حروف خرساء

البارت الاول

(حروف خرساء)
#Akbal_Mahameed
&&&&&&&&&&&&&&

رجعت من الدوام اني وصديقتي هبه نسولف ونحشش...

كتلها هبه اني خايفه لا ابوي يبطلني  ..

هبه لا ولج دير بالج تبطلين  ..

زمرد اني مااريد اترك دراستي بس عمامي جاي يلحون ع ابوي علمود يبطلني وخايفه لا يسمع كلامهم  ..

هبه غبيه تمسكي بدراستج لان هذه مستقبلج  ..

زمرد الله كريم  حجيتها بقهر   .
اني صف ثالث متوسط  واحب دراستي كلش وشاطرة   ..

وصلت للبيت ودعت هبه ودخلت لبيتنه لكيت امي
واكفه تخبز  ..

زمرد الله يساعدج ماما  .

ام زمرد ويساعدج دخلي بدلي وسبحي  ..

دخلت سحبت وبدلت وطلعت حميت الغده..
اجتي امي مكمله خبز  ..
زمرد لعد بابا وابراهيم  وين  ..

ام زمرد ابراهيم بالمولده وابوج ابيت عمج  ..
اخوي ابراهيم الجبير عمره 25 سنه مامتزوج  ..

بيت عمي جاسم بصف بيتنه  وبصفهم بيت عم ابوي والصفهم ولد عمي ابوي يعني بالمختصر احنه الفرع كله ولد عم وعمام   ..

زمرد صفا شوكت تجي مو كالت اجي يوم الخميس...

ام زمرد العصر توصل خابرتها هستوهم طالعين...
اختي صفا الجبيره متزوجه بالنجف  ..

كعدنه نتغده اني وامي ونسولف...
اجه ابوي كعد يمنه شويه وكام نام  ..
ابوي رجال جبير صاحب مولده جبيره والعالم تسحب منه  ..
كمت وكفت اغسل مواعين وافكر شلون لو بيوم بطلني ابوي من المدرسه ماريد ابطل لان اعتبر الدراسه المنقذ الوحيد اليه من هاي الحياة اني اكره البيه العايشه بيها  ..

عدهم البنيه من يصير عمرها 15 سنه تتزوج وتترك الدراسه وتيصير سجينه ابيت زوجها عدهم بس القوي يعيش وتعلمت اصير قويه منهم اشوف مرة عمي الجبير لسان وعرمه ومايوكف بوجها رجال الكل يتحرمها ويقدرها  وامي لان فقيره ومايوم رفعت صوتها بوجهه ابوي لو واحد من عمامي محد يحسب حساب الها حتى ام ابراهيم محد يصيحلها الكل يصيحلها جميله   وهواي امور  وشغلات راح تعرفوها  ..

اني عمري 15 سنه بس لليوم ابوي مابطلني لان بزر الكعده وعود غاليه علي ويحبني بس ممكن باي لحظه يضعف لضغط عمامي ..

كملت الشغل البيدي ورحت ادرس للعصر وسمعت صوت اختي صفا كمزت من الفراش مشتاقتلها كوومه صار خمس اشهر مجايه علينه لان بيتها بالنجف متزوجه غريب من اهل النجف وتجي بالسنه حسنه  ..

رحت حضنتها وابوس بيها  ..

زمرد مشتاقتلج ولج كوومه  

صفا اني اكثر الله شاهد  ..