احببتها عنيده

(الفصل الرابع عشر _الحزء التاني)💎

ورد ف اوضتها مع مريم
ورد : ها هتعملي اي مع يوسف
مريم : مش عارفه ي ورد ..بصي انا مش غلطانه ف حاجه انا بس عايزه اساعد الناس بطبيعيه شغلي ويوسف مش فاهم اني لازم اتعامل مع رجاله عادي يوسف لو عليه بيغير عليا من الهوا..انا عارفه اني بيحبني وجدا ومبسوطه وبفرح لما بيغير بس يعني لازم يكون في حدود يعني لو شاف موقف يسألني قبل ما يتصرف نتي مشفتيش دكتور هشام بقا عامل ازاي ده وشه باظ علي الاخر
ورد : طب يعني دكتور هشام ده متجوز ..لا لسا طبيعي انه يغير وكمان هشام مميزك عن غيرك ف حاجات كتير ده كله يخلي يوسف يضايق يعني اشمعنا نتي ماشي معاكي ف كل حته ومش بيفارقك
مريم : ده عشان انا شاطره ف شغلي
ورد : مريم نتي فهماني كويس اللي بيعمله ده مش طبيعي
مريم: بس انا قعدت معاه ١٠ سنين عمري ما شوفته تجاوز حدوده ف حاجه
ورد: بس طالما جوزك بدأ يضايق يبقي هو شايف حاجه تانيه
مريم : يوسف عايز يلغي شخصيتي
ورد : مينفعش اتنين متجوزين يكونوا بيحبوا يعيشوا دور القائد وهو اللي يمشي الدنيا علي مزاجه !من وجهي نظري نتي عايزه تمشي اللي ف دماغك حته لو علي حساب زعل يوسف اللي نتي بتموتي فيه ...مينفعش يقولك متخرجيش وتخرجي من وراه..مينفعش كنتي تخبي عليه انك شوفتي عمر اساسا ف اول مره
مريم برفض لكلامها: وهو مش عايز يمشي اللي ف دماغه لما يكون عارف اني دكتوره وان في حاله طوارئ ولازم وجودي ويقول لا يبقي بيغلط ف حقي...وعمر نتي عارفه لو كنت قولتله كان هيعمل اي كويس ده رفض ينقله المستشفي
ورد : هو نتي بتهزري معايا ..بقولك خرجتي من غير ما تقولي وبليل فجأه واحد طالع من شغله متأخر شاف مراته مع خطيبها القديم وهو متصاب وكان معاها عربيتها يعني هي اللي طلعت من البيت بمزاجها..يعني نتي لو شوفتي واحده كنتي عارفه انهم بيحبوا بعض ف عربيته وهو كدب عليكي وقالك انه ف الشغل وطلع معاها هيكون ردك اي
مريم  سكتت
ورد: سكتي يعني..اول حاجه هتيجي ف بالك انه بيخونك..بس يوسف مفكرش انك بتخونيه ومقلش انك خاينه مثلا لانه بيثق فيكي وبيحبك بس نتي اختارتي عمر ومش بس كدا لا كمان لما جيتي متكلمتيش مع يوسف ولا اكن فارق معاه زعلك
مريم : يعني كنت اسيب عمر كدا لوحده ي ورد انا ضميري بيعذبني انا السبب في اللي هو فيه
ورد : نتي السبب ازاي يعني
مريم : .....
ورد بصتلها بعصبيه : ما تنطقي نتي السبب ازاي
مريم بتوتر: عشان ..عشان عمر لسا بيحبني ي ورد
ورد اتصدمت وقامت من مكانها وعلت صوتها: يلهوي يلهوي يلهوي عليكي ..نتي اتجننتي عمر مين اللي لسا بيحبك ده لو يوسف سمع انك عارفه ومع ذلك بتقابليه هيقتله ويطلقك نتي اتجننتي ولا جالك حاجه ف دماغك ...والله ي مريم لو روحتي لعمر تاني تنسي ان ليكي أخت اسمها ورد وهقول ل زين وهو يتصرف معاكي نتي سامعه
مريم بدموع : ي ورد افهميني انا مفيش ف قلبي لعمر اي نوع من أنواع المشاعر غير الحزن علي حالته انا محبتش ولا هحب غير يوسف بس انا لازم اساعد عمر يطلع من اللي هو فيه
ورد : مفيش مساعدات كريم معاه وهو زي ما بتقولي بقا صحته كويسه ونتي معنتيش هتشوفيه سامعه ولا لا، هتروحي تقولي ليوسف الكلام ده وتصالحيه فاهمه وافهمي ان اللي يقوله جوزك هو اللي يمشي ، لحد ما تتناقشوا ف الموضوع سوا وتوصلوا لحل
مريم : حاضر ي  ورد
_________________________________
علي طريق القاهرة
كريم : قولي بقا ي بطل لسا خايف
ركان ضحك: أنا أصلا مكنتش خايف ي بابا كنت عارف انك جاي عشاني
كريم ابتسم: برافوا عليك هو ده ابني الشجاع الذكي ، بس اي رأيك بقا ف عمك يوسف انهارده
يوسف كان بيسوق: عمه يوسف اي ، بقا اسمي سوبر مان ي عم ، ده أنا عليا حاجات..ده أنا عليا حاجات، ماشاء الله عليا ربنا يحميني
ركان ضحك وكريم ضحك: طب يلا ي اخويا وصلنا ، ابقي اتصل علي الباص بتاع الولاد اصحاب ركان شوفهم وصلوا ولا لا ولو وصلوا خلي عربيه الحرس تيجي علي هنا
كريم : ركان مش عايزك تخوف ماما عليك متقولهاش حاجه وانا هبقي اقولها براحه بعدين ماشي
يوسف: ي سلام ، أنا بقا الغلس وهقول عادي
كريم : طب ابقي افتح بوقك كدا
يوسف ابتسم : بهزر ي كريم نت مبتهزرش
كريم : لا ي اخويا بهزر، روح اعمل اللي قولتلك عليه وبطل غلبه
عصام: كريم بيه جان مارك جاي لحضرتك بعد ساعه
كريم: تمام ي عصام روح نت شوف شغلك
عم عبده : كريم بيه أنا قعدت معاك كتير وليا معزه عندك
كريم : في اي ي عم عبده
عم عبده: الإنسان اللي اسمه جمال ده هيجنني والله
كريم ابتسم: ي شيخ خضتني ماله جمال
عم عبده:  مخه بعيد عنك مش موجود
كريم : ده حته دمه خفيف ي عم عبده
عم عبده: مهي دي المشكله أنا عمري ما عشت مع حد دمه خفيف
كريم رفع حاجبه: قصدك اي بقا ان شاء الله
عم عبده: شكلي هبوظ الدنيا..اقولك اهو مونسني
كريم : لا حول ولا قوة إلا بالله هو في انهارده ، روح ي عم عبده شوف الزرع
دخل كريم و يوسف و ركان
دادا عفاف : اي ده اي اللي رجعك ي ركان دلوقتي مش كنت راجع بكرا برضه
ركان : لا أصلي زهقت ف قولت لبابا يجي ياخدني
عفاف: طب ثانيه هنادي ل ورد هانم من فوق
كريم دخل قعد
يوسف : انا طالع ل جدو شويه ي كريم وبعدين هنزل
ورد نزلت هي ومريم
يوسف: ورد ابقي شوفي اللاب بتاعك أنهارده ضروري عشان لو في تغيرات علي التصميم واعملي نتي الجزء الباقي عشان نسلمه
ورد: تمام ي يوسف هو كريم تحت فعلا
يوسف كان باصص لمريم :اه تحت و كمان ركان تحت انزليله
ورد خدت بالها : طيب عن اذنكم
يوسف كمل عشان يروح اوضه جده
مريم : يوسف
يوسف بعدم اهتمام : افندم
يوسف: هنتكلم في اي ي مريم
مريم: ف حاجات كتير، عشان خاطري
يوسف: استنيني ف الاوضه وانا هروح لجدو واجيلك
مريم ابتسمت : هستناك
يوسف دخل لجده وهي راحت اوضتها

تحت عند كريم
ورد بفرح : الحمد لله انك بخير،بس اي اللي رجعك ي حبيبي
ركان ضحك : بصراحه وحشتيني اووي ف قولت ارجعلك بقا
ورد : ي حبيب ماما نت اطلع علي أوضتك وخد شاور  ودادا عفاف هتجبلك الاكل لحد عندك
ركان: حاضر
ركان طلع
ورد حضنت كريم : انا مبسوطه اووي انه هيبات ف البيت هنا
كريم : نتي تؤمري ي ست البنات
ورد : طب عايزه اقولك على حاجه
كريم: ابعد عمر عن مريم متخلوش يشوفها هي شايفه انها السبب ولو فضل يشوفها علاقتها مع يوسف هتبوظ
كريم : انا مش عايزك تتعبي تفكيرك ف اي حاجه ف الدنيا ي ورد وانا هحل كل حاجه المهم نتي متشليش حمل حاجه
ورد بحب: ربنا يخليكي ليا ي كريم انت كل حاجه ليا ف الدنيا ابويا وجوزي وصاحبي وحبيبي وكل حاجه انا عمري ما خفت عشان عارفه انك موجود معايا
كريم : ويخليكي ليا ي ...
يوسف  بصوت عالي : كريم
كريم ضحك جامد: والله كدا كتير عليا ،عايز ي يوسف .عايز اي ي قدري
يوسف ضحك : عايز اقولك ان حسن رن وعايزك
كريم : ونت مش عارف تستني شويه علي ما اقول الكلمتين..عليك اوقات
ورد : خلاص ي كريم انا طالعه اقعد مع ركان شويه وكمان الضيف بتاعك زمانه جاي هشوف دادا عفاف خلصت ولا لا
كريم  : ماشي ي حبيبتي
كريم طلع برا يكلم حسن : ايوه ي حسن يوسف قالي انك عايزاني
حسن : بزبط كدا عايزاك عرفت من شويه ان عز المغربي لسا موقعش العقد ولسا موداش الفلوس للبايع و ده شئ غريب
كريم حط ايده ف جيبه وابتسم : لا غريب ولا حاجه اتقل تاخد الأحسن متقلقش الأرض انهارده هتكون متسجله بأسمي ..يلا هقفل انا بقا عشان جان مارك ده وصل اما نشوف آخرتها
حسن : ماشي لو في جديد هكلمك
كريم: ماشي
كريم  بالفرنساوي:   بون سوار بروفيسور جان
جان : بون سوار بروفيسور كغيم
كريم :اتفضل
جان : من بعدك
دخلوا وقعدوا
عفاف : العشا جاهز ي كريم بيه
كريم : اتفضل علي العشا ونتكلم هناك
جان وكريم قاموا
_______________________________💕
ف اوضه مريم
مريم: ممكن اعرف اي الحاجه اللي عملتها ومزعلاك لحد دلوقتي
يوسف : نتي لسا بتسألي ي مريم نتي مش شايفه اي سبب يضايق ف اللي حصل
مريم : انا اللي بسألك
يوسف : خروجك من البيت ..عدم اقتناعك ان هشام ده بقي مش ريحيني انك عارفه ان عمر رجع ظهر تاني ومتقوليش انه يقابلك بليل دي افسرها بأيه واني اخيرك بيني وبينه وتختاريه لما معنتيش بتحبيني قولي
مريم بدموع : ازاي يعني معنتش بحبك انا عمري ما هبطل احبك ي يوسف وصدقني خروجي من غير ما اقولك ده كان بدافع الانسانيه وان في حد محتاجاني وانك رافض اني اساعده مش عشان اعصي كلامك وعمر انا كنت هقولك بس كنت خايفه والله ولأني شوفته صدفه والمره اللي اتصاب فيها هو طلع فجأه ف العربيه وانا كنت مخضوضه من الرصاص واللي حصل وانا مخترتوش انا اخترت اني اساعد انسان بين الحياه والموت ..وهشام بقالنا عشر سنين بنشتغل سوا عمره ما تجاوز حدوده والله
يوسف : انا بالنسبالي بقا بقيت شايف انه بقا غريب ف تصرفاته وفي كل حاجه و كمان بقيت اقلق عليكي ونتي مش عارفه تفهمي ده
مريم : حاضر ي يوسف انا هحاول أقلل مرواحي المستشفي دي ومعنتش هروح غير لو في حاله خطر
يوسف : وعمر
مريم بدموع : معنتش هشوفه تاني ومعنتش هخبي عليك تاني اوعدك
يوسف: تمام
مريم: لسا زعلان
يوسف : ....
مريم : انا اسفه يا يوسف والله حقك عليا نت عارف اني بحبك
يوسف : خلاص معنتش زعلان
مريم ابتسمت :بجد
يوسف: بجد
مريم قامت : طب قوم بقا وهاتلي حضن
يوسف هز رأسه وضحك : مغلطتش من عشر سنين لما قولت عليكي عبده موته
مريم : ي عم قوم كدا وبطل كأبه وحشك الخناق انا عارفه
يوسف قام وحضناها: آه  ي مريم لو تعرفي بحبك أد أيه
مريم ابتسمت: عارفه ي اخويا عارفه بأمره الراجل اللي وشه بقا شبه قفاه
يوسف بضحك  : يخربيت دماغك 

#إسراء ابراهيم
#احببتها عنيده