حروف خرساء

البارت الاخير

(حروف خرساء)
#Akbal_Mahameed
&&&&&&&&&&&&

كعدت الفجر كمت سبحت وصليت ورحت كعدته  .
زمرد سلطان كوم اسبح  ..

سلطان بعد شكد ويأذن  .

زمرد أذن يمعود من زمان كوم صلي ..

كعد فرك وجهه  ..
سلطان شكد مشتاق هيج اصبح بوجهج ..

زمرد دكوم هسه ..

كام راح يسبح وصلى رجع وكعدنه نسولف اني وياه للصبح وكمت سويت ريوك اله ورحت بدلت  .
كعدت امي  ..

ام ابراهيم هاا شو مبدله  ..

زمرد راح اروح ويه سلطان للدكتور  ..

ام ابراهيم الله يشافيج يمه ويبعد عنج كل مرض  ..

زمرد دعيلي ماما محتاجه دعائج  ..

طلعنه اني وسلطان للدكتور جان علي هواي بس سلطان حاجز من البارحه بسرعه دخلنه .

طلب تحاليل جديدة وسونار  تخطيط قلب  ..
طلعنه سويت التحاليل و اخذني لدكتورة سويت التخطيط والسونار  ..
ورجعنه ع الدكتور  ..

كال لازم هسه اسويلج عملية المرارة ورها ترتاحين واسويلج كوي للقرحه  واهم شي لازم تبتعدين عن التعب والضغط والقهر علمود بيوم العملية تنتضم دكات كلبج  ..

كتبلي كومه علاج وحدد موعد العملية يوم الثلاثاء واليوم هوه خميس  ..

رجعنه لبيت اهلي كال اني لازم ارجع للنجف اجيبلج ملابس وشنو تحتاجين واجيب فلوس  ..

زمرد تمام وسلملي ع العلوية  ..

سلطان امشي وياي  باجر نرجع..

زمرد مااكدر تعبانه  ..

سلطان ماشي حبيبي براحتج  ..
وره الضهر راح للنجف ..
طبعاً خضر من اجيت ماشفته ابد عرفت مسافر  ..
بس من راح سلطان العصر وشفت خضر اجه سلم ع إبراهيم وبنين بعدين انتبهلي كاعدة بصف امي  .

خضر ياهلااا بزمرد شلونج بنت عمي  ..

زمرد بخير الحمدلله الله يسلمك  ..

خضر ياخير ولج شصاير بيج ليش هيج منتهيه  ..

زمرد شويه مريضه  ..

عفته وكمت مابقيت كاعدة يمه ثاني يوم اجه سلطان  وخضر لطش من عرف بيه موجودة سلطان  من شاف خضر ماعجبه الوضع  ..

سلطان كومي لمي غراضج  ..

زمرد شنو وين نروح  ..

سلطان عندي مفاتيح الشقه نكعد بيها احسن.زحمه صار اسبوع اهنا  ..

زمرد ماشي  ..
لميت غراضي ورحنه للشقه  ..
فتح الباب ودخلت هوه راح جاب الغراضي وملابسي
سلطان راح اورح اتسوك واجي لا تفتحين الباب الي احد اني عندي مفاتيح  ..