفنه قبل ما يسافر
وفاء  وهي بتضرب يوسف  : لااااا نت كداب ابني عمر مانتي انت سامع ولالا امشي اطلع بره نت كداب وبتقول كدا عشان عمر كان لسا بيحب مريم ونت عايز تتنتقم منه امشي اطلع بره
يوسف طلع من الاوضه : يارب انا مش هستحمل اكتر من كدا
حسن جه : الولاد مينفعش يعرفوا حاجه عن كريم حته اليومين دول
يوسف: معاك حق متخلهمش يطلعوا حته من اوضهم
مريم : متقلقش سيب الموضوع ده عليا انا لسا جايه من عندهم
ورد طلعت من اوضتها وهي عاديه جدا اكن محصلش حاجه : مريم تعالي معايا عايزاكي
مريم راحت معاها وهي خايفه عليها لازم تصدق ان كريم خلاص مات : نعم ي ورد
ورد: اللي هددك الصبح بعت رساله بيقول انه عايز فلوس ده اول حاجه والتانيه هيقولك عليها لما تروحيله
مريم : ورد فوقي وسيبك من القرف ده
ورد : افوق من اي احنا لازم نروح العياده بليل قبل ما الريحه تطلع فاهمه
مريم بحزن  : ماشي ي ورد
________________