حروف خرساء

البارت العشرون

(حروف خرساء)
#Akbal_Mahameed
&&&&&&&&&&&&&

دفنت وجهي بصدره ونمت غفيت واني اردد الحمدلله الحمدلله صار من نصيبي لان مااكدر بدونه الحمدلله رزقني برجل يحبني ورغم كل الصار والشافه بقى يحبني

كعدنه الفجر صلينه سوه ورجعنه نمنه باحضان بعض
كعدت الصبح قبله هوه بعده نايم ..
سندت جسمي ع صدره واباوع بوجهه بسته بخدوده وبكصته اتحارش بي اريده يكعد ..
اضوج من اكعد الصبح وابقى وحدي اريده وياي ..
بسته بشفته يله كعد ..

سلطان هاا الظاهر صرتي زينه وراح الوجع ..

زمرد ههههه صباح الخير ..

سلطان صباح النور والسرور صباح الورد ..

زمرد كوم اكعد كافي نوم ..

رجعني لحضنه ويبوس بوجهي وبشفتي ..
واخذني لذاك العالم الي مابي غير اني وياه ..

من ابتعد خلاني ع صدره ورجع نام ..
واني هم ماكلت لا نمت كعدنه الساعه ب10 ..
سلطان راح انزل اجدد الحجز مانرجع اليوم ..

زمرد تمام .بس جوعانه اطلب ريوك ..

سلطان تدللين كرص خدي وكام راح سبح وبدل ونزل ..
واني هم سبحت وبدلت خليت بس حمره وردي كعدت انتضره ..
شويه وصعد وصعدولنه الريوك كيمر وكاهي وعسل ..تريكنه وكملنه...
اتصلت امي جاوبتها بسرعه مشتاقتلها فدوه لكلبها ..
زمرد الووو

ام اإبراهيم هلا يمه زمرد شلونج ..

زمرد هلو ماما بخير حبيبتي اذا انتي بخير ..

ام ابراهيم يبعد امج اني بخير بس بالي يمج ..

زمرد لا تخافين حبيبتي زينه الحمدلله ..

ام ابراهيم دومج زينه يارب شلونه سيد سلطان ..

زمرد زين الحمدلله انتي شلونج شلون بنين وإبراهيم صفا شلونها بعدهي لو راحت ..

ام ابراهيم كلهم زينين ويسلمون عليج وصفا راحت من الصبح اجه رجلها اخذها

زمرد هاا وايمان .

ام ابراهيم ايمان من ليله عرسج اجه رجلها اخذها بليل ..

زمرد ياا ماما يعني ضليتي وحدج..

ام ابراهيم ماعليه شي لا تخافين يمي بنين ومونسني خليل ..

زمرد فدوه لكلبه اشتاقيتله والله ..

ام ابراهيم ان شاءالله بالسبعه مالتج تشوفينه يله حبيبه اخذي راحتج وديري بالج ع رجلج ..

زمرد الله وياج ماما ..
سديته وانداريت ع سلطان ..
زمرد سلطان خلي اشوف اهلي قبل لا نروح للنجف ..

سلطان مايصير حبيبي همه بالسبعه يجون عليج ويشوفوج ..

زمرد مشتاقه لماما
سلطان اني يمج حبيبي ..