يوم الخطوبه
نبا.. ولج بنين وين الفستان الماروني مالتي الجديد
بنين.. بل كنتور يمج
نبا.. ها اي لكيته
رسل.. بنات يله تعالن اتغدن صار الغده
بنين.. لا ما اكل اني حتى ابين ضعيفه
نبا.. حتى اني ما اريد ما اشتهي
رسل.. ماشي
نبا.. صار الغده الخطار راحو اتغدو وكملو وحنه نضفنه البيت كله صارت الساعه بل ٢ رحت لغرفتي طبيت للحمام اخذت شور وطلعت لبست فستان لون ماروني قصير وبي حزام اسود ومن يم الصدر بي شذر اسود خليت مكياج سموكي وتسريحه ناسكه طلعت اجنن وبنين لبست فستان لون وردي وبي شذر ابيض من يم الصدر سلفي من وره طويل ومن كدام قصير ورسل لبست فستان لون ذهبي وزينه لبست ثوب قصير لون بصلي طلعن حلوات
بنين.. ماشالله طلعتي تخبلين
رسل.. ولج تجننين
زينه.. والله شدعي على علي لان ما اخذج
نبا.. هه حبيبتي اني ما يهمني علي اخوج نشالله الكه واحد احسن منه
رسل.. نشالله
بنين.. بنات غيرن الموضوع ماشاالله كلنه حلوات طلعنه
رسل.. اي والله
نبا.. لعد العروس وين
رسل.. العروس بل صالون
زينه.. يله بنات انزلن اجوي الخطار عيب نضل هنا
البنات.. اوك
نبا.. نزلت اضحك وسولف ويا البنات رحنه للديوان لكينه جدي وبيبتي وعمامي وعماتي والكل رحت لجدي بست ايده ولبيبتي سلمت على عمامي وعماتي وكعدت
ام علي.. يمه فدوه تخبلين حبيبتي الله يحميج
نبا.. شكرا خاله حبيبتي
الجد.. ولج كبرانه
نبا.. جدو قابل صغرانه غير اكبر
الجميع... هههههه
نبا.. الف الف الف الف مبروك علوش ابن عمي الغالي نشالله يوم اشوف ابنك
علي.. الله يسلمج يا بت عمي
ام علي.. يله بنات خلي نروح لهل العروس
رسل.. ههه اني شردت من اهلي وهسه اردلهم
نبا.. رحنه لبيت العروس شفت رند كاعده وتضحك بغرور لابسه فستان ازرق ومكياج طوخ مو حلوه رحت سلمت عليها ورحت كعدت بدن البنات يركصن اجتي بنين جرتني من ايدي ورحنه نركص الحد ما عقدو علي ورند كامو يهلهلون دخل علي وعينه عليه ما هتميت لابس الذهب لي رند وقطعو الكيكه وشربو شربت وطلع كمنه نركص شوي وكالو راح نروح لبست عبايه سلاميه وشال وطلعت شفت علي وعمو فهد وبابا وعمامي الباقين واكفين رحت يم عمو فهد حضنته وكال
فهد.. شلونج حبيبتي
نبا.. تمام
فهد.. طالعه عروس
نبا.. ههه شكرا ركبنه بل سياره مالت بابا اني وماما وبنين والباقين اتقسنو بغير سيارات ركبنه ونطلقنه للبيت وصلنه للبيت نزلت رحت لغرفتي تعبانه طبيت للحمام اخذت شور وطلعت لبست دشداشه قصيره لون وردي شسورت شعري ورحت للسرير مددت ونمت بعد ما حسيت بشي غير بي اصوات عاليه كعدت مخروعه شفت الساعه بل ٦ الصبح شربت مي ورحت بدلت لبست تراك ونزلت شفت كاعدين الكل يتعاركون جنت واكفه يم الدرج ما شافوني
فهد بصياح.. لا تنسه هيا مو بتك واني مو عمها فا اريد ازوجها
ابو نبا... مو بكيفك سمعت
الجد.. كافي شبيكم
فهد بصياح.. نبا مو بتكم واني اريد ازوجها
نبا ..من سمعت هيج وكعدت وبعد ما حسيت بشي
ابو نبا.. نبا نبا حبيبتي نبا
فهد.. نباوي حبيبتي اكعدي ولج بنين امشي جيبي مي
بنين.. رحت للمطبخ جبت مي واجيت اطيته
فهد.. كمت ارش على وجها مي وصحت
نبا ببكاء.. يعني اني مو بتكم اني بتمن ها كولولي بتمن اني
ابو نبا.. لكيتج بل باب مالت البيت واخذتج حسيتج مثل بنتي الله شاهد
نبا.. اهى اهى وين اهلي ها وينهم كولو
فهد.. حبيبتي نباوي ما نعرف اهلج احنه يا روحي كافي بجي يله امشي اكلي حتى اصيرين زينه
نبا.. رحت لغرفتي قفلت الباب وكعدت بل كاع او الارض ابجي ليش وين اهلي وين ليش تركوني وحيدي ضليت ابجي الحد ما تعبت ونمت على الارض حسيت واحد شالني وخلاني على السرير
نبا.. لا تتركني حباب
فهد.. لا يروحي ما اتركج
نبا.. نمت واني بحضنه ما حسيت بعد
فهد.. فتحت باب غرفت نبا وشفتها نايمه شلتها هيا حست خليتها على السريروكالت لا تتركني اني كيفت ونمت يمها
بليززز اريد تصويت ☑
