حروف خرساء

البارت السادس عشر

(حروف خرساء)
#Akbal_Mahameed
&&&&&&&&&&&&&&&

عبالك اني ناقصه حزن لو هم وجيني هيج قهر  ..
موت ابوي جان الكشه الي قسمت ضهر الجمل..
دخلت بحاله نفسه بعد وفات بابا ايام كلها حزن وبجي  ..تعذبت حيل صرت من انام افز باليل واكعد ابجي وين جنت وين صرت شصار بحالي خسرت طعم الحياة خسرت سلطان والشي الاعضم راح ابوي  تغيرت جذرياً  ..
مر اسبوعين ع وفاته واني اليشوفني مايعرفني ابد كلشي بيه تغير ضعفت بشكل مو طبيعي صرت جلد ع عضم وحالتي النفسيه تدمرت صدك بوقتها احتاجيت دكتور نفسي ..

بيوم جنت اصلي كملت صلاء وكعدت اسبح ودموعي تجري صرت ابجي هيج لحالي وبدون سبب بمجرد ماانعزل بنفسي تصير دموعي تجري وحدها..

اندك باب غرفتي صحت ادخل  ..
دخلت بنين  ..
بنين يولي مسحي دموعج راح تموتين  .
زمرد شعندي باقيه لعد  .

بنين كومي ولج طالعه النتائج صار ايام واحنه اخر من يعلم  ..

زمرد تدرين نسيتها ايي بله شطالعه اني بلكي اكو شي يفرح  ..

بنين مااعرف والله ابراهيم جاي يبحث عن اسمج انزلي يصيحلج  ..

كمت نزلت وياها لكيته مخلي الحاسبه بحضنه ويكلب بالاسماء  ..

ابراهيم شكد تتوقعين معدلج...

زمرد مااعرف يطلع بال70..

ابراهيم اممم اعلى بشويه  ..

زمرد طلع جريت الحاسبه من ايده وايدي ترحف باوعت معدلي 75 دموعي ضلت تجري الحمدلله والشكر ربي مايضيعلي تعب نزلت وسجدت سجده شكر لرب العالمين  ..
حضنتني امي والكل باركلي ..
اول فرحه افرحها من اشهر هواي  ..
بديت اني احضر للكلية بس الخرب فرحتي طلعت القبولات الكليات ومعدلي مايدخلني كلية القانون انقهرت حييل بس كلت يله المهم ادخل كلية  ..

بيوم جنه طالعين اني وايمان جنت اتسوك ملابس للكلية  ..كملنه ورجعت للبيت شفت بيت عمي يمنه سلمت عليهم ورحت لغرفتي بدلت ورحت للمطبخ اساعد بنين جانت تحضر للعشه لان احنه رجعنه متاخرين يمكن الساعه هسه ب7 وبالشتا بسرعه تظلم الدنيا  ..
كعدت اثرم زلاطه وهيه تطبخ  ..
بنين زمرد تدرين اهلي ليش جاايين  ..

زمرد لا ليش بله  ؟؟

بنين يخطبوج  ..

زمرد شنو يخطبوني لمنو  ..؟؟

بنين لخضر شبيج  ..

زمرد ودراستي  ..

بنين خضر كال اخليها تكمل  دراسه..

سكتت افكر بكلامها معقوله يخليني اكمل دراسه اعرفه خضر عقده وقنقينه...

زمرد زين وإبراهيم شكال الهم  ..