احببتها عنيده

الفصل التاسع والثلاثون💎

مريم نزلت عشان تقول لعمر انها خلصت ويوديها المستشفي
مريم: عمر!
عمر : نعم ي حبيبتي
كان الكل قاعد كارما جدو يوسف شروق
مريم : انا خلصت تقدر توديني المستشفي
عمر : طبعا ي قلبي يلا
عمر للكل بجد اتبسطت معاكم اوووي وبزات نت ي جدو
الجد : يبقي تيجي تاني بقا
عمر : اكيد
يوسف مكنش مركز معاه اساسا كان ماسك الفون وبيلعب
عمر قام وتعمد يمسك ايديها قدام يوسف عشان يشوف رده فعله
يوسف بص علي ايدها وساب الفون من ايديه 
مريم استغربت وسحبت ايديها براحه : اخم ...مش يلا
ولا اي
عمر لاحظ اللي عمله يوسف وفهم ان الموضوع مش بس خناق : يلا
مريم : ثواني ...شروق لو سمحتي ممكن تيجي معايا مشوار
شروق فرحت : هنروح فين
مريم : هجيب فستان الخطوبه لبكرا
شروق : نتي خطوبتك بكرا بجد ...مبروك ي حبيبتي
مريم : الله يبارك فيكي اكيد كلكم جاين مفيش اعذار ي جدو
الجد : من عنيا  ..اكيد هاجي
مريم : ماشي سلام هعدي عليكي الساعه ٢
شروق: ماشي
خدها وطلعوا ركبوا العربيه
مريم : أي اللي نت عملته جوا ده ليه تمسك ايدي يعني مش فاهمه
عمر: ونتي مضايقه كدا ليه
مريم: عشان أحرجتني ي عمر ..جدو كان قاعد مخدتش بالك
عمر : انا مش شايف ان فيها حاجه غلط ي مريم
مريم : طيب مش نت شايف كدا...
سكتوا لحد ما وصلوا
عمر : هتطلعي أمته
مريم: مش لازم تيجي انا هتصرف
عمر : هتطلعي أمته ي مريم
مريم : الساعه ٢
عمر : هتلاقيني واقف مستنيكي
مريم : طيب
دخلت مريم تدور علي دكتور هشام سألت عليه برا وعرفت مكانه وراحتله
مريم خبطت علي الباب ودخلت
هشام : أهلا ازيك ي مريم عامله اي
مريم : الحمد لله تمم
هشام : قبل ما نبدأ فى الشغل..ردي علي سؤالي نتي مخطوبه او متجوزه
مريم: هو اه مخطوبه ...بس ده يهم حضرتك ف اي
هشام: هقولك ي ستي ....القسم اللي عايزك تتعلمي فيه وتشتغلي معايا فيه قسم سيدات  واطفال بالتالي انا هحتاجك ف أوقات متأخر مثلا ممكن فجأه تيجي حاله لازم وجودك نتي ف لو متجوزه مكنش هينفع لان مش كل الرجاله هترضي بده بس ممكن تكون مقدور علي ف الخطوبه شويه  فهمتي قصدي ..غير اني مش هعرف اشغلك رسمي لأنك لسا متخرجتيش وده هيبقي مخالفه بس نتي عندك قدرات انا محتاجها  ف هحاول علي اد ما اقدر اخليكي بالنسبالهم متخرجه ودكتوره رسمي
مريم : تمم فهمت حضرتك متقلقش اي وقت يكون ف حاله محتاجاني هكون موجوده ان شاء الله
هشام أعجب بتفكيرها وشجاعتها: ماشي ي مريم  هننزل تحت اوريكي  اوض الحالات وتكتبي تقراريك عن قسم الأطفال وتبعتيهالي اول ما تخلصي كل يوم والتحسن بنسبه كام  واول ما تشوفي عجز ف حاجه قوليلي يلا بينا؟
مريم كانت فرحانه: يلا
________________________________
كريم : بصي ي ورد لما كنت طفل عندي عشر سنين تقريبا بابا طلق ماما وسابنه لوحدنا انا وماما وكارما
قالت اننا محتاجين أب ف اتجوزت واحد غريب عرفي  انا حته مش فاكر اسمه بس اللي اعرفه ان الراجل ده كان متجوز واحده  غير ماما  متجوزها عرفي وعنده منها ولدين و مكنش بيحبها ولا حته بيطيقها كان قاعد بس معاها عشان عياله ولأنهم بيحبوها  مكملش علي جوازهم يومين وفجأه صحينا لقينا ماما بتعيط وبتصوت وبتقول سرق فلوسي الراجل اللي اتجوزته ده سرق كل حاجه بمعني كل حاجه مسبش حته جنيه واحد ..امي بتعشق حاجه اسمها فلوس سابتنا ومشيت تاني يوم عشان مفيش فلوس ولازم تروح تدور علي اي حد معاه فلوس تتجوزا صحينا الصبح لقينا جدو قاعد برا ف  البيت وقالنا مامتكم سافرت  ...كنا قاعدين ف بيت عادي مش فيلا ولا حاجه...جدو خدنا عنده انا وكارما ومن ساعتها مسمعناش اي حاجه عنها كانت خالتو حنان دايما تجلنا انا وكارما ولحد دلوقتي خالتو حنان هي الوحيده اللي أدتنا معظم الحنان اللي يخلينا منكنش قاسين بس حنانها نفع مع كارما مش معايا انا ...انا بقيت اقسي قلبي اكتر مما تتخيلي لحد ما يوسف ظهر بعد ما ابوه رماه لجدو وقاله لا واخده لا هتحطه ف ملجأ جدو خدوا ورباه معانا بس جدو مقلناش انه يبقي ابن عمنا لاننا مكناش نعرف ان لينا اعمام محمود او بابا مكنش بيخلي حد يجلنا ولا احنا بنروح لحد ف مكناش نعرف حد غير جدو وخالتو حنان .....كبرت شويه بشويه لحد ما بقا عندي ١٥ سنه اشتغلت مع الدراسه كنت بحاول بكل ذره طاقه فيا احقق ذاتي واساعد جدو وفعلا اشتغلت شغلانات بسيطه كدا لحد ما بقيت اوحش بعد ما دخلت ثانوي كان معانا مبلغ محترم سافرنا كارما تتعلم برا تبع منحه ومعناش بنشوفها غير كل سنه بتنزل اسبوع وبترجع المدرسه اللي متكفله بيهم ..شويه اتعرفت علي نهي ونتي عارفه حكايتها وبعدين دخلت كليه الشرطه وكنت محتاج وسطي ونتي عارفه باقي الحكايه.دي .بالنسبه اتعرفت ازاي ان يوسف ابن عمي ف مره كنت راجع من الشغل لقيت عبد العزيز ابو يوسف مخلي جدو عمال يتذلل عشان يديله فلوس يجيب لبس ليوسف بس مكنش راضي  فهمت ان يوسف ابن عمي ومن ساعتها مقلتش لحد  كان خليل وعبد العزيز عمامي بيعاملوا جدو اكنه خدام عندهم لحد ما عرفت خبر وفاه ام يوسف ورحت قلت لجدو اني عارف الحققيه بتاع يوسف وانه ابن عمي قالي وفهمني ان محدش لازم يعرف عشان محمود لو عرف هيقتله عشان قبل ما يمشي هدد جدو ان اي حاجه عيله البدري هتملكها هتبقي بتاعته حته لو وقفت علي موت حد ومن ساعتها دي حاجه مستخبيه معرفتهاش غير نهي لاني وثقت فيها ومعنتش بثق ف حد من بعدها ..خالتو حنان عندها عيال طالعين زي ابوهم اللي عمري ما شوفتهم قاسين كانت بتيجي تعيط علي طول انها نفسها تشوفهم هما بيحبوها بس بيستغلوها وابنهم زرع جواهم انها مش بتحبهم....اما يوسف ف كان عارف ان احنا ولاد عمه من يوم ما  جه وانا بعد ما دخلت وطلعت من الشرطه اشتغلت ف شركه بدأت اترقي واترقي واحوش فلوس لحد ما اشتريتها وبقت شركه مكتوبه بإسمي يوسف كان دخل برده الكليه وطلع عشان انا قولتله كدا وبعدين قدم علي كليه الهندسه واتقبل وبقا مهندس شاطر جدا اشتغل ف الشركه معايا وبقي ماسك كل حاجه تقريبا واشتريت شركات وارضي كتير  وبقت اكبر مجموعه شركات ف الشرق الاوسط كله  ...وكبرت عيله البدري ..وبقي اسمي لما الناس تسمعه تخاف وتترعب وجودي ف اي مكان شرف بالنسبالهم مفكرتش ف حب او جواز اتعقدت من نهي وماما اللي بيحبوا الفلوس اكتر من اي حاجه باعوني عشان الفلوس...الفلوس اللي بقيت مش عارف اوديها فين من كترها لحد ما قابلتك ي ورد .
ورد كانت دموعها نازله علي اللي بتسمعه وانه فعلا تعب ف حياته جدا علي ما وصل لحياته
ورد قامت وفتحت الدرج وطلعت ورقه الشروط اللي كانوا محددين فيه فتره جوازهم بشهور وقطعته 
كريم : بتعملي اي
ورد : انا مش عايزه افضل معاك كام شهر بس ي كريم انا عايزه اكمل معاك حياتي كلها لحد اخر نفس ليا
وحضنته جامد: نت كل حاجه ليا ف الدنيا ي كريم متسبنيش
كريم : انا عمري ما هسيبك ي ورد عمري ..نتي جيتي خليتي حياتي كلها ورد...نتي مراتي واختي وبنتي وامي وحبيبتي وكل حاجه ليا ف الدنيا ..نتي ورده حياتي
ورد حضنته اكتر : ونت سندي وضهري وحمايتي كفايا اني مبرتحش غير وانا نايمه ف حضنك
كريم : تعرفي من يوم ما اتجوزنا وانا معنتش عارف انام غير ف حضنك بعدي عنك بيتعبني ببقي مخنوق
ورد : وانا عمري ما هبعد عنك ابدًا ي كريم ابدًا
يوسف خبطت : أي ي كريم هنموت من الجوع مش كدا يعني ده مش اسلوب ده
كريم ضحك : ي بني حرام عليك نتي دايما قاطع اي لحظه مهمه كدا جتك القرف
ورد : طب يلا ي حبيبي بدل ما يدخل يشيلك
كريم : اه صح معاكي حق يلا بينا كريم فتح الباب : وسع كدا ونت زي الدلفه
يوسف : تصدق انا غلطان اني خلتهم يستنوك علي الاكل
كريم سابه ونزل ومعاه ورد وفطروا معاهم
عصام  : العقيد حسام جه
كريم : ورد اطلعي نتي فوق
يوسف ف سره : غيور اووي
كريم : سمعتك علي فكرا...يلا ي ورد اطلعي مني مع شروق وكارما
ورد : حاضر
كريم : دخله ي عصام علي مكتبي ...ونت تعالا معاه
يوسف : عنيا
حنان : تعالا ي عمي نخرج نقعد ف الجنينه
الجد: يلا
في المكتب
كريم : أهلا ي سياده العقيد اتفضل
حسام : أهلا ي بطل
كريم: بصراحه كدا ...عايز خدمه مهمه وفكرت كويس اووي قبل ما اخد الخطوه دي
حسام : اتفضل نت عارف انك زي ابني بزبط
كريم : عايز اتنقل قسم العمليات الخاصه
حسام : تبقي ظابط عمليات ليه ومالها المخابرات
كريم : نت عارف ان قسم المخابرات اغلبه برا مصر وانا مش عايز اسافر واروح ف حته عيلتي اهم
يوسف ف سره : ي كداب عيلتك برضه ولا ورد ي روميو
حسام: بس هتعمل اي ف قسم العمليات دي ليها تدريبات تانيه ممكن اصعب وهتاخد وقت علي ما تتعود
كريم: متشغلش بالك بالموضوع ده المهم بس انقلني
حسام: هعمل اللي اقدر عليه بس  احنا محتاجينك ي بني
كريم : اكيد عارف الرائد زين اظن انه هيحل محلي كويس جدا ثق فيا
حسام: بس لازم توعديني اني لو احتجتك ف مهمه لسلاح المخابرات هتيجي تؤديها
كريم : اوعدك
حسام : هعمل اللي اقدر عليه الله المستعان عايز حاجه
كريم : لا تسلم..يوسف وصل سياده العقيد
يوسف وصله وكريم طلع من المكتب : روح شوف الشركه اخبارها اي واي التصاميم الجديده للفنادق كان في مستشفي للمستثمر بتتبني شوفها كدا وخلي الصحافه تيجي قولهم اني هعلن أخبار مهمه و هرد علي الاسئله اللي اتوجهتلي ف غيابي
يوسف : ماشي حاجه تاني
كريم : تروح ل اول قناه نشرت الخبر تعرفلي مين اللي قالهم الخبر ده ...مع اني عارف مين اللي عمل كدا
يوسف: مفيش غيرهم ي كريم مراد وعز ونهي
كريم : عارف بس لازم اتأكد
يوسف: ماشي انا همشي انا بقي
__________
الساعه بقت ٢ مريم خلصت شغلها مع هشام وعمر  جه خدها عدي علي شروق سابهم ف المول ومشي
مريم اشترت الحاجه واتعرفت علي شروق اكتر وخلصوا وعمر وصل شروق الفيلا  و وصل مريم البيت
يوسف رجع بعد ما عمل كل اللي قاله عليه كريم
عصام: الصحافه برا ف كل مكان
كريم : تمم انا طالع
طلع كريم : طبعا كلكم عايزين تعرفوا جبتكم ليه ...عشان ارد علي اللي سألتوه... كل الكلام اللي اتقال حقيقه ويوسف ابن عمي ومش هو ابن عمي الوحيد يوسف عنده أخ اسمه حسن ودول ولاد عمي وسألتوا ليه مقلتش مظنش ان من حق حد يعرف حاجه تخص عيلتي ..خلص الإعلان اظن تقدروا تمشوا
دخل كريم والحرس منع حد يدخل
ورد نزلت : انا فرحانه اووي ربنا يجمعكم علي طول يارب ...يلا عشان الغدا والدوا قعدوا اتغدوا وزين كان جه قعد معاهم
وخلصوا وقعدوا شويه مع بعض
ورد : يلا ي جماعه بقا عشان عندنا حفله خطوبه بكرا لازم نصحي بدري نظبط نفسنا يلا ي كريم
كله قام ...والكلام بين يوسف و شروق قليل اووي وكارما وزين علي طول سوا
_______
يوم الخطوبه
جت مريم الصبح
عفاف خبطت علي اوضه كريم
كريم صحي : مين
عفاف: انا دادا عفاف ي بني
كريم كان بيحبها اووي وبيعتبرها فعلا زي مامته:نعم ي دادا
عفاف: الأنسه مريم تحت عايزه حضرتك
ورد : ماشي ي دادا نزلين اهو
كريم فتح عين وكان قافل التانيه : غريبه متطلعتش ليه هتغير علي الجرح تحت ازاي ان شاء الله
ورد : قوم اكيد ف حاجه
كريم قام : ي فتاح ي عليم ي رزاق ي كريم
ورد دخلت الحمام استحمت وطلعت لبست فستان ازرق بيتي ولفت الحجاب بتاعها وكريم زبطت شعره ونزلوا
ورد : أي ي مريم في اي خضدتيني
مريم : مفيش حاجه بس اكمني هبقي مشغوله طول اليوم نتي عارفه مفيش حد معايا ف قولت اجي اشوف الجرح بس الاول لان ده مفيهوش هزار قبل ما حاجه تشغلني
كريم : طب هو انا حاسس ان الجرح بيوجعني او في حاجه غريبه
مريم : بيوجعك ازاي  ..وجع الطبيعي لانه جرح ولا اي
كريم : لا حاسس انه بيحرقني
مريم : طب افتح الزرار ده
كريم فتحه
مريم شالت اللزق ومجرد ما شالته اتصدمت
مريم : مستحيل...ازاي الجرح كل يوم بيفتح اكتر ولا اكنك بتاخد ادويه ومضادات حيويه والخيط اكن في حاجه بتقطعه
مريم : ورد هاتيلي الموبيل بتاعي من شنطتي كدا
خدت تلفونها وكلمت هشام وحكتله علي اللي حصل
هشام : اتاكدي ي مريم من الادويه
مريم: والله كل الادويه مزبوطه
هشام:افتحيهم كلهم واحد واحد وقوليلي اسمائهم
مريم عملت كدا لحد بتاع اللي بيلم الجرح فتحت العلبه  لقت فيها شريط تاني
هشام: كنت متأكد ف نوم من الادويه اتمنع من السوق بس في ناس بتستخدمه انها تضر غيرها بيه ف حد عايز يأذي كريم
مريم : طيب شكرا ي دكتور وانا هبقي اكلم حضرتك تاني
كريم : مين ممكن يكون بيعمل كدا وانا اللي جابلي الدوا عصام  والصيدلي اللي جايبه لحد هنا
مريم : خلي يوسف هو اللي ينزل يجيبه بنفسه ويتأكد ونتي ي ورد اتاكدي من الأصناف دي كل يوم
ورد بدموع : حاضر
مريم قفلت الجرح تاني كويس وطهرته ولزقت.
مريم : همشي انا بقي اشوفكم بليل
ورد: شروق وكارما هيجولك قبلي انا قولتلهم امبارح بدل ما تبقي لوحدك نتي عارفه اني مش عارفه اسيب كريم
مريم : عارفه يلا عايزه حاجه
ورد: لا ي قلبي تسلمي
_____
طول اليوم الكل كان مشغول انهم يحضروا نفسهم ويوسف قرر انه مش هيروح
خلصوا وجهزوا وعربياتهم اتحركت لبيت مريم
عمر جه بعدهم ومتصدمش ان يوسف مجاش كان متوقع عمر حط كاميرا تجابهم كلهم عشان مامته وقال لمريم اللي كانت قمر كالعاده وانه هيعرفها علي مامته
زين لسا مجاش
عمر : اهو جه اهو
زين دخل مريم بصت الناحيه التانيه 
شغلوا الاغاني وفرحوا و كريم منع ورد من انها تتحرك من مكانه او ترقص
عند وفاء كانت شايفه كله ما عدا ورد وكريم وكارما
كريم و ورد وكارما  قاموا عشان يباركوا لعمر
ف ظهروا عند وفاء اللي مجرد ما شافتهم مصدقتش عنيها
وبعدين قعدوا تاني ورد بدأت تحس انها دايخه
ورد : كريم
كريم  : نعم ي حبيبتي
ورد : انا انا مش كويسه انا حاسه اني هيغمي.....
وقعت ورد ف نص الصاله علي دراع كريم مغمي عليها 
مريم جرت عليها:  دخالها الاوضه 
كريم كان هيشالها
مريم: لا ي كريم مش نت اللي تشالها كدا خطر ..زين يشالها
زين شالها دخلها
مريم : اطلعوا دلوقتي بعد اذنكم
كلهم طلعوا ومريم فوقت ورد وشافتها واتكلمت معاها شويه وبعدين طلعت
مريم فرحانه اووي بس حاولت تقلق كريم : للأسف ي كريم انا مقدرتش اعمل حاجه بس ده نصيب
كريم بصلها وسند علي الكرسي اللي كان وراه
مريم : نصيبك كدا للاسف هتبقي بابا ومعنتش هتعرف تنام
كريم رفع رأسه ليها مش مصدق : بابا ..بابا مين..انا بجد ازاي
مريم فرحانه  : مبروك ورد حامل بس معرفش بقا ف كام شهر ده مش تخصيصي
كريم الفرحه مكنتش سايعاه وغمزاته بانت وفضل يضحك مش مصدق وكلهم دخلوا لورد يباركولها
مريم: احلي حاجه حصلت ي ورد والله انا مش مصدقه اني هبقي خالتو
زين: معقوله هبقي خالو
كريم فضل ماسك ايدها وفرحته مش سيعاه: مش هتتحركي من السرير من هنا ورايح نتي سامعه ابدا
ومن اليوم ده وفعلا ورد مش بتتحرك من السرير
و مريم كل يوم تروح تطمن علي ورد وكريم تغيرله الجرح اللي الحمد لله بدا يتحسن
زين علي طول مع كارما وبيفكر ازاي يخلي مريم  تكلمه
يوسف مبيحبش شروق ولا حته شروق مبسوطه ف علاقه بارده زي دي
عمر ومريم بيقربوا من بعض شويه بشويه
هشام كل يوم يزيد اعجابه ب ذكاء مريم
نهي عرفت بحمل ورد وبدوا يخططوا لضربتهم الجايه
حسام نقل كريم للعمليات وهيشتغل اول ما يبقي كويس
يوسف مهتم بشركه كويس جدا اكن كريم موجود
محمود اتسجن مؤبد
وعبد العزيز اتقبض عليه
وبعد شهر يدخل الفيلا شخص
كريم قاعد تحت هو و جود وكريم
الجد : حسن
كريم  فرح: حسن  اي اللي خرجك بدري
حسن : بما اني ذكي مش هتكلم عن نفسي كتير خلصت واتعلمت كل حاجه
كريم : أهلا بيك ف  عيلتك عيله البدري
يوسف: أهلا
حسن: نت اخويا الكبير صح هنحاول نتعود علي بعض
كارما  نزلت و اتعرفت علي حسن ونزلت شروق
حسن لفتت انتباه شروق بطلتها الغير عاديه
شروق : هاي انا شروق
حسن: وانا حسن
قعدوا اتكلموا شويه مع بعض

#إسراء ابراهيم
#احببتها عنيده
انتظروا كمان يومين آخر بارت ف الجزء الأول واول بارت ف الجزء الثاني مستنيه رأيكم  اشوفكم علي خير..🤍