#عشك الصغيرونه
#للكاتبه:الخفاجيه
★★★★★★★★★
اميره:كاعد اشك بي دموع بيها شي
غسق:اي والله حتى اني ومرات تتصفن وكل ما اسألها شبيج تكول ماكو شي بس مريضه
سمر:واحنه شعلينه با الابنيه سمكن صدك مريضه
غسق:والله ما ادري
يسر:كومن خلي انام صارت با 3 ولجن
اميره:اي اني نعست يل تصبحن على خير
البنات:وانتي من اهل الخير
امير:انتي منو وليش حجيتي وياي
البنيه:والله احبك ليش ما كاعد تحس بيه
امير:خيتي انتي شبيج كتلج شلون احبج واني ما اعرفج وما اعرف اصلج
البنيه:تعرفني كولش زين واعرفك وشايفتك وشايفني
امير بشك:انتي منو
البنيه:راح اكولك اسمي بس عليك الله لا تحجي لحد وهم لا تحظرني
امير:اوك احجي منو انتي
البنيه:اني دموع
امير: معقوله هاي دموع صديقة اميره لااا اكيد كاعد اجذب شحبت مني اكول ليش كول ما تجي تضل صافنه بيه سديت المبايل وعفتها تحجي ضليت افكر بيها شلون تريدني احبها واني اعتبرها مثل اميره نمت بعد تفكير طويل
يوسف:انته شكاعد تحجي شلون راح تنفصلون انته وامي
وليش
علي:يوسف اهدء انته تعرف من البدايه اني وامك علاقتنه مو زينه ودائما مشاكل واني تعبت اريد اعيش حياتي مثل الناس دائما مشاكل وارجع للبيت تعبان اريد راحه وهيه تتلكاني با الصياح والكه ملابسي وصخه واكل ماكو وانته تعرف امك كولش زين
يوسف:بس ما تصول للطلاق
علي:قررت اطلكها وما اريد اي كلام او معارضه عفته ورحت لغرفتي بدلت ورحت اكمل شغلي على الحاسبه
الصبح
اميره:كعدت تعبانه وميته نعاس شفت الساعه با 10 الصبح ولسه نايمات البنات اجتي فكره جهنميه كمت جبت سطل مي بارد وكبيته عليهن
يسر بصراخ:اشححححححح ولج نعل اميرههههههه
سمر:اهى الله لا يوفقج كون
اميره:كعدت بل كاع من الضحك خطيه كعدن مخروعات وكل وحده عبالك طالعه من الموت الملابس مخربطه والشعر المكفش اخخخ بويه اجني يركضن عليه رحت شردت يم خاله زينه
زينه:شبيجن من الصبح مكافش ولجن بعدين شنو هاي شعرجن مكفش
سمر:عمه شوفي شسوت بينه كبت المي علينه
يسر: اي ماما اهى اهى
زينه:تستاهلن حتى انوب تكعدن من وكت راح يصير الضهر يله ولجن امشن بدلن وعدلن شكولاجن
يسر:اوك بس اني اعلمج يا اميره الحقيره
اميره :هههه
سمر:نعللل
اميره:غير عليج اطلع يا عمري
غسق:بسجن معارك ترا راسي موتني
اميره:سلامتج شبيج
غسق:ما ادري
اميره:كمنه عزلنه الغرفه لان هوسه صايره وطبيت سبحت وطلعت بدلت لبست تراك برموده وضفرت شعري خليت كحله ووكفت كدام المرايه فوديتني اخبل
سمر:شبيج تخبلتي يول
يسر:طكن الفيوزات
اميره:اكوللجن اني اليوم ارجع للبيت وياه ماما لان خطوبة ايفان الجمعه ولازم من هسه احظر نفسي
سمر:اي لان الكل راح يجي ولجن اريدجن اطلعن اطكن بلكاع من الصكوك
اميره:اي اكيد عيني شعبالج
يسر:يله تعالن تغدن بنات
اميره:رحنه اتغدينه وكملنه غسلنه الماعين وعزلنه المطبخ ورحنه كعدنه ضلينه نسولف
