انا وانت يساوي

الفصل ٥

جامعه القاهره كليه الآداب
أكرم: آنسه مرام!
مرام: افندم
أكرم: روحي مكتب دكتور سامر واسأليه فين الورق اللي انا كنت طالبه منه
مرام: حاضر ... بس فين مكتب دكتور سامر
أكرم: هتلاقيه جنب مكتب الادارة بتاعت الكليه اسألي هناك وهما هيقولك
مرام: تمام يا دكتور ... عن اذنك
وصلت مرام لمكتب دكتور سامر ولاقت فيها ......!
-انتي تاني؟ وجايه ليه المره دي؟ مع الاسف مش في ايدي ملفات توقعيهالي تاني
مرام بغيظ: ومين قال اني بادور عليك اصلا يعني! ايه الثقه دي!
-اومال جايه ليه؟
مرام :جايه اقول لدكتور سامر انه دكتور أكرم بيسأله عن الملفات اللي طلبها منه.... لما يجي ابقى اقوله انه محتاجها ضروري ... عن اذنك يا كابتن!
-كابتن!!!!! لا لا لا بقى دي البت دي مجنونه رسمي
فجأة ابتسم بمكر واخد ملف من على المكتب وخرج
-لما نشوف المفاجأة دي هتعجبك ولا لا يا مجنونه هانم ههههههههه
-------------
فريده: هند دودي!
هند بنبره حزن: ايوه يا فريده
فريده: مالك يا بنتي؟ بقى حد يبقى قاعد قدام مسريحه العيال كبرت ويبقى ضارب البوز دا كله !
هند صامته لا تجيب شارده في عالم آخر ...
فريده بقلق: فيه ايه بس يا هند؟ ايه اللي جرا؟
هند:امك وابوكي مش هينزلوا السنه دي كمان! ماما اتصلت قبل ما تيجي علشان تقولي كدا
فريده باحباط: اكيد حصل معاهم حاجه تاني!
هند: انتي مقتنعه باللي بتقوليه؟ دول هيبقوا 6 سنين!
فريده : يعني في ايدينا ايه؟ ما تحطيش الموضوع في دماغك وربك يسهلها .. الا صحيح ! انتي لسه ما لاقتيش شغل؟
هند بتنهيده: لا ...ما بينلهاش شغل اصلا
فريده:ليه الاحباط دا بس يا بنتي ... واحده خريجه ادارة اعمال بتقدير امتياز ومش هتلاقي ازاي؟ ... هتلاقي ماتخافيش ربك موجود
هند: ونعم بالله
فريده بهزار: ايه رأيك بقى اعملك انهارده حتت صنيه مسقعه باللحمه المفرومه من بتاعتي دي اللي تخليكي تاكلي صوابع ايدك ورجلك وراها
هند بضحكه: صوابع رجلي ايه يا منيله جاتك القرف
فريده: طب الحق عليا يا ستي كفايه ايدك.... يلا قومي بينا نجهزها قبل ما مرام المفجوعه تيجي وتاكل صوابع رجلي ورجلك اللي مش عجباكي دي
هند:هههههههههه اه والله معاكي حق
----------------
مرام في المكتب تعمل وتقوم بتنظيم بعض الملفات
-أكرم موجود؟
مرام تنظر له باستغراب: اسمه دكتور أكرم يا كابتن ...وبعدين عايزه في ايه؟
يخرج أكرم من المكتب في تلك اللحظه
أكرم: أهلاااا بسموره حبيبي
سامر بابتسامه صادقه:اهلا بيك يا عم ..... مش بتسأل غير علشان شغل بس ها !
أكرم: لا طبعا ... بس انت عارف مشغول اد ايه
سامر: عارف طبعا
أكرم: اللي في ايدك اكيد الملف اللي انا عايزه صح؟... طب تعالا ندخل المكتب نتكلم شويه ونشرب حاجه مع بعض علشان ما تقولش شغل بس !
سامر :ههههههه ماشي يا سيدي يلا بينا
دخل أكرم مكتبه وسامرلاحقا به لكن قبل أن يدخل سامر ويغلق الباب خلفه نظر لمرام نظره شماته وتشفي قائلا: كابتن ها؟ لما نشوف مين اللي كابتن يا ... آنسه ! هههههه
ظلت مرام في صدمتها حتى سمعت صت اغلاق الباب وكانت تشعر بالغيظ الشديد من كلماته الاخيرهوتسرعها! هو فيه دكتور كدا يا ربي! ... هو دا منظر دكتور اصلا! ....وله في خلقه شئون هههههه
-------------
-انتي ازاي تخونيني بالشكل دا !!! ... انا كنت باعاملك احسن معامله! ..وبتاخدي مرتب احسن من احسن سكرتيره تانيه! وفي الاخر تسربي اسرار الشركه وشغلي لشركات منافسه!
السكرتيره بتوتر: انا .. انا .. انا
أحمد بنرفزه: انتي خاينه ! وانا مابشتغلش مع ناس خاينه! ولولا انه والدك كان راجل محترم وخدم الشركه بعينيه قبل ما يموت انا كنت بلغت عنك و وديتك في ستين داهيه! بس انا هاكتفي بطردك بس!
سهيله تنهار في نوبه بكاء شديده: بس يا استاذ احمد .. مش هاعرف اعيش ولا ااكل اخواتي
أحمد: كنتي فكرتي في كدا قبل ما تعملي المصيبه اللي عملتيها ! انتي باللي عملتيه دا خسرتي الشركه خساره كبيره! الشركه اللي بتأكلك انتي واخواتك علشان كام مليم هيرمهوملك ومش هتلحقي تتمتعي بيهم لانك هتلاقيهم اتبخره ! دا المال الحرام يا استاذه .... اخرجي بره دلوقتي وما اشوفش وشك تاني هنا ولا حتى تعدي من قدام باب الشركه !
خرجت سهيله وهي منهاره في عياط هستيري وندمانه على اللي عملته بس "ماذا يفيد الشاه سلخها بعد ذبحها؟" .. يقابلها عند الباب أكرم وهو يستغرب من بكاءها بهذه الطريقه والصوت العالي الذي سمعه ودخل لاخوه
أكرم وهو بيشاور ناحيه الباب الذي خرجت منه سهيله: هي مالها دي؟
أحمد وهو يرمي نفسه على الكرسي ويتنهد بشده: سربت اسرار الشغل للمنافسين فطردتها
أكرم بصدمه: سهيله!!! انت متأكد !
أحمد بعصبيه: اومال هاتبلا عليها مثلا يعني!؟ ما اكيد ما اتهمتهاش غير لما اتاكدت!
أكرم: طيب هدي نفسك .. انا بس ما توقعتش انها هي تعمل كدا
أحمد : ولا انا ... بس اهو دا اللي حصل
أكرم: طب وهتعمل ايه دلوقتي؟
أحمد: ابدا .. هاشوف سكرتيره غيرها واحاول اعوض الخساره اللي اتسببت فيها !
أكرم: وانت هتلحق تلاقي سكرتيره جديده امتى؟
أحمد: اي سكرتيره من اللي ماليين الشركه لحد لما الاقي حد اثق فيه! وكويس انه بكره الجمعه اهو يبقى فيه مهله اكبر عقبال ما اتصرف
أكرم: الله يعينك بصراحه ... انا هابقى اشوفلك الموضوع دا ركز انت في شغلك وانا هاشوفلك سكرتيره كويسه... بس صحيح عرفت منين انه هي اللي سربت المعلومات؟
أحمد: ابدا هي الوحيده اللي بتعرف اهم الامور .. وبعدين لما بدأت اشك بقيت اقولها حاجات غلط ومش باقولها لغيرها واكتشفت انها بتقولها بالظبط لشركه المنافسه
أكرم :ههههههه اه يا ابن الاروبه ... لا لا صحيح من عيله السويفي
أحمد:ههههههه اومال ايه يابني؟ اومال هادير الشركه دي ازاي واحافظ عليها؟
أكرم: ماشي يا عم المدير يلا نروح بقى لاحسن انت شكلك اتهديت وانا هاموت من النعس!
أحمد: تمام يلا بينا
------------
مرام وهي تضع يدها على معدتها وهي جالسه مع اخواتها امام التلفزيون يشربون القهوه بعد تلك الوجبه الدسمه!
-الله تسلم ايدك يا فريده بجد ... دي كانت حتت صنيه انما اييه لووووز!
فريده:ههههههه بالهنا والشفا يا ستي
هند وهي تغيظ مرام: هههههههه انا يدوب لحقت دوقتها مش عارفه كدا يا فريده كان فيه زي ما تقولي مجاعه الصومال قاعده معانا خلصت الاكل كله مسافه ما اتحط!
مرام بمسكنه: ما انا باروح الجامعه باحضر محاضرات واشتغل مع دكتور أكرم ويدوب باللحق اصبر نفسي بسندوتش
فريده: قال سندوتش قال ... دا مش بعيد لو روحت الاقي الكافيتريا من غير اكل اصلا والناس بيدوروا على الكائن اللي خلصه كله!
هند:هههههههههه كائن هلامي يتغذى على اي حاجه .. مش بعيد تقوم في يوم ما تلاقيش اكل تروح وكلانا احنا!
مرام: هاهاهاها ... طب ابقي حرصي على نفسك يا شاطره
هند:ههههههه ماشي يا مفجوعه
فريده بجديه: مرام بجد لو الشغل تعبك بلاش منه ... انتي مش مضطره عليها يعني للدرجه دي
مرام: لا لا انا مرتاحه كدا وباخد خبره كمان
فريده: طيب .... بس لو اضيقتي منه في يوم سيبيه ولا يهمك
مرام: ما تقلقيش عليا .... هو ماما اتصلت انهارده يا هند؟
هند باندهاش: وانتي بتسأليني انا ليه؟
مرام: لا ابدا اصلك يوم ما بيتصلوا بتبقي مش على بعضك
هند: انا؟ ابدا .. عادي يعني
مرام: مش هينزلوا السنه دي كمان صح؟
نظرت كلا من هند وفريده لبعضهما لا يدرون بماذا يجيبون على مرام
مرام بسخريه: ما ترودوش انا عرفت الاجابه خلاص نفس الاجابه اللي سمعتها 5 مرات قبل كدا ودي السته .... خلاص اتعودت... انا هادخل انام بقى تصبحوا على خير ... واه على فكره هانزل بكره فيه شغل دكتور أكرم عايزنا نخلصه
ودخلت مرام غرفتها وتاركة اخوتها بلا حول ولا قوة لا يعلمون كيف يتصرفون او يخففون عنها ما تشعر به لانهم جميعهم وبدون استثناء لديهم نفس الشعور من الفراغ وقله الحيله ولكن يختلفن فقط في ردود الفعل... فقد فهموا من حديثها انه ان والديهما لم يعودوا يهموها في ولم تعد مهتمه اذا عادوا ام ذهبوا... لكن لو كانوا فتحوا عليها الباب في نفس اللحظه اللي دخلت فيها حجرتها كانوا رأوا..... انهارا وليست مجرد دموع لفتاه منذ كانت في الصف الثانوي ومازالت بضفائرها لم ترى اهلها وتشعر بشعور الايتام يتيمه بالرغم من انها ليست بيتيمه!
-------------
مرام: صباح الخيريا دكتور
أكرم: صباح النور ... اسف اني نزلتك يوم الجمعه ... بس انتي عارفه عايز اخلص بقى
مرام بابتسامه: لا ولا يهمك يا دكتور ... انا مبسوطه بشغلي مع حضرتك
أكرم: طب تمام .... قبل ما نبدأ باي شغل عايزك تتصلي بمكاتب التوظيف وتطلبي سكرتيره
مرام بفزع: هو انا ضايقت حضرتك في حاجه
أكرم ناظرا لها مستغربا حاله فزعها : لا ماهي مش علشاني دي علشان أخويا ... اصله محتاج سكرتيره جديده
مرام براحه: اااه ... طيب ليها موصفات معينه؟
أكرم بعد تفكير : اه تكون أمينه.. محترمه ..تهتم كويس بشغلها واهم حاجه تستحمل الشغل مع اخويا لاحسن دا عامل زي التور المربوط في ساقيه وتستحمل عصبيته
مرام:حاضر هاتصل بيهم فورا
لكن الا تناسبه هند ؟ ماهي ليها في السكرتاريا ونفسها تشتغل وبعدين هو هيلاقي زيها فين دي؟ ... اتصل بيها اسألها؟ ... هترفض انا عارفه دماغها زي القفل .. انا هادبسها دا احسن حل
طرقت مرام مكتب أكرم ودخلت تاركه الباب مفتوح كالعاده
أكرم: اتصلتي بيهم؟
مرام: بصراحه لا
أكرم باستغراب: ليه؟
مرام: اصلي مش محتاجه اتصل بيهم ... انا عندي واحده جاهزه
أكرم: بجد؟ مين؟
مرام: أختي ... هند
أكرم: أختك؟
مرام بحرج: ايوه ...اختي متخرجه من سنه من ادارة أعمال بتقدير امتياز دا غير الكورسات اللي كانت بتاخدها وانها ادربت فتره في مكتب بس سابته لانه ما عجبهاش نظام الشغل
أكرم: ما شاء الله ... تمام هاكلم أحمد وأحدد معاه معاد
مرام بفرحه: تمام
اتجهت مرام للباب مغادره الغرفه وما كادت تغلق الباب خلفها حتى....
أكرم: مرام !
مرام: ايوه يا دكتور؟
أكرم: انتي ليه بتقفلي الباب وانتي خارجه بس بتسبيه مفتوح لما تدخلي
مرام: علشان أنا وحضرتك ماينفعش نقعد سوا في نفس الاوضه والباب مقفول علينا ... الرسول عليه الصلاة والسلام قال (من كان يؤمن بالله واليوم الآخر فلا يخلون بامرأة ليس لها محرم فإن الشيطان ثالثهما)
أكرم: صدق رسول الله صلّ الله عليه وسلام .... بس انتي يعني ...
وعجز عن اكمال جملته وشعر بالحرج من فضوله وتدخله في ما لا يعنيه !
مرام بابتسامه متفهمه: علشان لبسي يعني وشعري ما توقعتش انه اعرف اوامر الرسول ؟.... بس معاك حق ازاي اعرف اوامر الرسول وربنا وما انفذهاش.... انا ممكن البس الطرحه زي ما فيه بنات كتير عامله بس عن عدم اقتناع وراحه هالبسها بس تنفيذ اوامر مش اكتر مع احترامي انها اوامر ربنا بس انا عايزه انفذها وانا راضيه علشان لما البسه البسه صح يعني ما البسوش على كم واروح اشمره ولا ابين قصه من شعري ولا البسه على بنطلون ضيق الخ من اللي حضرتك اكيد بتشوفه فانا عندي افضل من غيره احسن ما اعمل اللي باقي البنات بيعملوه بيلبسوه موضه مش اكتر ... عن اذنك
خرجت مرام وأكرم مندهشه من طريقه تفكيرها .... وانا اللي كنت فاكر انك تافهه زيك زي باقي البنات ؟... ما انت كنت فاكر انها مش هتعمر معاك ومش هتستحمل الشغل معاك هتطفش منك ! ... جت على دي؟... شكلك يا مرام كلك اسرار وهاعرف عنك حاجات اكتر واكتر لما نشوف ايه اللي وراكي يا مرام هانم !
-------------
-انتي بتدبسيني يا مرام هانم ولا ايه!!!!
مرام: تدبيسه؟ بقى الشغل مع أحمد السويفي في مجموعة شركات السويفي دي تدبيسه؟ .... دي تبقى أحلى تدبيسه اصلا!
هند: ايوه تدبيسه لما تحددي المعاد معاهم من غير ما اعرف حتى تبقى تدبيسه! ... وكمان سكرتيره يا مرام!
مرام: ومالها السكرتيره؟ هو انتي هتبقي سكرتيره اي حد؟ دا انتي هتبقي سكرتيره أحمد السويفي صاحب ورئيس مجلس ادارة مجموعه السويفي!
هند: سويفي سويفي ... انا لا يهمني سويفي ولا بتاع سويفي على نفسه مش عليا !... ومش هاروح المقابله !
مرام وهي تسترضي هند: كدا يا هنوده هتكسفيني قدام الدكتور بعدم مرواحك دا !
هند: وانا مالي يعني؟ ... ما انتي اللي دبستيني مش انا اللي حددت المعاد معاه اصلا !
مرام بخبث: خلاص براحتك ... بس انتي اللي هيبقى شكلك وحش
هند: ويبقى شكلي وحش ليه بقى ان شاء الله ؟
مرام: اصل انا قولتله انه قولتلك وانك انتي اللي حددتي المعاد وطبعا لو ما روحتيش هيقولوا مش ملتزمه بمواعيدها ومش بتتحمل المسئوليه !
هند وهي تكاد تنفجر من الغيظ: كمااااان يا مرااام ! انتي زودتيها اوووي
فريده تحاول امتصاص غضب هند: خلاص يا هند روحي شوفي الشغل يمكن يعجبك
هند: انتي كمان يا فريده؟! يعني بعد كل الكورسات والدراسه اللي تعبت فيها ... ابقى سكرتيره؟
فريده بهدوء: ومالها السكرتيره يعني يا هند؟ مش شغلانه محترمه بردوا؟ وبعدين ما انا اهو خريجه طب بيطري وباشتغل في مكتبه فين المشكله يعني مادام شغل محترم وكويس؟ .. وانتي جربتي تشتغلي شغلانه بشهادتك واديكي شوفتي الشغل كان ماشي ازاي ورشاوي تحت الطربيزه وحاجه ما عجبتكيش ... جربي دا يمكن يعجبك انتي مش خسرانه حاجه
مرام: ايوه فريده معاها حق جربي بس
هند بتنهيده: طيب لما نشوف أخرتها.. والمعاد امتى بقى يا ست هانم
مرام بتوتروهي تخفي وجهها خلف احدى الوسائد: احم احم ... بكره الصبح الساعه 8 ونص
هند لم تستطع امساك اعصابها اكثر: نعم ياختي!!!!! بكره ايه؟!
مرام: بكره الصبح
هند: لا لا انتي بتستهبلي رسمي !
مرام: ليه بس؟ انتي معاكي سي في جاهز علشان لما بتدوري على شغل وانتي مش هتحتاجي اكتر من كدا
هند: صبرني يا رب !!
فريده بضحك: ههههههههه احنا لينا الجنه بسببك يا مرام
مرام:ههههههه عدوا الجمايل بس
هند بمكر: هاعدها ... بس هاعدها على جتتك يا حبيبتي
مرام : لالالالالالا حرااااام
ركضت مرام الى غرفتها قبل ان تمسكها هند ... بس على مين الاكل دا نقطه ضعف مرام اللي كلهم عارفينها وعرفوا يطلعوها بيها... وهند عدت عليها كتير تقريبا خلصت عد لحد البليون ... طلعت جمايل مرام كتير اوي بصراحه