حروف خرساء

البارت التاسع

(حروف خرساء)
#Akbal_Mahameed
&&&&&&&&&&&&&

بيومها باتن يمي بالغرفه خواتي  ..
ثاني يوم الصبح كعدت ورحت للمدرسه ماشفته مااجه ارتاحيت لان جانت خوفه بكلبي منه  ..

وره ايام رحت لبيت عمي بصفنه دخلت لكيت ابراهيم اهناك ايي هوه سكن بيت عمي من خطب بنين بنت عمي...سلمت ع الكل وكعدت بالغرفه مال البنات اني ونغم ورهف  ..
احب بنت عمي نغم كلش حبابه وهادئه تزوجت من كرايبنه بس تطلقت بسبب موضوع الاطفال اربع سنين ماصار عدها وزوجها راد يتزوج وهيه رفضت تنزل عليها ضره لان مو منها السبب ولا عدها مشكله تمنع الحمل  فطلبت الطلاق  ..وتطلقت  ..

نغم زمرد ليش مادخلتي علمي  ..
زمرد صعب واني مااحبه....

نغم لج لو داخله علمي ودخلتلج كلية زينه..

زمرد لا الادبي هسه صح صعب بس زين وحابته..

نغم الله يوفقج حبيبتي  ...

زمرد تسلميلي  ..

نغم لج صدك خاطبج صديق ابو علي  ..

زمرد عفيه خبر ماينضم...
نغم هههههه كالتلي صفا تكول الثوله طيرته  ..

زمرد شسوي ماكو قسمه  ..

نغم يله خيرها بغيرها  ..

زمرد والله هسه ماعندي غير دراستي اكمل واتخرج يله افكر بالزواج والرتباط  ..

نغم احسن شي  ..

ضليت يمهم للعصر من اريد اطلع شفت خضر  ..
سلم عليه رديت السلام...

خضر زمرد اريد احجي وياج شويه..

زمرد تفضل احجي  .

خضر تعاي لغرفه البنات ماكو احد ماترهم اهنا..
مشى واني مشيت وراه...
دخل وسد الباب اني فزيت هذه ليش يسد الباب..
زمرد شكو ليش سديت الباب  ..

خضر شبيج ليش خايفه  ..
زمرد مخايفه بس بس عيب تسد الباب واني وياك وحدنه  ..

خضر زمرد اني ابن عمج واخاف عليج والصراحه اني رايدج واريد اتقدملج  ..

دنكت اريد اجمع الكلمات علمود ارد علي لان توترت كلش مجاي اجمع كلام...
زمرد خضر اني ماريد ارتبط لو اتزوج هسه  ..

خضر زين ليش  ..

زمرد انته خوش ولد وحباب بس اني اريد اكمل دراستي...