حروف خرساء

البارت السابع عشر

(حروف خرساء)
#Akbal_Mahameed
&&&&&&&&&&&&&&&

وره ايام رحت للجامعه اني وإبراهيم  وهبه صديقتي شفت القبولات طالعلي ادارة واقتصاد كلت هم نعمه..
كملت الإجراءات  وبعد اسبوع ابدي اداوم هبه دخلت دخلت كلية تربيه قسم اسلاميه ..
انقهرت كلش لان مو نفس الكلية اني وياها  ..
رجعت للبيت ضايجه هم مادخلت الكلية الاريدها وهم راح نفترق اني وهبه صح نفس الجامعه بس غير كلية  .

تقريباً وره الاربعين مال ابوي بعشر ايام..
جنه كاعدين العصر اني هستوني كملت صلاء وإبراهيم هستوه طلع من الحمام واكف كبال المغسله ويمشط  ..
اندك الباب اخذ دشاشه من غرفته وطلع فتحه  ..
كمت اريد اشوف منو سمعت صوت خشن مال زلم وسلام باوعت من بابا المطبخ زلم كومه دخلو للاستقبال  .اجاني إبراهيم  ..
إبراهيم حضري الجاي بسرعه وانيطني نفاضات  ..

انيطته نفاضات وسويت اي عقلي يفكر وحلل منو هذول الزلم بس لحظه اني لمحت وياهم ياسين اخو سلطان معقووله اجه يخطبني ..

كمل الجاي واجه إبراهيم اخذه  ..
انيطته الصينينه  ..

إبراهيم كولي لبنين تخابر عمي خلي يجي هوه ولد عمامي  ..

زمرد ليش شكو  ..

إبراهيم اهل سلطان جايين يخطبوج واريد عمامي حاضرين  ..

اخذ الصينيه وراح  ..
ضليت صافنه وراه هسه اني شنو الازم اسوي وشنو لازم اتصرف اوافق لو رفض واذا وافقت راح انسعد وياه لو راح يدمرني بشكه فزيت من صفنتي ع صوت بنين  ..

بنين ياعشاكه وين صافنه...

زمرد ولي مصافنه  ..

بنين لعد صار ساعه احجي واريدج تنطقين ماكو  .

زمرد اصلا مادري بيج من يجي  ..

بنين من اكول عاشكه تلوميني بس لا عاشكه خضر تره حلوة وينعشك  ..

زمرد تولي  .
عفتها ومشيت بعدين تذكر إبراهيم كال كوللها تخابر بيت عمي  ..

زمرد اكلج إبراهيم كال خلي تخابر بيت عمي يجون همه ولد عمامي  ..

بنين ليش ياستار شكو  .

زمرد جاييني خطابه  ..
حجيت ورحت لغرفتي ذبيت نفسي ع السرير وسرحت اباوع للسكف واحجي بيني وبين نفسك  ..

احبه مااحبه اكرها مااكرها احبه مااحبه احبه اكرها..
لا احبه بس حاقده عليه ومامستعده نرجع مثل قبل ولاكن صاير شي ماانسه من ضربني بالشقه والخوفه الخفتها بوقتها ولا انسه كلامه من يكولي اريد اتقربلج واريدج تمتعيني عبالك يحجي ويه ساق*** جايبها بيت بيت دعارة موبنيه ومن عائله  ..

اعرف الصار بالماضي خلاه ياخذ نضره مو زينه عني ويشكك بيه وبشرفي بس عافني وطلكني ودفعت الثمن غالي  ..وهو الرجع تالي محد جبره وهم هوه الاختفى مره ثانيه محد جبره ..