احببتها عنيده

الفصل الثاني والعشرون💎

كريم : ... يلا نشوف كاميرات المراقبة تاني
قعدوا مع بعض زين و كريم ويوسف وشافوا الوقت من ساعه ما دخلوا لحد ما داخت ووقعت ...مفيش اي دليل او طرف خيط يوصلهم لحاجه وحته وش البنت مش باين كان ضهرها للكاميرا مش عارفين يوصلوا لحاجه حته زين اللي هو مقدم ف المخابرات ومدرب انه يلاحظ أدق التفاصيل مش واخد باله من حاجه
كريم : هي داخت بعد ما شربت القهوه صح
يوسف  : وايه الجديد
زين: قصدك ايه
كريم بعصبيه: لا بقولكم ايه ركزوا شويه اكيد القهوه فيها حاجه والحاجه دي اتحطت من جوا من مكان تجهيزها لان البنت زي ما نتوا شافين شربت هي كمان بس محصلهاش حاجه بس هي كمان اختفت مع ورد معرفش مين الهدف وليه البنت اختفت بس اللي اعرفه اننا نخلي الناس اللي شغالين هنا يقولوا حطوا ايه لورد ف القهوه ومين طلب منهم ده وليه محطتوش للبنت والبنت اختفت راحت فين
يوسف معاه حق
كريم :  الحوار ده ليك ي زين دي شغلتك
زين قام فعلا
يوسف : ليه مقمتش نت  ي كريم وليه مش عايز تحسس زين انك تقدر ترجعها ايه شغل الغباء اللي بتمثله ده
كريم بهدوء  : مش عايز زين يحس بأي حاجه او يشك حته في حاجه او ف تصرف من تصرفاتي لازم اخبي كل اللي اعرفه متنساش ده مقدم ف المخابرات يعني اقل حاجه بياخد باله منها ونت كمان لازم تعمل زيي نت سامع
يوسف بفهم : طيب وهتعمل ايه دلوقتي
كريم: هعيد تسجيل الفيديو ده لحد ما ألقي حاجه ونت تروح تشوف حاجات وتلفون البت اللي سيباهم بره
يوسف بجد : ماشي
كريم فضل يعيد كذا مره يحاول يشوف وش البنت او يلاقي حد غريب غير اللي بيشتغلوا ف المكان 
.........
ورد بتستعيد وعيها وبتفتح عنيها بس دايخه
ورد بتبص حاوليها : آه ه ه  انا فين؟
فتحت عنيها بس المكان ضالمه وفي نور بسيط جدا مصدره شمعتين بس واحده جنبها وواحده  جنب البنت صاحبتها
ورد بخوف : نتي كمان هنا طيب فوقي فوقي
البنت وفاقت وبصت لورد وعيطت: انا معرفش مين دوول وانا خايفه اوووي
ورد بخوف بس بتهديها: اهدي متخافيش ان شاء الله خير
ورد من جواها خايفه جدا ومش شايفه قدامها غير صوره كريم نفسها تحضنه تستخبي فيه هي عارفه انه هيجي ينقذها هي بتثق فيه...
البنت  : سرحتي ف ايه ي انسه
ورد : انسه !انا متجوزه ومتخافيش انا متأكده من جوزي انه هيجي متقلقيش
البنت باسف: وانا كمان عندي حبيب بس اتجوز واحده غيري بعد م بقيت حامل منه هو متخلاش عني بس كان غصب عنه وعارفه انه هيجي ينقذني وينقذ ابنه بس اهم حاجه مراته تكون بعيده عننا بقا
ورد : انا عارفه انكم اكيد بتحبوا بعض بس هي ايه ذنبها ليه ظلمها واتجوزها
البنت : انا مش مهم عندي غير اني ابقي معاه وهو بيحبني بيخاف عليا وبيموت فيا وكمان في ولد ف بطني وهي لو عرفت لو عندها كرامه هتطلب الطلاق عشان متمنعش اب من ابنه صح
ورد : اكيد مفيش حد يقدر يمنع اب من ابنه ولا يحرم طفل من حنان ابوه
وهنا دخل حد لابس حاجه علي وشه عشان ميشفوش وشه : اهلا اهلا مراته وحبيته وام ابن
ورد  بشجاعه وقامت وقفت قصاده: نت مين وقصدك ايه
المجهول : بطلي لماضه احنا جبناكي هنا مش عشان نأذيكي ولا نأذيها متخافيش احنا جبناكي هنا عشان نذلك نتي وهي وجوزك وحبيبها
ورد : نت ليه بتتكلم بالالغاز
البنت: نت بتخرف بتقول ايه وبعدين ابوس ايدك سيبني انا عايزه امشي انا لازم اخد ادويه  انا حامل
ورد : طالما جايبنا هنا وعمال تقول الغاز واخرك كلام عايز تسمعهولي انا وهي ف معلش مشينا هي حامل وانا عندي عيله لو عرفت مكاني مش هتعيش ثانيه
المجهول مسكها من حجبها جامد لحد ما شعرها بان ورفع وشه لوشه لو عليا اسيبك هنا لاخر لحظه ف حياتي هسيبك
ورد بخوف وزعيق: ابعد ايدك دي عني احسنلك بدل ما اقطعهالك
مسبهاش وضغطت اكتر علي شعرها
ورد :آه ه ه
البنت : سيبها حرام عليك
سابها فعلا ورماها جامد علي الارض
المجهول : مهو لو تعرفي دي مين مكنتيش قولتي سيبها
البنت: مهما كانت مين انا مرداش حته لعدوتي تعاملها كده
ورد : ممكن تفهمني قصدك ايه
........
زين : العيال اللي بره دي متعرفش حاجه بس ف ولد جه انهارده اول يوم للشغل وهو اللي عملها القهوه بس معرفناش نوصله
يوسف : كريم الحاجات اللي بره فاضيه حته الفون فاضي
كريم ومش مركز مع حد غير الفيديو: يوسف
يوسف باستغراب من سرعه لهجته: في أيه ولا اكنك شوفت عفريت
كريم : تعالا هنا شوف كده
يوسف وراح جنبه وسند بايده علي كتفه: ايه ي فيلسوف
كريم بتركيز: بص كده علي ايد البنت دي
يوسف بتركيز: مالها
بص كريم ليوسف بعصبيه لانه عارف انه فهم بس غباءه ده مش وقته
يوسف بابتسامه: متبصليش كده مش انت اللي طلبت
كريم و جز علي أسنانه وبص تاني للفيديو: بص علي ايديها
يوسف : خلاص ي عم احب ف ايديها يعني غيره
كريم : الخاتم الفضه ده مش نت اللي جبته
يوسف بتأكيد لكلامه  : ايوه صح..معني ذلك انه البنت دي ..
كريم : بظبط كده ... نروح بقا نجبها من تحت الأرض
.......
كارما بأسف: انا اسفه علي اللي حصل ي مريم والله مكنتش اعرف انك أخت زين
مريم بحب: ولا يهمك ي كارمله
كارما بضحك: كارمله!!!
مريم بابتسامه :ايوه ي ستي كارمله وبقول ل زين ي زيزو ليقين علي بعض كارمله وزيزو ي قمر قوليلي بقا هتتجوزوا أمته و هترجعي تسافري تاني ولا لا
كارما: لا خلاص مش هسافر بقا وكده كده زين بطبيعة شغله بيسافر كتير ف هكون معاه ف اي مهمه بقا يمكن انفعه بدل البنات اللي شغاله معاه دي بلا قله ادب
مريم وشافت الغيره ف عيون كارما علي زين: خلاص اهدي ي ستي محدش قالك متسافريش معاه ومتخافيش هو اللي هيطلب ده
كارما : ايوه صح
هزروا مع بعض شويه كانت بتحاول مريم تتطلع الرعب اللي في عيونهم علي ورد وتلطف الجو شويه وطمنهم علي كريم ويوسف انهم هيرجعوا مع ورد قريب جدا مع ده كله بس هي هتموت من الخوف
مريم : جدو حضرتك مش هتنام ...لازم ترتاح شويه انت من الصبح ونت قاعد كده
الجد : لا ي بنتي انا مش هتحرك من هنا غير لما ولادي يرجعوا لبيتهم
مريم بهدوء ولطف : خلاص براحتك طالما انت مرتاح كده بس علي الاقل خد الدوا كريم لو رجع هيزعل منك اكيد 
الجد باستجابه لكلامها: ماشي هاتي الدوا
خد الدوا وقعد ف مكتبه وطلب من دادا عفاف انهم لما حد منهم يجي تديله خبر
حنان بخوف: اتأخروا جيب العوائي بسليمه ي رب
حنان تعتبر مكان ام كريم هي خالته بس بتحبه جداا لقت فيه اللي ملقتوش ف عياله اللي رمواها اعتبرته ابنها وهي كان بيعاملها بحب مش زي امه لانه ميعرفش حنان الأم اصلا
مريم: متخافيش ي طنط انا هرن علي زين
حنان : ربنا يرجعهم لبيتهم  بسلامه
مريم : زين نتوا فين و لقيت اختك ولا لا
زين بيطمنها: متخافيش ي مريم هرجعلك بيها بس اديني وقت بس انا مضطر اقفل
مريم : ماشي ي زين سلام خد بالك من نفسك
.......
المجهول: اعرفك المدام ورد تبقي مين بس الاول كل واحده فيكم تقول اسم جوزها بالكامل بس ثواني عشان استمعت قولوه مع بعض ف نفس واحد
ورد بعصبيه: نت جايبنا نلعب
المجهول: شايفه بطنها دي انا ممكن اموت اللي فيها لو مسمعتوش الكلام
ووجه مسدس علي بطن البنت 
ورد وبتعلي صوتها : خلاص خلاص هنعمل اللي نت عايزه
المجهول بأستمتاع : نعد يلا ١.٢.٣
ورد وفي نفس واحد مع  البنت : كريم البدري
وهنا الصدمه كانت كفيله انها تنهي اي كلام
نظره الصدمه ف عيون ورد للبنت ان كريم يبقي حبيبها وأبو ابنها يعني هي دي حبيبته انا مش مصدقه اللي انا فيه حاسه اني بحلم انا مخطوفه مع حبيبته وام ابنه يعني انا اللي اتغصبت عليه انا السبب انه يسيب حبيبته وام ابنه ده كله ورد واقفه بتكلم نفسها وقعت علي الأرض من صدمتها
المجهول بضحك : ي عيني عليكي...صعبتي عليا هطلعك من هنا
البنت : نتي مراته ...انا ازاي معرفتكيش
ورد : ونتي نهي حبيبته..انا لما سمعت اسمك ف الكافيه قلبي وجعني بس لما عرفت انك نهي حبيبته وان كمان ف ولد صديقيني هاين عليا الارض تبلعني ولا افضل واقفه قدامك ومتخافيش انا مش هاخد حبيبك وهحرم ابنه منه انا هطلق منه اصلا
نهي وعملت نفسها بتعيط : انا مش عارفه اقولك ايه
هنا المجهول ساب الباب مفتوح وجري لانه سمع صوت عربيات بره
...
كريم: يلا ندخل
يوسف : متاكد ان نهي هنا
زين:  نهي مين
كريم: دي السكرتيره بتاعتي بس في بينا مشاكل بس زمان كان في مناسبه وخليت يوسف يجيب خاتم فضه ويدهولها كنت لسه مبقتش كريم البدري اللي نت شايفه ولما شوفت الخاتم ف ايديها عرفت انها نهي هي الوحيده اللي ليها المصلحه لده ندخل بقا
زين : عرفت منين انها هنا
يوسف : نت غبي ليه امال ازاي مقدم ف المخابرات نت لو غبي كنت فهمت معني ان التليفون اللي كان بره مزيف ومش بتاعها يبقي بتاعها معاها ونقدر نجيب مكانها بسهوله
زين : انا بقول ندخل ل ورد
كان كريم سبقهم ودخل بقوه كسر الباب
اول م دخل ملقاش ورد بس لا ده لقي نهي كمان كانت معاها سكت ف توقع يلاقي ورد بتجري عليه تحضنه او خايفه او حاجه بس لا ورد قامت من علي الارض: اتأخرت علي فكرا والبنت دي كانت مخطوفه معايا مش من اللي خطفوني واللي خطفنا جري من هنا
طلعت من جنبه ساكته ماشيه ببطئ مصدومه وبس اول ما طلعت من الاوضه شافت يوسف وزين جرت علي زين اترمت ف حضنه وفضلت تعيط جامد
زين ما تملكش اعصابه لما شافها كده شالها وهي فضلت دافنه وشها ف رقبته 
ركب عربيته وقال ليوسف يحصلوا
كريم كان واقف لسه في الاوضه اللي بقت ضالمه لما طفي الشمعه بايده مستغرب هي ازاي كده ازاي مجرتش ف حضنه معقوله مخفتش من الخطف معقوله موحشتهاش معقوله هي محستش بأي حاجه وهي مخطوفه انها عمرها ما هتشوفني تاني
طلع من الاوضه ساكت وراح ناحيه يوسف
وقفوا هما الاتنين عكس بعض كل واحد بص لتاني بزعل وكسره
وبعده طلعت نهي بتضحك ومشت من جنبهم وخرجت بسرعه راحت لمراد وعز
....
يوسف : يلا نرجع بيتنا
كريم :....
ركبوا العربيه وكانوا ساكتين يوسف كان قلقان علي ابن عمه وهو كده
وصلوا البيت بس ملقوش  لا عربيه  زين ولا اي حاجه
مريم طلعت اول ما سمعت صوت العربيه
مريم: كريم زين خد ورد علي بيتنا هي اللي طلبت وانا هروح هناك معلش انا مضطره امشي عن اذنكم
كريم مردش ودخل ..طلع علي جناحه وكسر كل حاجه ف  الاوضه بتاعته
و يوسف طلع علي اوضته يفكر ف كل اللي حصل
ي تري المشاكل ف عيله البدري هتخلص أمته محدش عارف يحل المشاكل من كترها؟
نهي بابتسامه انتصار: كانت خطه ايه بصراحه شابووو
عز : انا مثلت كويس صح
مراد : مش قولتلكم الخطه هتنجح كده هنخلي اول حد واغلي حد علي كريم يبعد عنه ولسه انا لازم ابوظ حياته
نهي : بس فكره الحمل دي بصراحه رائعه
عز : هنشوف النتيجه قريب

#إسراء ابراهيم
#احببتها عنيده