#عشك الصغيرونه
#للكاتبه: الخفاجيه
★★★★★★★
لوجين:بربج يعني راح تجين ويانه
اميره:اي اسبوع وارجع
ريام:اوك لعد احنه بعد 4 تيام ونرجع للعراق وانتي ويانه
ملك:والله هواي فرحت اخيرن راح ينور البيت وتكتمل جمعتنه
اميره:اي والله يله راح اكوم اسوي قهوه كمنه كلنه للمطبخ سويت قهوه وكعدنه نشرب سهرنه لي 3 الصبح سوالف وضحك بعد سنوات التقيت بيهن وانجمعنه شكد حلوه المه هاي كمنه نمنه لان كلنه نعسنه كعدت على صوت أيسل تبجي كمت شبيج يا ماما ليش تبجين شفت وجهه احمر دسته مصخنه كمت سويتلها كمادات شفت الساعه با 5 ميته من النعاس ما نمت بس ساعتين ضليت لي 7 اسويلها كمادات اله فكت اصخونتها كمت سويت شوربه الها وكعدت اوكلها كملت ونومتها ونمت ابصفها بدون ما ادري
ملك:وين اميره ولجن شو ماهيه بفراشها
لوجين:مدريني خاف راحت للشغل
ملك:ما ادري
ملك:طبيت لغرفت بنتها شفتها نايمه يم أيسل فدوه يخبلن اشلون نايمات سديت الباب وطلعت
لوجين:ها لكيتها
ملك:اي نايمه يم أيسل
لوجين:شوداها يمها
ملك:شعرفني
اميره:كعدت راسي يوجعني ما نايمه عدل بست بنوتي الحلوه وكمت غسلت وطلعت شفت البنات كاعد يتريكن صباحوو
ريام:صباح النور
لوجين:تعالي اتريكي ويانه
اميره:ليش ما كعتني اسويلجن ريوك عيب انتن ابيتي ولازم اقوم بواجبجن
لوجين:انجبي قابل احنه غرب بعدين انتي نايمه كلنه خطيه نكعدج
اميره:عمري انتي كعدت اتريك وياهن كملنه غسلت لماعين وكعدنه نباوع فلم اجنبي ملينه كمنه طلعنه احنه والجهال افترينه ورحنه للملاعيب صارت با 7 بليل رحنه اتعشينه بالمطعم مرن هل 4 تيام كله طلعات وونسات جهالي فرحانين ومكيفين بوجود البنات لان جنه بس احنه 3 ويملون ماكو صوت وضحك فا من اجنه لعبو لعب عبالك ما شايفين بشر ابد قبل يوم من السفر رحنه للسوك اشترينه ملابس وغراض لان راح نسافر وحضرت اكل خاف نجوع بالطياره وحضرت جنطتي وجنط جهالي وسافرنه ودعنه السويد
لوجين:يااااي متحمسه والله
اميره :خايفه احس اول مره راح اشوف العراق
ريام:احنه وياج لا تخافين يله شدي حيلج
اميره:نمنه با الطياره كلنه لان جنه تعبانين ونعسانين حسيت على الناس كاعد تنزل كعدتهن ونزلنه شفت العراق وترابه اويلي ردت اتخربط بوكتها والله شبعت بجي
لوجين:ولج شمالج ليش تبجين
اميره:مدريني اريد ارجع للسويد ما اريد اضل هنا
ريام:اميره اهدي شبيج احنه وياج
اميره:خاف ياخذون جهالي خايفه
ريام:انجبي محد ياخذ جهالج يله كومي وما عليج صيري قويه بعدين ما راح يعرفون ابد لان ما مبينه اميره القديمه متغيره با العمليه
اميره:شفت جهالي مثل الخايفين كمت حضنتهن وكمت رجعنه لمحافضتي لي جنت احس بيها الامان هسه اخاف منها رجعتلي ذكرياتي يوم هروبي من البيت اشلون عانيت رحنه للبيت شفت بيت جبير يخبل اثاثه
ملك:يله طبي هاذه بيتج مثل ما بيته
اميره:حياتي انتن طبينه ليجوه غرف كبار وصاله ومطبخ هنا انتقلن هنا بهاي المحافظه عافن الحله لان وحيدهن وهم اشتغلن واشترن بيت هنا احسن من هناك غربه عاد هاي محافظتهن ويعرفنهه طبيت غسلت وطلعت بدلت الجهالي وبدلت اني هم جان دنيا ضهر وحاره يمهم سون البنات غده وكعدنه نتغده
ملك:ها ولج شلونه اكلنه
اميره:يجنن خو الثريد يهبللل
ريام:ههههه باالعافيه حبي
اميره:الله يعافيج حياتي كملنه غده ساعدت البنات با الشغل لان جان وصخ البيت شوي كملنه رحت نومت الجهال وكعدت اصفح بالمبايل شفت الساعه با 4 الكل نايم بس اني ولوجين كاعدين رحتلها ولج كومي ضجت خلي نطلع حبابه
لوجين:اوك امشي بدلي ونطلع
اميره:رحت بدلت لبست تنوره لحد الركبه لون اسود وحذاء رياضي ابيض وقميص احمر وشال خليت مكياج خفيف كلش وخذت الجنطه وطلعت
لوجين:شني هل حلى كله
اميره:عيونج الحلوه حب طلعنه رحنه للمطعم طلبنه قهوه وكعدنه نسولف
لوجين:شنو شعورج هسه
اميره:هههههه ما ادري والله
لوجين:هههه مخبله يله اشربي الكهوه ابسرعه حتى انروح نفتر
اميره:كاعد نشرب قهوه ما اشوف اله واحد هوه وبنيه وطفل اصغير اكبالنه داير ضهره علينه صفنت عليه حسيته غزوان من دار وجهه يصيح الكرسون شفته وجانت الصدمه صدك غزوان كمت ارجف من الخوف
لوجين:شبيج اميره شصارلج
اميره بخوف:كومي نطلع ابسرعه
لوجين:ليش شبيج ولج احجي
اميره بصياح:كومي كاعد اكولج بعدين اشرحلج الكل انتبه علينه حتى هوه صد بس راسن طلعت خاف يعرفني اجتي لوجين تركض وصيح عليه
لوجين:ولج اشصارلج اتخبلتي ها شبيج احجي
اميره ببجي:شفته والله شفته كدامي
لوجين:منو اشفتي ولج
اميره:غزوان
لوجين:شنوو ما كلتي ولج جان طيحت حضه
اميره:مو وكت هل حجي يله امشي كمنه نتمشه مرينه من يم منطقتنه كتلها اوكفي لوجين
لوجين:ها وين تروحين
اميره:هاي منطقتي لي عشت بيها وتربيت بيها بين اهلي وناسي وشفت الضيم بيها
لوجين:ننزل لو انروح لغير مكان
اميره:لا اريد انزل يله تعالي وياي نزلنه من السياره الكل صفن علينه همست للوجين ولج خاف عرفوني
لوجين:لا ما يعرفون بس شكلنه غريب ولبسنه واول مره انطب لهل منطقه
اميره:مريت يم بيتنه مدري شصار بيه اذكرت كل ذكرياتي الحلوه وشلون جنه نتعارك اني وامير طلعو بابا وامير من البيت راسن دنكت حتى ما يشوفوني
لوجين:هذول اهلج
اميره بحزن:ايي هاذه ابو وهذاك اخوي لي بصفه مشتاقتلهم اتمنه احضنهم وحجيلهم اصار بيه
لوجين:اوووف كافي لا تبجين ولج ويشكون ونروح بيها اسكتي
اميره:هذاك لي كدام البيت مالتنه بيت غزوان
لوجين:لا بربج
اميره:والله كاعد نمشي ما احس غير صوت امير ورانه خفت لزمت لوجين من ايدها قوي
امير:احم خيتي هاذه مبايلج وكع
لوجين برتباك:ها اسفه خويه
اميره:منزله راسي ابد ما حجيت هوا خله وراح اوووف الحمدلله ولج خفت خاف عرفنه
لوجين:يله امشي ابسرعه بعد ما اتحمل منطقتج اتخوف
اميره:هههههه امشي خيه رجعنه للبيت لكينه الكل كاعد اطفالي اجوي يركضون عليه شلتهن وبوس بيهم
غزل:ها يمه وين راح ابوك
امير:عنده شغل وراح كال ما يطول
غزل:اها اوك
امير:شبيج شو احسج مو على بعضج
غزل:من اختفت اختك حسيت روحي راحت وياها مشغول بالي بيها خايفه خاف صار شي بيها او ماتت الله لا يكولها
امير:لا تخافين عليها اختي ذيب هسه تلكيها سايبه اختي وعرفها
غزل:الله لا يوفقك غزوان دمرت بنتي ازوج واتراح وصار عنده جهال 2 وبنتي ماكو مختفيه صارلها 3 اسنين ما اعرف اخبارها
امير:كله من وره بنتج اختج لي ما عدها كرامه اجتي وفضحتها ولسه يسولفون بختي اختك مو بنيه اختك حامل ببن الحرام وغلط وسب على اميره هذيج ازوجت وهسه حامل وغزوان ازوج وجاب جهال واختي مختفيه لسه كلهم مرتاحين وعايشين حياتهم اله احنه
غزل:شتريدنه ننسه اختك لي ماله اثر ولك هاي بنتي لي ربيتها وتعبت عليها و9 اشهر ابطني اشلون انساها حتى اذا خطأت ماكو بشر ما يخطأ ويتعلم من هل خطأ ولك تبجي وخايفه حاضنتني وتتوسل بيه ما اكول لحد انو هيه حامل تخاف بعدها صغيره عمرها 17 سنه وحامل وكم مره كتلها ذبي تكول ابني ما اكدر اذبه هاذه من لحمي ودمي مثلي ما اكدر انساها وهيه ما تكدر اذب الطفل انته ما هامك بس حجي الناس القال وقيل
امير:بسببها ما اكدر ازوج لحبها لان هيه انفضحت بكل المنطقه
غزل:ولك افهم هيه دموع لو تحبك جان حاربت الدنيا كلها على مود تتزوجك هيه لو تحبك جان وكفت بوجه اهلها وكالتلهم احبه واريده كم مره رحنه خطبنها ورفضو ها وهسه راح تتزوج غيرك وبعدين الزواج قسمه ونصيب كافي اكلت راسي 24 ساعه تحجي على اختك عبالك اختك هيه لي كالت لغزوان اغتصبني وحبلت كمت واني عصبيه تلفت اعصابي وكفت يم باب غرفتها طلعت المفتاح وفتحتها اول ما فتحتها اجاني عطرها لي جان تارس البيت طبيت شفتها نفس ما هيه من يوم الراحت واني اطب لغرفتها انضفها ومرات انام بيها فتحت الشبابيك وعطرتها فتحت الكنتور مالتها اشتم بملابسها اوووف يا بنتي شكد مشتاقتلج خرستج مثل ما خرست اختج لي ماتت جنتي انتي لي سوين جو حلو بلبيت ومن رحتي البيت صار هدوء كعدت على الجربايه وشفت صورتها على الميز لزمتها وبستها انفتحت الباب ودخل امير اجه حضني وباسني
امير: اسف
غزل:ابني حبيبي انته لا تطي قيمه لي ما يستاهل هسه دموع لو صدك تحبك جان واجهت الكل على مودك مثل ما اني وابوك واجهنه الكل وتخطينه المشاكل وكلشي انته بقيت الي بعد ما راحت اختك
امير:احبها والله ما اكدر انساها
غزل:هيه صارت على ذمت ولد عيب تفكر بيها راح تتزوج
امير:نشالله يله كومي جوعان مشتاك الاكلج
غزل: ههه تدلل
اميره:اتعشينه وكعدنه نباوع مسلسل ما نحس غير صوت اسر يصيح صعدت اركض ويا ريتني ما شفت هل منضر واكع من الجربايه وراسه كله دم
يتبع
لا تنسون التصويت
