ركان: ايوه ي بابا انا جااي ، انا قربت علي الشركه اهو
كريم : ماشي خد بالك من نفسك ، وانا شويه وهوصل تكون مجهز كل حاجه للاجتماع ، مش كنت جيت معايا ما كدا كدا طريقنا واحد ي سياده الرائد
ركان : حاضر ، لا علشان هروح اجيب تاليا من الكليه عشان وعدتها الموضوع مش هياخد دقايق وبعدين هوصل الشركه قبلك
كريم : آه قول كدا بقا
ركان: متقلقش قبل ما حضرتك وتوصل الشركه هبقي هناك
________________
أنس : نعم ي ماما ، ي ست الكل والله انا لسا ف المرسم لما اخلص هجيلك ، اللوحه دي بقالي كتير شغال عليها ولازم اخلصها
ورد : ي حبيبي اسمعني فيها اي لما تيجي تتغدا وبعدين ترجع تكمل
أنس : ي ماما نتي عارفه اني لو جيت نتي مش هتسبيني ارجع تاني ، انا مروحتش الكليه عشان اقعد اكملها ف اسيبها واجي اتغدا، ايوه صحيح هو ركان جه ولا لسا
ورد اتعصبت: هيجي ي قلب امه من العريش علي الشركه هو وابوك ..الواد نازل اجازه يوديه علي الشركه ويروح هو كمان معرفش اي ده يعني الواد وحشني بقالي يجي شهر مشفتوش يوديه علي الشركه مش مسمحاه
أنس: هتلاقي ركان اللي عايز كدا نتي عرفاه صعب اووي وشغله اهم من الكل
ورد : بس ي ولا ده اخوك وبيحبكم اكتر من شغله
أنس : عارف عشان كدا مجاش يسلم علينا الأول
ورد : ولا شوف لوحتك ي اخويا وبعدين تعالا متتأخرش
أنس: حاضر
//////////
ركان بهدوء: ايوه ي تاليا انا بره اطلعي يلا
تاليا بفرحه : بجد ي ركونتي
ركان : ايوه بجد وبطلي ركونتي دي ي بنتي
تاليا : طلعالك اهو استني
تاليا طلعت وركبت العربيه
تاليا حضنته: يخربيت حلاوتك قمر بلبس الصاعقه القمر ده ، وحشتني اوووي والله
ركان ضحك : دي معاكسه دي يعني ولا اي
تاليا ضحكت: اعتبرها كدا
ركان : ماشي ي ست تاليا ، دلوقتي هوديكي البيت وبعدين اطلع علي الشركه بابا قدامه ١٧دقيقه ويوصل لازم اوصل قبله
تاليا : ركان بلاش والنبي شغل الانضباط ده عشان انا بزهق والله مش كفايا الكليه
ركان:اسكتي ي بت واربطي الحزام
تاليا : حاضر
ركان اتحرك بالعربيه بسرعه
تاليا صوتتت: حاااااسب ي ركان
ركان داس علي الفرامل بسرعه وقف العربيه ونزل منها هو وتاليا
تاليا باصه للبنت اللي واقعه علي الارض: نتي كويسه
سلمي : اه الحمد لله كويسه كويسه
تاليا ساعدتها تقوم : حاسه بحاجه
سلمي : لا الحمد لله الكابتن مخبطتنيش العربيه وقفت قبل ما توصلي، حصل خير ي انسه
ركان واقف متعصب علي التأخير ده
جت بنت من ورا تاليا منفعله
جنى متعصبه: سلمي نتي كويسه
سلمي : متخافيش ي جنى انا كويسه محصلش حاجه
جنى بصوت عالي : ازاي يعني محصلش حاجه، طالما مش بتعرف تسوق بتركبها ليه ،علشان تدوس علي الناس بعربيتك ما هما الاغنيا كدا ميهمهمش حاجه
ركان : اي قله الذوق دي صاحبتك اللي غلطانه الاشاره كانت فاتحه حضرتك والمفروض ان العربيات تعدي بسرعه عادي، ف الغلط منها انها عدت وسط العربيات
جنى وشها أحمر : اي الغرور ده يعني ده بدل ما تتأسف
ركان : اكون مغرور احسن ما اكون لساني طويل، ولا مش هتأسف وهي اللي غلطانه عن إذنك ، اركبي ي تاليا اتأخرنا
تاليا سابت سلمي : نتي كويسه ؟
سلمي ابتسمت: اه تمام
تاليا ركبت مع ركان وركان بص جنى من شباك العربيه ببرود ومشي
جنى : معرفش اي القرف اللي علي الصبح ده ي بنتي يلا نلحق بدل ما الشغل يطير من ايدينا
______
ركان : انزلي يلا
تاليا بهدوء : حاضر متبقاش تتأخر
ركان : إن شاء الله
تاليا نزلت وركان كمل لسا فاضل كام دقيقه ف غير طريقه
في مرسم أنس
أنس مندمج ف رسم اللوحه
ركان دخل : ي سلام علي الجو الشاعري والرومانسيه
أنس فرح وقلع نضارته:كنت عارف انك هتيجي
أنس قام حضنه: وحشتني جدا علي فكرا
ركان : نت كمان وكلكم وحشتوني، ها بقالك اد اي هنا نت مرحتش الكليه
أنس: لا قولت اخلص اللوحه دي انهارده الأول بقالي كتير مشغول ف الكليه ومش عارف اجي هنا
ركان : ومخلصتهاش ف الكليه ليه
أنس ضحك : هو بالمواعيد ، هو فجأه بيجي الوحي لوحده
ركان : ماشي ي استاذ رومانسيه نت ، لازم امشي بابا هيطلع روحي لو موصلتش قبله
أنس : ده الشركه جنبنا
ركان : مهو عشان كدا جيت اشوفك
أنس : ماما محضرالك مفاجأه
ركان : مفاجأه اي
أنس : فارس هيتجوز عندنا
ركان : العيل ده
أنس : اه للأسف
ركان : ودي مفاجأه دي ، معرفش ازاي الواد ده ابن عمنا كل حاجه متكل علي ابله شروق
أنس : ماما بتقول ان من يوم ما عمك توفي ومليكه بقت هي الراجل بداله حته احنا منعاش بنشوفها دايما مشغوله بالشغل والدراسه ف نفس الوقت
ركان : والله الواحد بيزعل لما بيشوف منظر زي ده وده لما يتجوز هيخلي ابله شروق تتجوزها معاه مين اللي هيشتغل ويصرف بقا ومين الهبله اللي قبلت بواحد زي ده
أنس : هنعرف كل حاجه اما يجوا انهارده ، ركان نت مش ناسي حاجه ، بابا ها
ركان: ينهار ابيض زمانه وصل
ركان طلع يجري عشان يوصل
كريم دخل الشركه ودخل الأسانسير ركان شافه طلع هو جري علي السلم ودخل اوضه الميتنج بينهج
يوسف اتخض: في اي ي بني في حد يدخل كدا
آسر ابتسم: في اي مين اللي خلاك تنهج كدا
ريتال : انا مش فاهمه بتبتسم علي اي
ريتال صبتله كوبايه مايه: خد ي ركان
كريم دخل
آسر: تمام عرفت بتنهج ليه
كريم بص لركان: وصلت يعني
ركان : اه مش قولتلك
كريم : ماشي نقدر نبدأ الاجتماع
دينا : ده الفايل بتاع الصفقه الجديده ي مستر كريم
كريم : ماشي ي دينا اتفضلي نتي
بدأ الاجتماع والكل بيشارك بأفكاره و ركان و ريتال بيقولوا افكار اكتر ويوسف وكريم و الباقي بيوافقهم الرأى
وبعد ساعتين خلص الاجتماع وكل واحد راح علي شغله
كريم : انا مبسوط منك ي ريتال بتشغلي علي نفسك كل يوم اكتر من اللي قبله
ريتال : شكرا ي فندم وان شاء الله هكون عند حسن ظن حضرتك دايما
يوسف ضحك : انا بقا مبسوط من ركان ما شاء الله عليه دماغه جامده زيك
ركان : لا طبعا احنا نيجي اي جنب البشمهندش آسر
كريم : ركان تقدر تاخد ريتال لعمتها وتروح نت ترتاح شويه وانا هخلص كام حاجه كدا واجي اشوف موضوع الفرح ده
ركان : حاضر
يوسف : ونت ي آسر طالما خلصت شغلك روح مع ركان كدا كدا العيله كلها هتتجمع عند كريم لحد ما فرح فارس يخلص
آسر : ماشي قوم يلا ي ركان
ركان وريتال وآسر قاموا ونزلوا لعربيه ركان ركبوا وعدوا علي أنس خدوه
أنس ابتسم: اي ده ريتال كمان معاك
ركان : اه كدا كدا كلهم هيجوا انهارده عشان تجهيزات الفرح هتبدا باين من انهارده ف كلهم هيكونوا عندنا واكيد مش هتيجي لوحدها يعني
آسر : علي اساس مثلا انها لو جت لوحدها هيحصلها حاجه دي تأكل العفريت والله
ريتال: شوف برضه انت مالك ومالي دلوقتي انا كلمتك أنس وبيكلمني وركان وبيكلمني اخوات وبيكلموا اختهم نت ايش حشرك
أنس : خلاص ي ريتال متزعليش ونت اتلم وملكش دعوه بيها
ركان :والله شغل عيال ، وصلنا اتفضلوا انزلوا
---
في الشركه
كريم : سليم هيجي أنهارده
يوسف : اه هيخلص الكليه ويجيب سيلا ويجي
كريم : كويس ، كدا معتش غير مليكه
يوسف : والله البنت احسن من فارس الف مره وارجل منه لو حسن كان عايش كان زمانه هيبقي فخور بيها اوووي
كريم بخزن : ربنا يرحمه يارب ملحقش يفرح بيها ، كل اما افتكر اليوم ده قلبي يوجعني مليكه بتعمل كدا عشان حاسه بالذنب انها كانت سبب في موته مع ان الموضوع كان حادثه
أنت تقرأ
احببتها عنيده
Romanceتحكي الروايه عن بطل تزوج ليرضي جده رغما عن رفضه للزواج ولكن تزوج من عنيده جعلته ينسي غروره وخطفت قلبه منه واحبها بعد معاناه واصبح يعشقها وهي كانت تكرهوا ولكنه جعلها تغير هذه الفكره بعد مشقه في هذا الزواج ولكنه تزوج من عنيده 💜 اي كومنت يهمني جدا و...
