احببتها عنيده

الفصل الثاني والثلاثون 💎

وصلوا......
نزلوا من الباص للمكان اللي هيقعدوا فيه
ورد : الله الللله ي كريم اد ايه انا بحب جو الخيم ونروح بليل نقعد عند البحر ونشوف النجوم انا بجد مبسوطه اوووووي
كريم : وانا مبسوط طول ما نتي مبسوطه
نزلوا وكل واحد راح للخيمه بتاعته ومعاه حاجته
********
كارما : جدو حبيبي وحشتني اووي
الجد : ونتي كمان ي قلب جدك وحشتيني اووي
كارما: امال فين كيمو و ورد
الجد : في مفاجأه ليكي شروق رجعت من السفر ..بس للاسف كلهم راحوا معسكر تخيم
كارما زعلت: اي ده ويسبوني
الجد: ده هما يومين وراجعين ي بت نتي
كارما: خالتو حنان فين
الجد: سافرت البلد واحتمال ترجع بليل
كارما: ماشي ي جدو انا هروح المول اجيب كام حاجه كدا وارجع
الجد: ماشي متتاخريش وخدي معاكي حراسه
كارما : حاضر
طلعت كارما ركبت عربيتها بالسواق
كارما : عصام مش عايزه حرس ده المول قريب
عصام : طيب اجي اسوق انا
كارما : متخفش وبعدين نت عارف ان كريم منبه عليك متسبش الفيلا نهائي
عصام للسواق: لو في حاجه رن عليا
السواق: أمر سعادتك
اتحرك السواق بالعربيه وهو ماشي ف الطريق
قطع عليهم عربيه نزل منهم اتنين رجاله ضربوا السواق وخطفوا كارما

**********
المشرف : ي شباب بعد اذنكم اتجمعوا...المعسكر ده مش تدريبي هو ترفيهي كل واحد ليه خيمه خاصه بيه ما عدا اللي طلبوا خيمه مزدوجه ولأنهم متجوزين غير كدا كل واحد يلتزم بالقوانين مسموح تروحوا ف اي مكان نتوا حابينه بس تكونوا معرفين شخص آخر عشان منقلقش اكيد في برنامج للمعسكر ده ونتوا عندكم علم بيه ..تقدروا تستمتعوا بوقتكم...والبرنامج هيبدا من دلوقتي ...
كريم ل مريم : برنامج ايه ده كمان
مريم للكل : الخطه اللي هيمشوا عليها...مسموح انك تروح ف اي مكان ماعدا أوقات تنفيذ خطه معينه لازم الكل يكون موجود انهارده هيجي حد حالا يسلم الفطار للكل والكل هيقعد يفطر مع بعض كذلك الغدا والعشا بعد الفطار هنقوم نلعب اي لعبه مع بعض وهما سيبنها مفتوحه علي حسب رغبتنا بعدين هنرتاح شويه والعصر نتغدا وبعدين كلنا نلعب لعبه معينه وبعدين كل واحد براحته بقا
بكرا نفس الكلام ولكن هنروح للجزء الصعب هنروح للمكان ده (شاورت علي مكان فيه أشجار كتير يشبه الغابه) بس وهيبقي شوي وباربكيو وهنمشي الفجر زي ما جينا
كريم استغرب: تمام تمام تمام ..بس هو ايه لازمه المكان ده ايه الاستمتاع برضه
مريم : المكان ده بزات هو الجزء الاهم عشان كل اتنين هيرحوا يدوروا مع بعض علي ٣ انواع مختلفه من الرسايل واللي يلقيها يبقي الرساله دي من نصيبه وربنا بعتله الرساله بزات ليه هو واللي معاه ومش احنا اللي هنختار
ورد : بجد كان لازم اجي والحمد لله كريم وافق
شروق : مالك ي يوسف حساك مش مبسوط
يوسف : ليه بتقولي كدا
شروق : لو مضايق نرجع
يوسف: لا مش متضايق ده انا جاي عشانك
شروق فرحت ولفت ايدها حاولين وسطه وحضنته: بجد ربنا يخليكي ليا وميحرمنيش منك ابدا نت كل حاجه ليا ف الدنيا
عمر جه : اذيكم ي شباب اكيد مريم قالت لكم ده وقت الفطار هو جهز اتفضلوا
عمار: ازيك ي انسه ورد عامله ايه بقالنا كتير مش بنشوفك عملتي ايه ف نتيجه الهندسه هي طلعت اكيد نجحتي مع مرتبه الشرف تقريبا دفعتنا كلها ناجحه وماشاء الله الدكتوره برضه نجحت مع مرتبه الشرف احنا متابعين الأخبار
كريم بحده: لا لذيذ وطالما الحلو متابع الأخبار معرفش ان الأنسه ورد بقت المدام ورد مرات كريم البدري ي عسل ولا ايه النظام ..لو مش عارف احب اعرفك لو عايز
عمار : انا اسف والله بس محدش يعرف انها متجوزه ف الكليه وبعدين طالما حضرتك مضايق اووي ليه مقولتلهاش تلبس دبله او خاتم يعرفنا حته انها متجوزه غير كدا دي دكتوره زميلتنا عادي اننا نتكلم ونسأل علي بعض
كريم بعصبيه : لااا... تسألوا علي بعض ده عند امك ..وهي مش زميله حد ..ولو خايف علي نفسك خد بعضك وامشي من قدامي الساعه دي
عمار لسا هيتكلم ،عمر : خلاص ي عمار بقا لمْ الدور دلوقتي ويلا نفطر
عمار مشا مع عمر
كريم : تعالي معايا
ورد مضايقه شويه من اللي حصل: طيب
وقفوا ف مكان بعيد شويه
كريم : نتي مش قايله لحد انك متجوزه ليه
ورد : ي سلام نت بتهزر معايا همشي ف الكليه اقول ي جماعه انا متجوزه كريم البدري ولا اقولك ألف علي واحد واحد بقا اعرفه نت بتلومني علي ايه عايزه افهم بس
كريم زعق : ونتي بتتكلمي معاهم كدا ف الكليه بقا وانا مش معاكي
ورد : كريم صوتك عالي.وانا عارفه حدودي كويس وهو متطفل علي الكل ومقلش حاجه الكليه كلها عارفه اني ناجحه مع مرتبه الشرف
كريم : و هو يجي يكلمك ليه اساسا
ورد : يوووه يعني نت ف الشغل مفيش بنات بتكلمك ها
كريم : الوضع مختلف البنات اللي شغاله معايا كلهم آخرهم يدخلوا يقولوا مين اللي بره
ورد : خلاص المفروض ان انا اللي غلطانه صح ماشي انا اللي غلطانه حاجه تاني
مريم جت قطعت كلامهم: في أيه ي ورد مش كدا احنا جاين ننبسط مش نتخانق
ورد : انا هروح افطر جوعت
مشت ورد
مريم : اسفه بس نت اللي غلطان
كريم : غلطان ليه بقا
مريم: بقا كريم البدري حوت الشركات مش عارف يجيب لمراته حاجه تلبسها تبين أنها متجوزه
كريم سكت شويه و ببرود : هو الفطار فين بتقولي
مريم بتعصيب: في المكان اللي قاعده في ورد انا ماشيه
راحوا فطروا البنات لوحدها والولاد لوحدها بناءً علي طلب البنات
خلصوا وجه وقت اللعب ..لعبوا ألعاب كتير كريم يوسف وشروق عمر كله لعب ما عدا ورد ومريم
مريم : مش عايزه تقومي تلعبي حاجه ي زفته
ورد ضحكت: عندكم مسابقه رقص
مريم : وماله عشان كريم يعملك بانيه
ورد : كلها ألعاب لا انا ولا نتي نعرف نلعبها ف ليه الاحراج
مريم: نجرب
ورد : هتجربي تلعبي كره طائره ..
مريم : لا هنربط البلانين ف رجلنا زيهم كدا قومي بقا
ورد حبت الفكرا: يلا
قاموا وكلوا ربط البلانين ف رجله
كلوا بيحاول يفرقع البلونه للتاني
فضل ف البنات شروق ورد ومريم
مريم راحت من ورا شروق وفرقعتها
وعند الولاد يوسف وكريم
مريم و ورد بصوا لبعض
مريم بصوت واطي : فرقعيها نتي
ورد : ليه
مريم: اخلصي عشان مفضلش ف موقف يكون في احتمال اجابته يوسف
ورد فرقعتها
كريم بص ليوسف وقال : استرجل معايا بقا واطلع منها
يوسف: تدفع كام
كريم: اللي عايزه انجز بقا
يوسف : اشطا موافق بس افتكر كلامك ...يلا ي عم فرقعها
كريم فرقع البلونه ليوسف وهو كدا اللي فضل ف الولاد
واللي فضل من البنات والولاد هيلعبوا سوا
كريم : فكي البلونه واللي هيقدر يخدها هو اللي بيكسب
ورد بتحدي : موافقه
فضلت ورد تحاول تاخدها منه مش عارفه لان كريم اطول منها بكتير
كريم: متحاوليش تخديها ..انسي
ورد رجعت لورا: اووف وبعدين بقا
كريم نزل البلونه لحد عندها : خدتي قلبي مش هتعرفي تخدي بلونه ..البلونه وقلب وصاحب البلونه من حقك
ورد بصتله واتكسفت من اللي حواليها وخدت البلونه
حاولت مريم انها تقلب الموضوع لهزار
مريم:وكدا زي كل مره ومتعودين طبعا ان البنات اللي كسبت
كل البنات فرحت واتلموا حاولين ورد وخدوها وقعدوا بعيد شويه وقعدوا يتكلموا ويهزروا سوا
*******************
الجد : عفاف نتي ي ست ياللي اسمك عفاف ..
عفاف : ايوه أيوه جايه
الجد : جرا ايه ي وليه نتي..نايمه علي ودنك
عفاف : نعم نعم ..ده ي دوب كنت بتطلع السلم
الجد : وليه خرفانه...كارما رجعت
عفاف : لا ي بيه لسا
الجد : قولتلها متتاخرش معرفش البنت دي مش بتسمع الكلام ليه
عفاف : زمانها جايه ي بيه
الجد : انزلي اعملي غدا يلا
عفاف : حاضر
***********
كارما بتفوق : انا فين
مجهول: عشش متخافيش ي بنتي انا مش هأذيكي ف حاجه
كارما خايفه : امال خطفتني ليه
مجهول: عشان اخوكي يجي لحد هنا
*************
الكل ف المعسكر كان بيرتاح شويه
المشرف: يلا ي جماعه الغدا جاهز
الكل قعدوا ياكلوا بنفس قاعده الفطار
وخلصوا والبنات قامت شالت الاكل وزبطت المكان والولاد ساعدوهم
عمر : ها هنلعب ايه
شروق : ممكن لعبه الازازه اللي بتلف دي ونسأل اسئله اي رأيكم
الكل وافق عليها وبدوا يلعبوا شويه
ولفوا الازازه كمان
الازازه وقفت عند عمر ومريم
عمر هيسأل مريم
مريم : انا مش عايزه اكمل اللعبه دي
ورد : ف اي ي مريم دي لعبه
عمر :أخيرا وقعتي ...اسأل بقا مفيش انسحاب
فاكره لما قولتلك علي حاجه وقولتيلي سبني افكر ..اظن خدتي وقتك إجابتك اي علي سؤالي موافقه ولا لا
مريم اتلبكت واتوترت ومكنتش عارفه تتصرف ازاي ولا تعمل ايه : ما ما بلاش اسئله شخصيه ي عمر وقول حاجه تانيه
عمر : خلاص انا سألت سؤال مفيش تراجع ..موافقه ولا لا ...وكمان انا كلمت زين و وافق فاضل قرارك
ورد : يلا ي مريم
مريم بصت ليوسف اللي وشه عليه ١٠٠ علامه استفهام وبصت لشروق اللي ماسكه ف ايده جامد وبتحبه وبصت لعمر اللي مستعد يعمل عشانها اي حاجه قلبها دق جامد اووي وقالت : موافقه 😓
يوسف بعصبيه : موافقه علي ايه انا مش فاهم سؤاله اصلا
عمر كان هيطير من الفرحه : انا هفهمكم كل حاجه ..من فتره انا ومريم اتعرفنا علي بعض و في الفتره الصغيره دي عرفت اني مش هلاقي بنت زيها تبقي شريكه حياتي واتقدمتلها وهي طلبت وقت واخيرا وفقت وكلكم معزومين علي خطوبتنا اول ما نرجع القاهره
كله قام يبارك لمريم اللي حاسه انه قلبها هيقف حاسه انها عاملت حاجه غلط
هي بتسلم علي صحابها وعمر بيسلم علي صحابه بس مريم عنيها علي حد اختفي من القاعده فجأه
مريم : ورد
ورد: الف مبروك ي احلي مريومه ف الدنيا وخلاص كبرنا ي بت وهتلبسي فستان ابيض ي زفته
مريم: الله يبارك فيكي ي قلبي
شروق: مبروك مريم
مريم : الله يبارك فيكي
شروق : معلش هروح اشوف يوسف فين واجيلك
مريم :....
المشرف : يلا ي شباب الخطط لليوم ده خلصت والليل دخل تقدروا تروحوا اي مكان
عمر : مريم تعالي نتمشي شويه علي البحر ده
مريم : ماشي بس ثواني هغير هدومي
عمر: ماشي هستناكي
********
شروق : مالك يوسف
يوسف : مليش
شروق : امال ليه مشيت وسبتني مش هتهني مريم
يوسف بعصبيه : لا
شروق : طب بتزعق ليه ...شكلك مضايق ممكن نتمشي شويه علي البحر
يوسف: طيب ي شروق..روحي غيري لبسك
شروق بفرحه : حاضر ي روحي
******
كريم دخل الخيمه ل ورد
كريم بحب : ورد
ورد زعلانه منه : افندم
كريم: انا بحبك متزعليش مني وعارفه اني مقدرش علي زعلك
ورد والدموع ملت عنيها: وانا كمان بحبك بس متزعقليش تاني كدا
كريم حضنها : حاضر ي روحي تعالي هاخدك اوريكي مكان حلو اووي هنا
********
الجد بيزعق: عصام ...عصام
عصام : ايوه حضرتك عايز حاجه
الجد : كارما فين وازاي مرجعتش لحد دلوقتي وتلفونها مقفول
عصام: انسه كارما رفضت انها تاخد حرس والسواق تلفونه مقفول
الجد : في عربيه جت برا شوف تكون هيا ولا لا
عصام : لا دي حنان هانم رجعت من السفر
الجد : اعمل اي حاجة ..لازم تعرف هي فين ..لو كريم رجع وهي مش هنا مش هيكفيه عمركم كلكم
السواق بتاع كارما رجع: كارما اتخطفت ي عصام بيه حد كسر علينا بعربيته ونزل خدوها وضربوني ملحقتش اشوف حته نمره العربيه
الجد : يادي المصيبه جيب العواقي بسليمه يا رب
حنان رنت علي كريم يجي يلحق المصيبه اللي هما فيها : تلفونه غير متاح
الجد : ربنا يستر ..عصام روح اتصرف واعرف هي فين ومين اللي خدها ونتي ي حنان تفضلي ترني علي كريم ويوسف
-----

#إسراءابراهيم
#أحببتها عنيده