احببتها عنيده

(الفصل الخامس عشر _الجزء الثاني)💎

ورد : ها ي حبيبي خلصت أكل
ركان: ايوه ي ماما والله وبطني وجعتني كفايه
أنس: احكيلي عملت اي هناك
ركان : هنام شويه واصحي احكيلك ي أنس
تاليا : ي سيام مجبتليش حاجه حلوه معاك ليه
ركان : حاضر ي تاليا لما نروح المدرسه هديكي مصروفي تجيبي حاجه حلوه زياده
تاليا : بجد
ركان :  اه والله بجد روحي يلا بقا عشان انام
ورد : يلا عشان تناموا كلكم ونت كمان ي أنس نام يلا ونتي ي تاليا روحي لاوضتك واقعدي مع مليكه
تاليا : حاضر ي ماماي
ورد طلعت وقفلت النور وخدت الاكل وراحت تطمن علي الباقي انهم ناموا عشان المدرسه
اطمنت عليهم ودخلت لاوضه جوري
ورد : حبيبه ماما اللي مش بتنام ومن ساعه ما بدأت تمشي وهي قرفاها ومش بتسكت بتوقع كل الالعاب هي وريناد وتبوظ الاوضه ،اقولكم خليكم صاحين كدا انا هجيب اللي يسليكم
ورد قفلت وراحت خبطت علي اوضه مريم
ورد : أهلا أهلا بعصافير الحب اتصالحتم يلا علي اوضه ريناد و جوري متطلعوش غير وهما نايمين
يوسف : ده شغل جديد بس حاضر كدا كدا وحشوني
مريم : نتي تؤمري ي ورد
ورد : اي الحنينه دي يعني روحي ي بت شوفي العيال ربنا يهديكي
يوسف و مريم راحوا
ورد لنفسها : وبعدين كارما من العصر وطنط مخرجتش من اوضتها وكريم اكيد هيعرف ربنا يستر ..اما اروح اشوف شروق
ورد خبطت : شروق صاحيه
شروق فتحت : ايوه ي ورد لسا منمتش اي ده
ورد: دي صنيه الاكل بتاع ركان ،المهم قوليلي بتعملي اي
شروق: بنيم فارس
ورد : يخرابي عليكي ي شروق حته دي هو عيل صغير ما ينام لوحده زي اخواته
شروق : مبيعرفش ينام غير لما يكون معايا
ورد : ي نوغه.... ادخلي ي شروق نتي تفقعي المراره نتي وابنك
شروق ضحكت : سلامه مرارتك ي ورد العيله..تصبحي على خير
ورد مشيت : ونتي من اهله ي أختي
ورد لنفسها : هنزل اودي الاكل الأول وبعدين اطلع اشوف التصاميم دي خلينا نخلص
نزلت ورد وكانت ناسيه خالص ان جان تحت
ورد : دادا عفاف
كريم بص و جان بص
ورد بصت لكريم وبلعت ريقها وبصتله بخوف : اعمل اي انا دلوقتي ازاي انسي
جان : برنسس ورد ،بون سوار ،كانت مفاجأه اني شوفتك فكرت ان البيت ده لو ضيفه دخله بيقي فاضي كدا
عفاف : هاتي عنك ي مدام ورد
ورد ادتها الصنيه وبصت لكريم وهي خايفه
كريم : والله احنا كدا دي عاداتنا وتقاليدنا و برنسس ورد تبقي مراتي واللي يبصله اخليه ميبصش علي حاجه طول حياته تمام !
جان  : أحم أقصد يعني تشرفنا
كريم : عن اذنك
كريم قام : تعالي معايا ي ورد
ورد طلعت قدامها وهي مرعوبه
دخلوا الاوضه
ورد بخوف وتوتر: والله ي كريم نسيت و و كنت بس ..عايزه...يعني عايزه
كريم : هششش مالك ي ورد في اي اهدي ي حبيبتي محصلش حاجه عارف ان غصب عنك اهدي بقا
ورد : يعني مزعلتش .
كريم : لا مزعلتش ممكن تتنفسي وتهدي كدا ، ينهار ابيض ده كله ليه يعني 
ورد : خايفه تكون زعلت بس نت عارف اني مقدرش احس اني عملت حاجه زعلتك
كريم حضنها : ده أنا اولع فيه ي ستي ولا تفكري انا مزعلتش انا عايزك تقعدي هنا ملكه كدا وكل حاجه تجيلك لغايه عندك
ورد بحب: حاضر
كريم بضحك : بغير عليكي ي غزال ..شويه وطالعلك تاني ي قمر هشوف الواد اللي مش واد ده وطالع
ورد : ماشي
كريم نزل تاني
جان : برفيسور
نزلت ورد وكانت ناسيه خالص ان جان تحت
ورد : دادا عفاف
كريم بص و جان بص
ورد بصت لكريم وبلعت ريقها وبصتله بخوف : اعمل اي انا دلوقتي ازاي انسي
جان : برنسس ورد ،بون سوار ،كانت مفاجأه اني شوفتك فكرت ان البيت ده لو ضيفه دخله بيقي فاضي كدا
عفاف : هاتي عنك ي مدام ورد
ورد ادتها الصنيه وبصت لكريم وهي خايفه
كريم : والله احنا كدا دي عاداتنا وتقاليدنا و برنسس ورد تبقي مراتي واللي يبصله اخليه ميبصش علي حاجه طول حياته تمام !
جان  : أحم أقصد يعني تشرفنا
كريم : عن اذنك
كريم قام : تعالي معايا ي ورد
ورد طلعت قدامها وهي مرعوبه
دخلوا الاوضه
ورد بخوف وتوتر: والله ي كريم نسيت و و كنت بس ..عايزه...يعني عايزه
كريم : هششش مالك ي ورد في اي اهدي ي حبيبتي محصلش حاجه عارف ان غصب عنك اهدي بقا
ورد : يعني مزعلتش .
كريم : لا مزعلتش ممكن تتنفسي وتهدي كدا ، ينهار ابيض ده كله ليه يعني 
ورد : خايفه تكون زعلت بس نت عارف اني مقدرش احس اني عملت حاجه زعلتك
كريم حضنها : ده أنا اولع فيه ي ستي ولا تفكري انا مزعلتش انا عايزك تقعدي هنا ملكه كدا وكل حاجه تجيلك لغايه عندك
ورد بحب: حاضر
كريم بضحك : بغير عليكي ي غزال ..شويه وطالعلك تاني ي قمر هشوف الواد اللي مش واد ده وطالع
ورد : ماشي
_______________________________
نزل كريم
جان : حقيقي العشا رائع شكرا للي عملته
كريم : اممم  ما طبعا تسلم ايديها وكل حاجه الا قولي ي جان هو نت عايز اي كدا من الاخر اصل الدخله دي بصراحه كدا فيها حاجه
جان : والله انك زكي برفيسور كغيم..عايزك تشاركني ف عمل بس مش حقيقي يعني تطلع تقول اني شريكك ف اي حاجه نت عايزها ومش هيكون في حاجه اساسا بس عايز لما ارجع فرنسا يكون ليا مقام اكبر
كريم : غريبه مع انك قولت انك معروف هناك كويس اي المشكله بقا
جان : عايز اكتر
كريم : وانا هقول لمين انك شريكي
جان : هتوقع علي عقد شراكه مزور وهاخده معايا فرنسا اوريه للمثتثمرين
كريم : طب مانا عندي حل احسن اجي معاك واعمل اللي نتي بتقوله ده من غير عقد او غيره ،بس انا هستفاد اي
جان : ولا حاجه بس لو عندك حاجه عايزاها قول هي تعتبر خدمه
كريم : ماشي موافق من غير ما اطلب حاجه هتسافر أمته
جان : يوم الحد
كريم : تمام شرفتنا
جان : الشرف ليا عن اذنك مع السلامه
_________________________________
عصام: كريم بيه
كريم : نعم ي عصام
عصام باستغراب  : عز المغربي برا
كريم : ونت مستغرب كدا ليه دخله ده انا مستنيه
كريم قعد
عز دخل
كريم بابتسامه: أهلا أهلا أهلا عز المغربي بنفسه ف الفيلا ده الفيلا نورت ي باشا اتفضل اقعد
كريم : دادا عفاف شوفي الباشا يشرب اي
عفاف: تشرب ايه ي فندم
عز : لا ملوش لزوم
كريم :  لا ازاي ،لازم تاخد وجبك برضه اعملي عصير فريش كدا ل عز بيه ي دادا
عفاف : حاضر
كريم : ها سمعك ي عز نعم
عز : انا جيت اقولك ان عقد الارض اهو انا محبتهاش
كريم : محبتهاش ولا لو دفعت مبلغ زي ده نسبه ان الشركه تعلن افلاسها زاد
عز بعصبيه : لا عشان سعرها وحش خساره لأي حد ياخدها ونت تخسر احسن من اني اخسر
كريم: ونت مين قالك اني هخسر واي مأكدلك اني هاخد عقد الأرض دي أساسا
عز : نت حر عايز تاخدها خدها مش عايز براحتك بس نت هتاخدها لأنك عايزاها بس نت كسبت المره دي بس مش دايما كسبان
كريم : الأيام هتورينا
عفاف : العصير
عز : لا شربته
عفاف في سرها: شرب اي ،اي العبط ده
عز مشي وساب العقد
كريم : ايوه ي حسن عملت اللي قولتلك عليه
حسن : اه كلمت البايع وهيجيلك البيت بس ليه
كريم : اهو جه اهو اقفل دلوقتي
كريم : اتفضل
البايع : يزيد فضلك نعم كنت عايزاني ليه
كريم : أشرب العصير ده وبعدين نتكلم
البايع شرب شويه
كريم : شايف الورق اللي قدامك ده
البايع : اه شايفه
كريم : ده ورق ارضك ..عز المغربي مش عايزاها وجه عرضها عليا وانا بصراحه مش حابب
البايع اتعصب: ازاي يعني هو لعب عيال
كريم: اهدي بس كدا ي حج وصلي علي النبي ..دلوقتي انا مستحيل اشتري ارض بالسعر ده وهي تمنها ميحصلش الربع وبما أن عز المغربي سابها ف مفيش حد هيرضي يشتريها عز المغربي ليه اسمه اكيد هيقولوه سابها للسبب ف قدامك حلين لا اخدها بسعرها اللي هو ١٠ مليون لا اما ترفض ومحدش هيرضي يشتريها بعد ما يعرفوا اني كمان مرضتش اخدها ولو حد اشترها هيقولك دي محدش راضي يشتريها وهيخدمك وياخدها بسعر أقل من ١٠ ها اي رأيك
البايع فكر كتير وبعد دقايق : موافق خدها وربنا ينتقم منه حسبي الله ونعم الوكيل فيه
كريم : تمام ... دادا عفاف ،نادليي يوسف لو سمحتي
عفاف : حاضر
طلعت عفاف ويوسف نزل معاها
يوسف : ايوه ي كريم ،اي ده اي اللي جاب ده هنا
كريم : أدخل في عقد علي مكتبي هاته
يوسف : انا مش فاهم حاجه بس ماشي
دخل يوسف جابه
يوسف: اهو
كريم : ادي عقد جديد ب ١٠ مليون وقع بالبيع
البايع وقع وكريم وقع
كريم : معلش ادخل تاني هات ال شنطه اللي محطوطه جمب المكتب
يوسف بضحك: هي شغلانة ما تقول مره واحده
دخل يوسف جابها : دي فيها اي بقا ان شاء الله فيل
كريم : أسكت ي يوسف أسكت
كريم : ادي ال١٠ مليون بتوعك مبروك عليك
البايع : الله يبارك فيك يلا استأذن انا بقا
كريم : وصله ي يوسف
يوسف ضحك : هو نت مفكرني الخدامه الفلبينيه اللي نت جايبها مش عايزاني ارقصلك
كريم ابتسم: لا حول ولا قوة الا بالله ي بني روح وصل الراجل وبطل خفه دمك دي
يوسف : اتفضل ي عم الراجل ، قصدي اتفضل ي حج نورت
يوسف رجل بعد ما وصله : لا بجد شابوه، ي بني الجنيه  خدت الارض وبنفس سعرها ده لو عز عرف هينتحر
كريم : لا واي رن علي عصام كدا وافتح الاسبيكر
يوسف : هببت اي ي عفريت نت
يوسف : ايوه ي عصام
كريم : عملت اي ي عصام رحت
عصام: ايوه ي كريم بيه ومراد بياخد العلقه التمام
كريم : كويس لما يتربي سيبه من غير اكل وشرب لحد بكرا لحد ما اقولك سيبه يلا سلام
يوسف: انت خطفت مراد
كريم : لما عز جه بعت رساله لعصام يروح لبيت مراد ويخطفه عشان يتربي ان اللعب مع عيالي مش بالساهل
يوسف: عرفت منين ان هو
كريم : وريت صورته لركان واحنا ف العربيه وقال هو
يوسف : حقيقي مبسوط منك
كريم: لا بجد والله
يوسف ضحك: بجد
كريم: كدا الحمد لله معتش في مشاكل ف الشغل معتش بس غير موضوع جان ده وانا اساسا مش مقتنع ولا كلمه من اللي قاله الموضوع فيه حاجه غلط بس هعرفها المهم عايزك بكرا من بدري
يوسف: خير
كريم : بكرا اقولك
زين دخل
كريم : أي ي زين ده كله كنت ف الشغل
زين : اه والله ومسافر بكرا عندي مهمه ف شرم
كريم : ماشي انا هطلع انام بقا
يوسف : حسن فين
كريم : زمانه جاي هو طلع من الشركه وجاي
يوسف : وانا كمان طالع
زين : وانا
يوسف : لا نت خليك هنا مبحبكش
كريم ضحك : اطلع ي يوسف نام
زين : ده نت رخم معرفش حبتك علي اي
طلعوا ناموا

ف اوضه ورد
ورد حاضنه كريم ونايمين
ورد فتحت عنيها وقالت جواها:  ي تري هتبقي فاكر ان بكرا عيد ميلادي ولا لا

#إسراء ابراهيم
#احببتها عنيده