حروف خرساء

البارت الثالث عشر

(حروف خرساء)
#Akbal_Mahameed
&&&&&&&&&&&&&&&

ام زمرد اجه اليوم ع ابوج ورجع خطبج وكال اذا موافقين باجر ادزلكم مشيه  ..

زمرد صدك تحجين  .

ام زمرد اي والله شبيج  ..

زمرد مستحييل اوافق ماريد اسمع بسيرته اصلا  ..

ام زمرد ليش هيج تحجين اول مره من حجى ويه ابوج مو جنتي موافقه ورايدته  ..

زمرد بس كلشي تغير واختلف مرت اسنين وهو ماخطبني وانخطبت وتطلكت وهو ماكو يمه اكولها الج من الاخير اسامه  لو يبقى اخر رجال بالكون كله مااقبل بيه  ..

سكتت وعافتني واهلي ردو اله جواب بابا كايله ماموافقه وبعدهي صغيره والحمدلله محد جبرني عليه  ..
مرت شهرين وعادي كلشي ماكو من الدوام للبيت ومن البيت للدوام طبعاً مايخله يومي من مراقبه حسابات سلطان ع الفيس والانستا والواتساب ..
دائماً ينشر واشوفه يشاقه ويه اصدقائه بالتعليقات ..

اجتي صفا علينه سئلتها ع اخباره

صفا زين ودائماً يجي ع حسين، والعلويه كل مااشوفها تسئلني عليج  ..

زمرد وهو مايجيب سيرتي كدام حسين الله عليج  .

صفا لا والله وحته لو يحجي حسين مايحجيلي لان يدري اوصلج  .

زمرد اممم عود بعده يتذكرني لو نساني .

صفا زمرد انسي كافي حتى لو رجعت وياه راح يعذبج بشكه ويضل يشكك بيج باقل موقف ويذكرج بالصار  ..

زمرد شسوي تعاي اقنعي كلبي والله اتذكره بكل ثانيه واحن اله  اريده وج صفا مجاي اتحمل ااريده يرجعلي  ..

صفا زمرد سلطان سيد ومن عائله محافظه حيل انتي بلسانج كلتي عاف بنت عمه لان عرف بيها تحب غيره شلون تريدينه يرجعلج وهو شافج بموقف مخزي يعني بين ادين رجال غيره ويحضنج ويبوسج وشايف جسمج الصار غلط منج ياما حذرتج من اسامه وكتلج احذري منه وانتي مثل العميه تمشين اني اول مره ما لمتط وسكتت بس هسه  مو قصدي اجرحج بالكلام بس لازم تتعلمين ان تدفعين ثمن اغلاطج كلها  ....

هيه تحجي واني دموعي تجري  ..

زمرد خلااص صفا عرفت اخطائي كلش زين ..

طلعت من الغرفه وعافتني كمت فتحت الكنتور وطلعت الصور مالاتنه حتى الخذتهن بالموبايل سحبتهن وسويتهن صور ورقيه..
ضليت اكلب بيهن وابجي خسرت ياسلطان اااه ..

للليل يله لميتهن وكمت غسلت ونزلت .
لكيت ابن عمي خضر موجود ..
ضجت منه لان نضراته مو حلوة ..
ردت اطلع من الصاله صاح وراي زمرد سويلي  .
وكفت بالمطبخ خليت الجاي ع النار وحضرت استكان اله  .
حسيت احد دخل للمطبخ انداريت شفته خضر  ..