احببتها عنيده

(البارت التاسع عشر_الجزء الثالث)💎

ركان دخل الفيلا
عفاف : نورت ي ركان
ركان بابتسامة: وحشتيني اووي ي فوفا انا جعان جدا حضريلي اي حاجه كدا
عفاف : من عنيا
ركان : امال هما فين مش سامع صوت يعني
عفاف: مع شروق هانم جوا
ركان :انا هدخلهم ولما تخلصي نادي عليا مش لازم تجيبيه
عفاف : حاضر
ركان دخل
ورد: انت جيت ي حبيبي
ركان: اه ي ماما وانس بره ، خير في حاجه ولا اي
ورد : لا ي حبيبي متقلش
شروق : وهو ده كل اللي حصل وساب الفيلا ومشي
كريم بجديه وبصوت شديد : كويس انه عمل كدا لو عايز هو هيرجع لوحده بعد ما يبقي كويس ويعتمد علي نفسه
ورد بحزن: بس ...
كريم قاطعه بنبره صوت قويه: مفيش بس ده قراره محدش يكلمه او يتواصل معاه بأي شكل من الأشكال وأمه هي اللي طردته وهو مشي وهيرجع لما يعمل اللي هي طلبته
كريم سابهم بعد ما خلص كلامه وطلع الجنينه
ورد سكتت متقدرش تتكلم معاه وهو متعصب كدا او انها تعارضه في قراره لانها عارفه النتيجه انه هيتعصب عليها جامد وبعدين يضايق انه زعقلها ف سكتت
ورد : بطلي عياط ي شروق اكيد يعني هيتصرف ويروح عند صحابه
مليكه : متخافيش ي ماما انا هدور عليه وارجعه
ورد: اوعي تعملي كدا، كريم طالما قال حاجه تتنفذ ي مليكه انتي عارفه عمك كويس واكيد قراره ده وراه حاجه نتي عارفه كويس انه بيخاف علي كل فرد في العيله اكتر من نفسه سبيه بس يهدي وانا هتكلم معاه
مليكه هزت رأسها ب حاضر : طب عن اذنكم انا لازم اروح الشغل انا غبت اليومين اللي فاتوا ولازم اروح اطمن انهارده
شروق مسحت دموعها: روحي ي حببتي وخلي بالك من نفسك انا كويسه
ملكيه حضنتها وباست ايديها: هحاول متاخرش
ركان : ماما عايزك لو سمحتي
ورد: حاضر
ورد قامت ومشيت معاه شويه : نعم قول
ركان : انا شايف انك تكلمي بابا يعمل فرح أنس وآسر مع بعض عشان انا هرجع الشغل كمان يومين ومش هعرف انزل اجازات تاني غير بعد كام شهر ولو نزلت بعد كام شهر هيبقي عشان فرح أنس مش هعرف انزل تاني بعدها علي طول ل آسر ، في ضغط الفتره دي عندي ف الشغل وممكن اتنقل
ورد: حاضر هقوله طبعا اللي يناسبك انا مش هعمل حاجه غير وابني الكبير هنا ، قول بس خالك يوافق لان زين مبيحبش يوسف ولا بيقبله ومعندوش استعداد يجوز اي حد من بناته ليهم ولو آخر راجل في الدنيا
ركان : ليه ده كله يعني
ورد : لا دي حكايه من زمان اووي حصلت هحكيهالك بعدين بقا
شروق : ورد
ورد: جايه اهو ثواني ، اطلع انت بقا ي حبيبي ارتاح شويه كدا عشان تنزل عايزه اتكلم معاك في موضوع
ركان : فوفا بتجهزلي أكل وهبقي اطلع حاضر
ورد: وخلي أنس يطلع هو كمان وقول ل سلمي متعملش اي حاجه خالص كدا كدا جنى قالت إنها مش جايه انهارده وخلاص بقا موضوع يارا و فارس اتفركش تكمل تنظيمات لفرح أنس بقا قدامها وقت كبير تجهز فيه
ركان : اهاا ، ابله شروق بتنادي اكيد عايزاكي في حاجه وانا هروح آكل
ورد : ماشي
ركان دخل المطبخ و ورد راحت ل شروق تشوفها
_____________________
جني : ازيكم اخباركم اي
اعتماد : ي اهلا بالهانم اللي مش شاغله بالها بحد
جنى : انا لسا بقول سلام عليكم ابتدينا
اعتماد: اهو ده اللي فالحه فيه طوله لسان اد كدا ومش بنستفاد منك بحاجه ، خلينا في المهم هنكتب الكتاب أمته
جنى : لما ابقي اخلص الشغل الأخير ده عشان مينفعش وانا بشتغل مهو البيه اللي هيصرف بقا مش هتجوزه يبقي ملهاش لازمه اشتغل وانا متجوزه
اعتماد رفعت حاجبها ومسكتها من شعرها: بت انتي انا صبرت عليكي كتير وآخرتها واي يعني لما تتجوزيه وتكملي شغل علي اساس هو معاه حاجه
جنى شالت ايديها وبعدت عنها : انا اللي قولت هو الصح ولو غصبتي عليا اكتر من كدا ههرب ومش هتعرفيلي طريق
اعتماد : وماله واخواتك يترموا في الشارع بقا
جنى خدت شنطتها ودخلت اوضتها وقفلتها بالمفتاح وقعدت تعيط
___________________
في الفيلا .............
عفاف بتخبط علي الباب : ركان ي ركان قوم ي بني
ركان بيدعك في عينه وصحي وقام فتح الباب
عفاف: يلا ي بني اصحي بقا الساعه بقت ٨ بليل وانت لسا نايم كله نام وصحي وانت لسا يلا انا حطيت الغدا
ركان : حاضر انا نازل اهو
عفاف نزلت وهو وراها وقعد علي السفره معاهم
قعدوا ياكلوا .....
أنس : انا هعمل افتتاح للمعرض الاسبوع الجاي
كريم : مبروك وقررت فرحكم يكون أمته ان شاء الله
أنس : بعد الترم ده علي طول هكون اتخرجت والطالبه بتجيلي المرسم عشان يتعلموا ونعرض اللي هنشتغلوا في المعرض وسلمي هتبقي معايا بما ان عندها موهبه
كريم : ده أنت مظبط كل حاجه بقا
أنس ابتسم: اكيد
كريم : علي خيره الله كلها كام شهر يدوبك
عصام: كل حاجه جاهزه ي فندم واللي طلبته اتوزع والعربيات جاهزه
كريم : ماشي
ركان : هنروح نزور جدو؟؟
كريم : ايوه
ورد : وزعت اي السنه دي
كريم : اللي ربنا قدرني عليه
ورد : ربنا يجعله في ميزان حسناتك
كريم: اللي مش هيعرف يجي دلوقت يروح الصبح عادي
ورد : لا كلهم جاين
كريم : آسر هتقدر تيجي
آسر : اكيد طبعا ي عمو هاجي ايوه انا كويس
كريم : خلصوا يلا ونركب ونروح
ورد ضغطت علي ايد كريم
كريم بصلها بمعني انه فاهم قصدها
كريم : زين لما نرجع عايزك
زين : ماشي
كملوا أكل وقعدوا شويه وقاموا
ركبوا عربياتهم وطلعوا علي المقابر
كريم دخل ومن بعده ورد والباقي
كريم وقف قدام القبر بتاع جده
كريم بص علي الارض : ياااه عدي كتير اووي وانت مش معايا ، انهارده جايلك ومعايا عرسان الاطفال الصغيره اللي كانوا بيلعبوا معاك كبروا وهيتجوزا وهيبنوا عيله لنفسهم، كل حاجه كنت بتقولهولي ساعدتني اني اكمل وحشتني اووي ي جدو يارب تكون سامعني اتاخرنا شويه علي جينا بس معلش بنعيش شويه مغامرات العيله كلها جايه تزورك ، وبالأخص ركان جايلك وبعد سنين احتفل بعيد ميلاده
ركان باستغراب : حضرتك عرفت منين ؟
ورد ضحكت : مفيش حاجه بتستخبي ، كل سنه وانت طيب ي حبيبي يارب دايما اشوفك سعيد ومبسوط
ركان ابتسم: اكيد جدو مبسوط وهو شايفنا كدا
ورد : اكيد ربنا يرحمه يارب