وبعد ١٠ سنين
ورد : ي حبيبتي اسمعي الكلام غلبتيني..مهو لو مكنش دلعك كدا كنتي زمانك سمعتي الكلام
تاليا بدموع بريئه: نو ي مامي هاتي باباي
ورد : ي حبيبتي مفيش باباي دلوقتي..باباي ف الشغل عشان يجبلك اللعبه اللي نتي عايزاها يلا بقا ي حبيبتي كلي المم
تاليا : نو انا عايزه باباي هو مشي الصبح من غير ما يقولي صباح الخير ي تاليا قلبي انا زحلانه منه ومش هاكل ها ....انا رايحه لجدو ..انتوا وحشين
وطلعت تمشي براحه من الاوضه
ورد: يارب صبرني عليهم ..كلك منك ي كريم
راحت ورد وراها اطمنت انها عند جدها ونزلت
ورد : دادا عفاف
عفاف: ايوه ي ست ورد
ورد : ركان رجع هو وأنس من المدرسه
عفاف : عصام راح يجبهم من شويه
ورد : طيب جوري نايمه ولا صحيت
عفاف ضحكت : يعني هي لو صاحيه كان البيت هيبقي هادي كدا
ورد : معاكي حق والله دي مش بتبطل عياط...مغلبني اووي
عفاف : ربنا يخليهوملكم يارب ويبارك فيهم
ورد : يارب ...متنسيش العيله كلها معزومه انهارده عندنا انا شويه ونازله اعمل معاكي الاكل
عفاف : ماشي ي بنتي
ورد طلعت الجنينه اللي كريم كل الورد اللي فيها بأيده عشانها
ورد ف نفسها : وحشتيني اووي ي كريم
*****************
في شركه كريم البدري
كريم : ي مني اي ده كله لسا يوسف مجاش ولا حته حسن
مني مرعوبه وهي بتتكلم : والله ي مستر كريم محدش فيهم جم لسا اول ما حد يجي هبعتوا لحضرتك
كريم كان متعصب:طب روحي نتي وجهزي للإجتماع اما اشوف آخر عز المغربي ده انا معرفش ازاي بيفكر ينافسني مثلا انا هوريه
أما خليته يعلن إفلاسه
وهنا يوسف جه : صباح الخير علي اجمل كيمو ف الدنيا
كريم: صباح الزفت علي دماغك..يعني نت شايف إن الشغل فيه هزار ي يوسف وفين حسن انا قولتلك إمبارح ان في اجتماع مهم جدا عشان الصفقه الجديده
حسن : انا هنا اهو
كريم : حسابكم معايا بعدين بس اما نخلص اتفضلوا ي بهاوات
طلع كريم متعصب ورزع الباب وراه
يوسف وحسن بصوا لبعض: ربنا يعدي اليوم علي خير
كريم دخلت اوضه الاجتماعات الضحمه وبدأ يناقش الصفقه الجديده وأنه هياخدها يعني هياخدها
_________________
كارما : سيلا...ريتال ...تعالوا هنا
زين فتح عينه: اي ي كارما صوتك عالي ليه
كارما : مهو نت سايبني أربي لوحدي..الاتنين عاملين يتخانقوا علي الالعاب والزفت وانا بصراحه دماغي وجعتني ونت ي زين بيتجي من شغلك تقعد معاهم وتنام ...زين احنا معناش بنخرج معناش بنروح ف حته ..ونت رافض اني اشتغل مع كريم ف الشركه فيها اي يعني انا تعبت من قعده البيت
زين : ي فتاح ي عليم ي رزاق ي كريم ...حوار كل يوم ..ي كارما ي حبيبتي اذا كان نتي بتقولي انك مش ملاحقه عليهم ونتي معاهم ما بالك ونتي مش معاهم
كارما: مهو انا هروح الشغل ف وقت مدرستهم وبعدين هروح اخدهم بعربيتي..هريحك كمان ي سيدي اهو من انك تجبهم
زين: احنا اتكلمنا ف الموضوع ده كذا مره ونتي عارفه ردي كويس
كارما : مهو بصراحه بقا انا مش هعرف اعيش واكمل كدا ي زين
زين : يعني اي
كارما : مش هعرف اكمل باقي حياتي محبوسه بين اربع حيطان ...شوف اختك ورد شوف كريم بيحبها إزاي مش مخليها تروح ف حته وعمرها ما طلعت من البيت ومع ذلك فرحانه لانه بيخرجها وبيسافروا وبيصيفوا مش معقول بقالي ١٠ سنين مرحتش ف حته
زين : قولتلك كذا مره ملناش دعوه بحد وقصري بقا عشان كلامك بقا بيخنقني..فيها اي لما نعيش حياتنا ف سلام ..اما نتي ازاي لازم تنكدي علينا ...انا هلبس و همشي و الساعه ٣ هاجي اخدك عشان عزومه جدو
طلع ورزع الباب وراه
كارما قعدت تعيط وبناتها دخلوا
سيلا : متعيطيش ي ماما نتي عارفه بابا بس عصبي حبه صغنتاتين
ريتال : ملكيش دعوه ي سيلا بالمشاكل اللي بين بابا وماما ملناش دعوه
كارما مسحت دموعها: صح ي سيلا اختك الكبيره معاها حق
قوموا البسوا يلا عشان هنروح لعمتو ورد وخالو كريم
سيلا : بجد ي ماما وعمتو مريم وخالو يوسف وخالو حسن هناك
ريتال: لا ي ماما مش عايزه اروح
كارما : ليه ي ريتال
ريتال : عشان اللي اسمه آسر ده رخم اووي
كارما : عيب كدا ي ريتال خالو يوسف لو سمعك هيزعل
ريتال : لا لا انا مش عايزه خالو يوسف يزعل خلاص هاجي
كارما : طب قوموا يلا نجهز
____________________
شروق : فارس فارس قوم ي حبيب ماما يلا
مليكه : لا ي ماما سبيه هو فاشل عشان مرحش المدرسه زيي انا شاطره
شروق : فارس يعمل اللي هو عايزه
مليكه: اشمعنا هو
شروق : عشان هو الكبير
مليكه : نتي وحشه عشان بتحبيه لوحده
شروق زعقت : عيب كدا ي مليكه ..قومي البسي
مليكه: لااااا
___________
ف مستشفي عند الدكتور هشام
مريم بقت مكان هشام ف المستشفي معني اصح مديره تانيه ودراعه اليمين
مريم : ماشي روحوا للدكتور هشام وقوله ان ف عمليه جراحه تحت ولازم ينزل
الممرضه: تمام ي دكتوره
مريم مسكت تلفونها ورنت علي يوسف
مريم : ايوه ي يوسف نت فين
يوسف: انا ف الشركه عندي اجتماع
مريم : طب وآسر وسليم
يوسف خبط بأيده علي جبينه: أخ...نسيت ي مريم ..خلاص انا هبعت رساله لعصام يجبهم مع ركان وأنس ويرحوا عند جدو ونتي اطلعي رويحلهم
مريم : ي يوسف ريناد تعبانه ولازم اروح اجبها الأول مش هعرف اسبها طول اليوم مع الدادا
يوسف : طب خلاص ابقي روحي الفيلا وانا هاجي اجييك
مريم : لا هخلي حد من الحرس يوديني وخلاص
يوسف : بقول انا اللي هاجي اجييك
مريم ابتسمت: خلاص خلاص اهدي هستناك
******************
ورد : ها ي دادا اظن كدا خلصنا ف معادنا الساعه ٣ بزبط..في صوت عربيه يبقي في حد منهم جه انا هروح اشوف مين
طلعت ورد علي بره
فتحت باب الفيلا
ورد ضحكت: هو نت
كريم : أي هو نت دي حد يستقبل جوزه كدا برضه
ورد حضنته: وحشتني اووي ي كريم الوقت اللي بتقعدوا بعيد عني ده بحس اني مش عايشه
كريم حضنها جامد : ونتي كمان وحشتيني اوووي ي ورده حياتي
تاليا : أحم احم اهلا اهلا ي سي باباي...بص بقا ملكش دعوه بيا تاني انا بقولك اهو ومتجيش تقولي هاتي حضن او حاجه لاني زحلانه خالص مالص منك
ولفت ضهرها
ورد بهمس: استلق وعدك ي سي باباي
كريم : اهو انا عملت اي
ورد هز كتافها: انا مليش دعوه
راح كريم ونزل علي الارض عشان يبقي في مستوي بنت عندها ٦ سنين
كريم : مالك ي تاليا زعلانه مني ليه
تاليا لفت : تؤ تؤ مش هقولك..نت معنتش مهتم بيا اساسا مش مهتم غير ب ماماي بس ورده حياتك تبقي وانا ..
كريم : ازاي بقي ي تاليا هو انا عملت اي خلاكي تقولي كدا
تاليا : مقولتليش الصبح صباح الخير ي تاليا قلبي ليه اشمعنا ماماي ..ليه بتحبها اووي كدا
كريم ضحك: يعني نتي زعلانه عشان كدا ...
كريم قام ورفعها علي ايده : بس كدا زعلانه عشان كدا تبقي استني..ازيك ي تاليا قلبي وحشتيني
تاليا ضحكت وبصتله: ونت كمان ي باباي وقامت رايحه ضامه بؤقها وباسته من خده
كريم ضحك : الله...اي البوسه الحلوه دي من احلي تاليا
تاليا : ي باباي عايزه اشكيلك من جوري طول النهار تعيط وماماي مش عارفه تسكتها علي طول عايزه تنزل من السرير وتزحف كدا زي التمساح وتقع
كريم: علشان جوري لسا صغيره وبتتعلم المشي
تاليا : هي عندها اد اي ي باباي
كريم : ٤ سنين
تاليا فتحت ٤ صوابع : يعني دول بس طب وانا
كريم : سته
تاليا زودت ٢ : يعني كدا انا اكتر منها
كريم : ايوه نتي اكبر بس أنس اكبر منك ب ٢ كمان وبعدين ركان بقا اكبر واحد فيكم عنده ١٠ سنين
تاليا : ايوه ركان قالي ...عارف ي باباي ركان مره ضرب ولد ف المدرسه عشان أنس وبيخاف علينا زيك كدا ولما بزعل من حد هنا هو بيجي يصالحني وأنس برضه حبه صغيره
ورد ضحكت : احنا هنفضل نحكي كتير ...تبقي اقولك ي كريم..الست هانم مكالتش حاجه من الصبح وعايزه تأكل معاك
كريم رفع حاجبه: ينفع كدا ي تاليا
ونزلها : باباي بقا اللي زعلان منك
تاليا : لا ي باباي متزعلش انا هدخل اكل كل الاكل اللي ماماي عملاه
كريم بطفوله: لا انا زعلان
تاليا طب انزلي عشان اصالحك
نزل كريم لمستوها ومسكت تاليا خده وادته بوسه
تاليا هروح بقا اكل وجرت بطريقه طفوليه علي المطبخ
ورد : والله دلعك ده مهو نافع
كريم لف ايده الاتنين حاولين وسطه وغمزلها : متاكده ان دلعي مش بينفع
ورد بتبص حاوليها: ي كريم احنا تحت افرض حد جه وسع
كريم حط ايده ف جيبه وطلع شكولاته : طب ودلوقتي
ورد عينها لمعت: شكولاته خدتها منه : انا بحبك اوووي اووي ي كريم
كريم خبط ايده ف بعض: والله العظيم ما اعرف انا عندي كام طفل ف البيت ده ...ونتي اكبر واحده فيهم
كريم: هطلع ي ورد اشوف جدو وانزل
الجد تعبان كبر علي طول مش بينزل من الاوضه دايما قاعد فوق والممرضه معاه
كريم : جدو حبيبي عامل اي
الجد : الحمد لله فضل ونعمه من عند ربنا
كريم بفرحه : انهارده العيله كلها ملمومه هنا عيله البدري كلها هتبقي تحت
الجد فرح: ربنا يلم شملكم علي طول يارب
هنزل لما الكل يتجمع ي كريم
كريم : ماشي ي جدو هنزل انا اشوف مين اللي جه
نزل كريم و ورد سمعت الصوت ف طلعت تستقبلهم
كريم فتح الباب : أي ي عم ده نتوا مش عايزين تيجوا بقا
زين حضنوه وابتسم : ازيك ي سياده المقدم عامل اي
كريم : الحمد لله بخير ليك وحشه والله
زين دخل شويه يسلم علي ورد
زين: عامله اي ي قمر ...مش هتتغير ي ورد مهما تمر سنين هتفضلي حلوه زي الورد
كريم : ي عم جوزها واقف
ورد ضحكت: وحشتني اووي ي زين وهزارك وحشني
كارما كانت لسا نازله من العربيه
بس البنات نزلوا بسرعه جروا علي كريم
كريم نزل بسرعه علي ركبته وفتح دراعه
ريتال و سيلا فرحانين: خاااالو
كريم حضنهم وشالهم الاتنين: حبابيب خالو وقلب خالو...عاملين اي ي قمرات
سيلا : الحنت لله
كريم ضحك: اسمها الحمد لله
سيلا : مهو انا مس بعرف اقول كل الحروف عسان انا لسا صغننه
ريتال: امال فين عمتو
كريم نزلهم اهي جوه اهي ادخلولها
كارما طلعت : وحشتني اوووي ي كريم وحضنته
كريم : ونتي كمان ي كارما وحشتيني ادخلي يلا
جوه
ورد حضنت ريتال : وحشتيني ي اوزعه
ريتال : ونتي وحشتيني اد البحر وسمكاته
سيلا : طب وانا
ورد شالت سيلا: هو انا اقدر انسي سيلا القمر
طلعت تاليا وسمعت ورد حطت ايديها ف وسطها: أي ي ماماي انا خلصت اكل
ورد: حاضر ي حبيبتي انا جايه اهو
ورد : اتفضلوا جوا ثواني وراجعه
عصام جه وجاب معاه ركان وأنس وآسر وسليم
#إسراء ابراهيم
#احببتها عنيده
أنت تقرأ
احببتها عنيده
Roman d'amourتحكي الروايه عن بطل تزوج ليرضي جده رغما عن رفضه للزواج ولكن تزوج من عنيده جعلته ينسي غروره وخطفت قلبه منه واحبها بعد معاناه واصبح يعشقها وهي كانت تكرهوا ولكنه جعلها تغير هذه الفكره بعد مشقه في هذا الزواج ولكنه تزوج من عنيده 💜 اي كومنت يهمني جدا و...
