حروف خرساء

البارت الثالث والعشرون

(حروف خرساء)
#Akbal_Mahameed
&&&&&&&&&&&&&

من كال عمي سلطان ميت صرخت اني وعمتي صرخه وحده اكعد بي واضرب بخدودوة واصرخ اكعددد اكعددد لا تعوفني   ..
يريدون يشلونه مايكدرون جسمه ثكييل حييل واني مخليته بحضني وابجي  ..

طلع ياسين يريد يطبب السيارة للبيت علمود نخلي بالسيارة  .
صااح الجامع الله  واكبر  ..
خشع جسمي من صوت صحت بعلو حسي ربي اريده منك ياالهي  يارب اريده سالم منك يارب  ماريد من الدنيا غيره  ..

شلناة اني وعمتي وياسين وابو للسيارة...
راد يطلعون جلبت بيد عمي  ..
زمرد عموو خلي اجي وياكم فدوه  ..

ابو سلطان  وين تجيين هيه ونسه طبي جوه  ..

زمرد فدوه عمو ابوس ايدك خلي اروح وياكم  .

شمرت العباة ع راسي عمتي  .

ام سلطان روحي وياهم يمه ربي يحفظه الج  ..
صعدت بسرعة بالسيارة وخليت راسه بحضني طلع للمستشفى بسرعه ياسين سوه الطريق دقائق بس عليه يمرن سنين...

دخلو بسرعه للطوارئ شافه الدكتور كال بي نبض بس ضعيف كلش  ..
دخلو للغرفه والتمو عليه اربع دكاترة  ..
المصيبه جسمه كله صار بيه طكع زرك اباوعلهم يضغطون ع كلبه شلون هذول اليطلعون بالتلفزيون  طلع الدكتور كال صاير عنده تخثر بالدم وجامد الدم بشاريينه نريد نلكاله وريد مااكو شماخذ هوه  ..

زمرد دكتور جانت عنده صخونه واخذ علاج صار شويه زين وراح للطبيب مااعرف شنو منطي اجه جسمه كله عركان ومايحجي وتخربط..

رجع الدكتور للغرفه اباوعلهم زرفو ايده تزرف باالابر يريدون يخلوله كانونه بس مايلكون الوريد ..
دموعي تجري واباوعله...
اخر دخل دكتور لزمه من رجلينه وشاله وركعه ع السرير نفض جسمه نفض وشكله كانونه  ..
شويه شويه كام يستجيب للعلاج
من شفته فتح عيونه  ..
نزلت سجدت سجده شكر لرب العالمين ودموعي تجري حسيت فقدته وبعد ماشوفه بس الحمدلله الحمدلله ربي استجاب دعائي  ..

دخلنه يمه والدكتور واكف يفحص النبض مالته...
الدكتور لازم تنتبه مره ثانيه اكثر للعلاج التاخذه انته ضارب ابرة واول شي ابو الصخونه مايصير ينضرب اي ابرة لان ينشمر ثاني شي لابرة الضاربها منتهيه الصلاحيه ثالث شي انته عنده حساسيه بنسلين يعني مايصير تاخذ اي علاج لان يضرك  وصار عندك تخثر بالدم وخربطه بدكات القلب زين ماضربتك جلطه  ..

الحمدلله عدت سلامات هذه العلاج تلتزم عليه وعتدك العافيه.
طلع الدكتور واني حضنت راسه ع صدري حييل  ..
زمرد لو صايرلك شي امووت والله امووت ليش هيج تخوفني عليك ليشش...

سلطان لا تخافين صرت زين  ..
ضليت كاعده يمه وابو راح جابله اكل والعلاج ضلينه ساعتين وطلعنا من المستشفى رجعنه للبيت لكينه عمتي كاعدة بمكانها باب المطبخ وتبجي  ..