حروف خرساء

البارت الثاني

(حروف خرساء)
#Akbal_Mahameed
&&&&&&&&&&&&

سديته منه واني اضحك ههههه اسامه واني اني واسامه

وره يومين هم اجه اسامه ع بابا  .. كعدو بالستقبال واجه بابا كال حضور الغده  ..

جنت هستوني جايه من المدرسه بدلت ونزلت اساعد ماما بالغده  ..

كملنه الغده وكمت انكل بالمواعين وانطي لبابا من باب الاستقبال...

اخذ من ايدي الماعون وبقى الباب مفتوح صار كبالي اسامه عض ع شفته وباعولي من فوك ليجوه  ..

اني جنت بدون حجاب ولابسه تراكسود اسود ورصاصي وبي خط ماروني   .

رجعت للمطبخ  ..
احضر باستكاين الجاي  اسمعه يضحك ويه بابا  ..
فديت الضحكه  ..

كملو غده وسويت الجاي واخذه ابراهيم مني  ..
ضليت كاعده بالمطبخ العب بموبايلي  ..
اجتي رساله من اسامه فتحتها كاتب (اريد اشوفج زمرد)

عزا وين يشوفني اشو هذه رايح كلش  ..

مجاوبت دز الثانيه (جاوبي بنت الاوادم مشتاق لعيونج)

دزيتله (وين تشوفني شبيك انته ابوي موجود وابراهيم)

اسامه اطلعي للطرمه واني راح اطلع

زمرد ما ما اطلع اخاف ابوي يشوفني  ..

اسامه محد يشوف يولي مشتاقلج والله..ابراهيم طلع للمولده وابوج كاعد يشرب بجايه طلعت اني ..

كمت باوعت لنفسي بالمرايه شعريه رافعته وانزله خصلات منه وكذلتي نازله  ..

رتبت نفسي وكرصت خدودي امي بغرفتها جاي تكوي ملابس ابوي   .

فتحت باب المطبخ وطلعت شافني وابتسم  ..
اجه عليه  ..

اسامه خرب يومج  صرت ملطلط من وراج  ..

زمرد وهاي شفتني راح ارجع  ..

اسامه تعااي وين ترجعين  ..

جرني من ايدي لوره المطبخ اكو ترك  ..

زمرد شبيك اسامه وين جارني  ..

اسامه تعاي ومعليج  ..

حصرني بينه وبين الحايط  .

اسامه احبج يولي والله  .

زمرد اممممم وبعد  ..

اسامه اموت عليج  ..

زمرد وبعد  .

اسامه اعشقج..

زمرد ههههههه  ..

اسامه اروح فدوه للضحكه وصاحبتها  ..

زمرد ماتخاف لا احد يشوفنه  ..