حروف خرساء

البارت الرابع والعشرون

(حروف خرساء)
#Akbal_Mahameed
&&&&&&&&&&&&&&

همه يتصايحون وسلطان يصيح مرتي ماتطلع وصفا تصيح اخذها مابقيها يمك  ..
حسيت راسي راح ينفجر وافترت بيه الكاع وكعت  ..
وييين صحيت كلهم يم راسي الرؤيه مو واضحه عندي بس ميزت بين الواكفين صفا وسلطان ورجال غريب شويه شويه وضحت الرؤيه الرجال هذه دكتور  ..
ويمه دكتورة  ..
حجت الدكتورة  وية سلطان  ..
الدكتورة زوجتك عدها خفقان بالقلب والصراحه تعجبنه انو عدها خفقان وهيه صغيرة بالعمر  ..
وعدها فقر دم حاااد بسبب قله الاكل وعدها نقص فيتامين D3
لازم تنتضم دقات القلب يله تكدر تسويلها عملية لان مو زين عليها البنج خطر ع حياتها مدام عدها خفقان  ..طلعت الدكتورة  ..
وهو كعد ع القنفه اليم سريري صفا تبجي وهو يدخن ونفسه عالي  ..

لزمت ايد صفا يمكن مااحست عليه كعدت لان جانت مركزة ويه الدكتورة  ..

صفا هاا زمرد حبيبتي شلونج هسه  ..

هزيت الها راسي ماحجيت شي..
كام هوه بسرعه كعد يمي وسحب ايدي بين ادي  .

سلطان حبيبتي زمردة لا تخوفيني عليج يروحي  ..درت وجهي عنه مو حابه اشوفه  ..

شويه واجتي الدكتورة كالت تكدرون تطلعوها  ..
اجه سلطان يريد يكومني دفعته بسرعه ولزمت بيد صفا  ..

سندتني وطلعتني اخذني لبيت صفا مادري شنو القنعه  ..
ردت انزل..

صاح زمرد ضلت واكفه بس ماباوعت علي  ..
سلطان هذه مصرف الج ارتاحي يم ام علاوي كم يوم  ..

زمرد ماريد منك شي بس جافيني شرك  ..

عفته دخلت ويه صفا  ..

دخلتني للغرفتها تمددت وهيه جابلتي دشداشه منها وبدلتلي  ..

صفا راح اسويلج تريوك تريكي علمود تاخذين العلاج  ..

زمرد ماااريد تعلب نفسي بس اكل..

صفا لا جابلج سلطان علاج للعبان النفس  ..

جابت علاج اكو قبل لاكل اخذت منه وسوتلي ريوك تريكت  ..

زمرد اريد اروح لبيت اهلي  ..

صفا ارتاحي هسه يمي ونوديج اني وحسين تدللين 

زمرد خايفه  ..

صفا من شنو  .

زمرد من رده فعل إبراهيم اذا عرف اريد اتطلك  ..

صفا مايحجي لا تهتمين المهم صحتج عوفي كلشي واهتم بصحتج  .

سكتت  .

العصر اجه حسين سلم عليه واني انتقلت لغرفة الخطار  ..
ثاني يوم اجه سلطان يريد ياخذني ماطلعتله اصلا وكلت لصفا مااريد اشوف وجهه  ..