حروف خرساء

البارت السابع

(حروف خرساء)
#Akbal_Mahameed
&&&&&&&&&&&&&&

استمر الوضع هيج واحس بيها تتغير وتلين وتوددلي  ..
واني مافتحت موضوع الخطبه وياها لو اعترفت بحبي مره ثانيه
بيوم جنت بالدوام عندي خفر  ..
خابرتها كلعاده انتضار واشتعل جد جدي..

ضليت اخابر وماتجاوب  ..
دزيت الها رساله (نجلاء جاوبي احسلج بسرعه) جاوبت برساله( شرايد)  ..

رجعت لنفس اسلوبها الخ**  ..
دكيت عليها جاوبت  ..

سلطان الووو..

نجلاء هلا  .

سلطان ليش ماتجاوبين...

نجلاء شرايد..

سلطان احجي عدل ولج  ..

نجلاء اوو  شبيك بابا دكيت وجاوبتك شرايد هسه  ..

سلطان مو صوجج صوجي اني المخابرج واريد اشوفج شلونج  ..

نجلاء  ايي وهسه شرايد..

سلطان  امشي ولي مرايد شي  .

نجلاء  يله باي  .

سديته واني افووورر بنت الاوادم تجيها ايام تجر عدل وتجيها ايام ترجع لنفس الاسلوب  ..

ثاني يوم الصبح رجعت للبيت اول ماوصلت خابرني  عمي ابو ليث  ..
كال اني بالدوام وليث بالدوام وابن خال نجلاء جايي لبيتنه اخذ مسواك وروح عليهم  ..

كتله ماشي بسرعه شغلت سيارتي ورحت تدري بابن خالها عينه عليها وهو عينه نكسه  ..

مريت تسوكت ورحتلهم  ..

دكيت الباب فتحته ام ليش مرة عمي  ..

سلطان  السلام عليكم  شلونج عمه  ..

ام ليش وعليكم السلام هلا يمه   تفضل..
نزلت المسواك من السيارة وكفت بالحديق مال البيت غسلت وجهي وتوضيت لان روح تصير صلاء الضهر  ..

اجتي عيني ع شباك الاستقبال جانت البردة مفتوحه  .
تنوعت منها واشوف نجلاء واكفه وابن خالها لازمها من خصرها ويبوس بيها  ..
حسيت واحد وخله طلقه بنص كلبي  ..
النار صعدت براسي  ..

ركضت دفرت باب الاستقبال  شافوني وطفرو جريت الولد من ياخته وركعت راسه بالحايط  ..
جريت بنت عمي المصون ضربتها راشدي  .ورجعت جريت الولد طلعت بره ولزمته شبعته كتل بس مابرد كلبي اريد اذبحه اريد اكتله خلاص بس الحرام لازمني  ..
شمرته بالشارع  بعد مانهيته  ..

سلطان اسمع لك قسم بالله اذا لمحتك بالنجف مره ثانيه والله لاخلي طلقه براسك وانعل اهل اهلك ابن السكط   .

ركض شغل سيارته ومشى  

رديت دخلت للبيت للخاتون الكاعد بيت ابوها ويبوس بيها السكط  ..
شفتها كاعده بمكانها وتبجي وامها تريد تفهم منها  ..