حروف خرساء

البارت التاسع عشر

(حروف خرساء)
#Akbal_Mahameed
&&&&&&&&&&&&&&

بيوم خابرت سلطان الصبح ماجاوبني خابرته خمس مرات ماجاوبني دزيتله رساله شكو ليش متجاوب ضل بالي يمك  ..

جاوبني برساله  .(ماكو شي لا تخافين بس عندي شغل شويه)
لليل خابرته وجاوب بس ضايج ومبين مقهور  ..

زمرد شبيك حبيبي   ..

سلطان  مامو شي لا تشيلين هم  ..

زمرد والله  بالي يمك اشو مقهور وضايج  ..

سلطان  زمرد اليوم ذكره وفاة امي  ..

زمرد الله  يرحمها حبيبي كلنه ع هذه الطريق الموت حق...

سكت بس لمحت دموع بعيونه حسيته مخنوك  .

سلطان  شويه واخابرج  ..

سده بسرعه انقهرت علي مايريد يبين ضعفه ودموعه كدامي بس مبين متأذي حيل فقدان الاب لو الام شي صعب ويكسر الضهر ربي لا يشوف لوعت الفقدان لاحد  .
ثاني يوم خابرني بس زين حسيته مو مثل البارحه ..

صارت السنويه مالت ابوي بيومها اهل سلطان كلهم اجوي العلويه وخواته واخو وابو  ..
الكل انجمع سوينه اله ختمه مال قرأن وذكر  ..
صارت سنه من توفه وجرحه لليوم ماطاب عبالك البارحه فقدنا لليوم من اجي من الدوام وادخل للبيت يتهيئله راح اشوفه كاعد بالصاله ويكولي هاا بابا الله يساعدج  ..

انهاريت بيوم السنويه وتخربطت اخذني للمستشفى سلطان وصفا ..
سوالي سلطان تحاليل كامله وسونار لان وجع عندي بصفاحي  ..
كالي الدكتور عندي سموم بالكلى والتهابات قويه  ..
وفقر دم حاد  ..
اخذلي العلاج سلطان ورجعنه  ..

وره اسبوع من السنويه اجه سلطان هوه والعلويه وابو وخواته جابو فلوس النيشان والذهب علمود اجهز للعرس وسلطان يريد يحدد موعد العرس  ..

اني ماردت اسوي العرس حالياً لان مصار شهر من طلعت السنه مالت ابوي واني صحتي مو تمام هسه  .
بس سيد سلطان وراد شي شد اله كوه خله يوم العرس ولحنه بعد شهر  ..

بديت اطلع العصر وره الدوام اني وصفا ونجهر للعرس.
بيوم خابرني  ..

سلطان باجر لا دوامين  ..

زمرد ليشش.؟

سلطان بأجر اجي علمود نعقد محكمه  ..

زمرد تمام بس خابر إبراهيم..

سلطان خابرته قبل شويه كال ميخالف..

زمرد ماشي..

سلطان نروح نعقد محكمه ونطلع نشتري الذهب  ..

زمرد لا غير وقت عود نشتري الذهب  ..

سلطان يولي بعد ماتصيرلي جيه ليوم العرس علمود نختاره سويه  ..