حروف خرساء

البارت الثامن عشر

(حروف خرساء)
#Akbal_Mahameed
&&&&&&&&&&&&&

سلطان شلونج  ..

ضليت اباوع بوجهه بثول هذه شجابه شنو ماصدك عقدنه  ..

سلطان شبيج مصدومه  ..

زمرد شششجابك ااهنا  ..

سلطان مرتي واجيت اشوفها شنو شجابني وبعدين اكو وحده هيج تستقبل رجلها  ..

سكتت ودرت وجهي عنه  ..
سلطان شبيج  ..

زمرد مو حلوة كعدتك يمي كدام الطلاب  ..

سلطان يعني اروح  ..؟؟

سكتت  ..

سلطان ترديني اروح بس هوه مو صوجج صوجي اني الطرن الاثول الجيت من النجف طاير علمود اشوفج ..

هوه يحجي ودموعي نزلن  ..

سلطان  لخاطر الله  هسه فهميني شبيج  ..

مسحت دموعي وباوعت بوجهه...
زمرد مابيه كلشي مابيه  ..

سلطان  كومي وياي شو كومي  ..

زمرد شبيك وين اكوم  ..

سلطان نكعد بسيارتي نتفاهم اشو البارحه عقدنه واليوم مو طايقتني  ..

زمرد اصعد وياك بسارتك شبيه خبله  ..

سلطان  ليش بويه راح اكلج مثلاً لو اشربج  ..

زمرد لا سلامتك بس تذكر اخر مره كتلي نكعد بسيارة شصار  ..

سلطان  بس هسه انتي مرتي  ..

زمرد بس بعدني مااثق بيك  ..

سلطان  نعم نعم ماتثقين بيه!!!! كومي بويه كومي مبينه سالفتج طويله اليوم  ..

زمرد ماكوم مااكوم  ..

ماحجه لزم ايدي ومشه اعيون الطلاب كلها صارت عليه خجلت منهم دنكت ومشيت وياه ..
مشيت وياه لان تعبت اريد اعاتبه اريد اطلع البكلبي كله ماريد اضل حاقده عليه واني احبه  ..

وصلنه يم سيارته فتحلي الباب صعدت واندار صعد  ..
سلطان فهميني شبيج  ..

زمرد سلامتك سلطان مابيه بس تذكر اخر لقاء بينه شنو جان وتذكر شلون عفتني وتخليت عني بسهوله 

سلطان اول شي هذه الموضوع طويته اني واريد ابدي صفحه جديده وياج ثاني شي ماتخليت عنج اني انتي غلقتي موابايلج وكطعتي عليه كل الطرق...

زمرد جنت تكدر تخطبني بس انته تهربت انته تخليت عني بسهوله مافكرت بيه بمجرد رفضت اسلمك نفسي عفتني ليييششش لان ماتحبني ولا بيوم حبيتني  ..

سلطان لا تكولين ماتحبني لو مااحبج ماارجع واخطبج مرتين بس احبج والله ومايوم نسيتج بس عفتج لسبب وهسه اريد انسى كلشي وياج ونبدي من جديد  ..