حروف خرساء

البارت الثامن

(حروف خرساء)
#Akbal_Mahameed
&&&&&&&&&&&&&

دخلت كبل للصاله انصدمت نسوان كاعدات  ..
ارتبكت سلمت عليهن وطلعت  ..
جانن مريه جبيرة ويمها بنيه تطلع بالعشرين وصفا اختي  ..
اجتي صفا وراي  ..

زمرد منو هذول النسوان   .

صفا اهل سيد سلطان  ..

زمرد وشرايدين ..

صفا  جايين يخطبوج يعني شيردون..

زمرد عزااا ومنو كله اني موافقه  ..

صفا  شنو ليش ماتوافقين ممكن تنطيني سبب  ..

زمرد تعرفين السبب ماحاجه احجي ..
عفتها وصعدت لغرفتي ابدل بس ماعافتني  ..
صعدت وراي  .
صفا ولج زمرد لشوكت تبقين رعنه وماتعرفين تتصرفين ولج رجال ماناقصه شي ضابط وسيد وحلو وسمعته ذهب ترفضينه علمود اسامه الكاضيها احبج ومشتاقلج ولج مو هوه الضربج وغصبج وراد ياخذ شرفج  ..

زمرد معليه كتلج ماريد كولي الامي اني رافضه واسامه كالي اخطبج بس تمر فتره لان خاله متوفي هالايام...

صفا وانتي صدكتي يالغبيه يالثوله ولج هذه ياكل بعقلج حلاوة ولج عشم ابليس بالجنه يخطبج تدرين هذه ليش مايخطبج لان يشوفج مو شريفه بعينه بسبب تصرفاتج وياه الرجال ماياخذ وحده اشهر تطلع وياه لمكتبه ويتقرب منها ماياخذ وحده راد ياخذها ويكسرها ورجعت وياه طبيعي  ..

زمرد صفااا انتي تدرين كلش زين سويت هيج من حبي اله وطعته بكلشي لان احبه هذه مو يعني اني مو شريفه  ..

صفا ولج غبيه اني ادري بيج من حبج بس هوه مايكول من حبها اليه لا الرجال يكول هيه عاجبها ومتونسه هيه بايعه شرفها راح يصير ثلاث سنين انتي وياه ومايخطبج ليش لان يشوفج بايعه  ..

زمرد عووفيني عوووفيني ااريد ابقى وحدي وافكر  ..
نزلت وعافتني كعدت ع السرير وحضنت رجليه لصدري افكر بكلام صفا فعلاً اسامه كام يتهرب من خطبتي ويتحجج واخر حجه اله خالي متوفي ومااكدر اخطبج  ..
اخذت موبايلي خابرته  ..
جاوبني بعد وقت  ..

زمرد الووو  .

اسامه هلاا حبيبتي شلونج...

زمرد زينه وانته..

اسامه الحمدلله حبيبتي شبيج اشو صوتج مادري شلونه  ..

زمرد اكلك اسامه...

اسامه هاا حياتي انتي كولي  ..

زمرد اليوم خطبوني ناس  ..

اسامه اهاا وشنو رائيج بله  ..؟؟؟
زمرد مااعرف انته شتكول  ..؟؟؟

اسامه حبي اكيد ترفضين  ..

زمرد  وليش ارفض..؟؟!!

اسامه لعد توافقين وتعوفيني  ..؟؟