#عشك الصغيرونه
#للكاتبه:الخفاجيه
★★★★★★★★
اميره:ابوي عايش احجي ليش سكتت
امير: ايي عايش
اميره بصياح:لعد ليش جذبت علينه وكلت ميت لك انته شنو من بشر شنو ما شفت امك شصاير بيها من وراك ليش كولي
امير:اششش ولج اهدي راح احجيلج كلشي بس اسكتي
اميره:يله احجي بسرعه
امير:ما جنت اعرف ابوي عايش وره سبوع اجاني جدي وعلي وضباط اليه وحجولي انو ابوي عايش بس جذبو كالو انو ميت لان اذا اعداء ابوي عرفو ابوي عايش يرجعون يكتلو وانتي تعرفين ابوي جبير بل دوله شغله خطر وعدنه اعداء هواي فا كلنه ميت ولسه حالته خطره راح نسفره للخارج عكبه
اميره:ليش ما كلت لعد لمي
امير:بل وقت المناسب اكوللها بس هسه خلي يطيب لان حالته لسه خطره من يشفه اكوللها حتى تسافر يمه تروح
اميره:هه كل هل دك ولطم اخير شي يطلع عايش
امير:اطرينه انجذب
اميره:كاعد احس انو عايشين بفلم
امير:ما طول احنه بل عراق فا حسي بكلشي فلم اكشن ابوي اذا ضل بل عراق يموت كلشي يسوي العدو حتى يطب للمستشفى بهويه جذابيه ويكتل ابوي فا اطرينه نكول مات
اميره:اوووف يا بويه
امير:كومي يم امي شوفيها ما تقبل تاكل ولا تشرب العلاج قنعيها بلكت تقبل
اميره:لو بيدي اكوللها
امير:اوعديني ما تكولين لحد
اميره:اوك وعد طلعت من الغرفه رحت لمي لكيتها كاعده على الجربايه ويمها صور وملابس ابوي وتبجي
غزل:رااح ابوج اميره راح ليش دائما اخسر لي احبهم يروحون ليششش
اميره:اششش يا عمري احنه يمج اني وامير ما نتركج ابد وعد
غزل:بس ابوج راح بعد ما يرجع تركني وحدي مالي سند بهل دنيا كالي ما اعوفج ابد
اميره:اوووفف ماما حبيبتي كومي اكليلج لكمه واشربي دواج حبابه
غزل: ما اريد
اميره:لخاطري او لخاطر ابوي
غزل:كلت ما اريدد
اميره:ماما عمري انتي راح تتمرضين اذا اضلين هيج باعي وجهج اصفر صاير اذا تتمرضين انتي منو يضل ويانه اني وامير هاا اكلي لخاطر بابا بس
غزل:اوك بس لكمه وحده
اميره ببتسامه: اوك رحت سويتلها شوربه وعصير برتقال ووديته الها بدت تاكل كم لكمه وكامت اخذت العلاج
غزل:ها ارتاحيتي
اميره بضحكه:ايي يله نامي
غزل:اطلعي
اميره:تصبحين على خير
غزل: وانتي من اهل الخير طلعت اميره حضنت ملابسه وصورته ونمت على مخدته لان بيها عطره
امير:ها بشري
اميره:اخذت العلاج
امير:اوووف الحمدلله
اميره:شوكت نخلص من هل مشاكل تعبت والله
امير:لا تخافين ما بقه شي ونخلص من كلشي ونسافر
اميره:شكاعد تفكرون انتو
امير:يجي يوم وتعرفين كلامي يله تصبحين على خير
اميره:الله يستر شراح تسوي رحت لغرفتي كملت واجباتي ونمت ميته تعب
في الصباح
امير:صباح الخير يا نبع الحنان
غزل :صباح النور يله اتريك
اميره:هاي شنو اليوم ماما مسويه ريوك من اديها الحلوه
مبين اليوم حلو
غزل:دتعالي اتريكي وراج مدرسه اريدكم اشدون حيلكم وتعبون حتى تنجحون
امير:تدللين
اميره:كعدنه على الطاوله نتريك شفت امي صافنه على كرسي ابوي وتبجي بسكتاوي رحت حضنتها كافي انسي عيشي حياتج ادري تحبين ابوي بس ما يصير اسوين هيج ترا ابوي يزعل عليج
غزل:ما اكدر انساه كل ما اكول نسيته ارجع اذكره جان يكعد ويانه يتريك هسه ماكو جان صوته الحلو من الصبح من يصيح عليكم هسه هدوء
اميره:باوعت لمير بحزن هوا باوعلي ودنك
امير:احم يله باي راح اروح
غزل:وصل اختك عود
امير:راح اضلين وحدج روحي لبيت جدي خاف نتأخر او يصير شي
غزل:ما يصير هسه اني لازمه عده وهم تعبانه ما بيه اروح
امير:اوك بس انتبهي على نفسج واكو حرس يم الباب حمايه
غزل:اوك
اميره:رحت لبست جنطتي وطلعت انتظر امير يجي
يوسف:ها صباح الخير
اميره بهدوء:صباح النور
يوسف:شخبارج شلونج
اميره:الحمدلله بخير
يوسف:دوم اذا تريدين اوصلج خاف تتأخرين
اميره:لا هسه يجي امير
يوسف:اوك لعد يله باي عيني
اميره :الله وياك اوففف شكد لزكه
امير:ها شكو
اميره:هيج بس جان يوسف هنا
امير:يله اركبي
اميره:ركبنه السياره طول الطريق ساكته وامير عالك اغنيه فيروز من الصبح وصلنه للمدرسه نزلت ودعته وطبيت
دموع:هلا هلااا بضلعه اكول اليوم المدرسه منوره
اميره:بنورج حياتي
غسق:هلا اموره
اميره:هلا بيج سلمت وطبيت للصف هوسه من الصبح كعدت برحلتي وكمت اقرا لان عدنه امتحان
دموع:ضعفانه كلش
اميره:من القهر
دموع:ومتغيره كلش
اميره:ماكو شي متغير بيه ابد
دموع:شلون صارت امج
اميره:بخير
دموع:لسه مقهوره على عمو فهد
اميره:ايي ما تكدر تنساه
دموع:اوووف
اميره:دك الجرس اصطفينه وبدينه بل دروس
امير:سلااام
اياد:وعليكم
كرم:هلا بضلعي
امير:شلونكم
الكل:بخير
محمد:مشتاقين ولك كلب
امير:احنه الاشوق امشو للقاعه ميت تعب شوي وردت اسوي حادث بل طريق
اياد:يااا صدك شبيك ما اشوف
امير:ما انتبهت وطلع ولد كدامي بس الحمدلله ما صار بي شي
محمد:الحمدلله
امير:رحت للقاعه احس راسي راح ينفجر شربت جاي وكعدت اشخبط بل سجل
اياد:صاير زعطوط يول
امير:هه شسوي ضايج
اياد:احم اكولك شفت ابنيه وانعجبت بيها بس ما اعرف منو هيه
امير:اوين شفتها
اياد:بفاتحة ابوك جانت ابيتكم طبيت اخذ الجاي ويا الولد وشفتها بس تموت
امير:انجب لا تطلع اختي
اياد:لا مو اختك لان اختك شايفها مره
امير:احجي مواصفاتها
اياد:طويله بس مو كلش وحنطاويه ولابسه دشداشه سوده وها عدها شامه بخدها وحواجبها يموتن والشفايف ايباه
امير:هاي سمر بنت خالي يا جلب ابن خوش اوادم
اياد:لا بربك سموره اسمها اويلي يابه
امير:اياد تسكت لو اجيك
اياد:والله نيتي الزواج شبيك انعجبت بيها من شفتها لسه ابالي
امير:لعد تعال اخطبها وانجب
اياد:اجي بس خلي اخلص خاف خالك ما يقبل
امير:اي لعد اسكت
اميره:رجعت مشي اني وشيلاء ودموع نمشي ونحجي
شيلاء:احم احم استاذ غزوان واكف يم بابكم شعجب
اميره:باوعت صدك واكف يم بابنه ويحجي ويا الحرس انتبهلي وصفن
دموع:ههههه الاخو امبين عاشك ولج اميره هاذه امبين معجب بيج
اميره:هه شسويله قابل يله باي بنات
البنات:باااي
غزوان:احم السلام عليكم خيتي
اميره:هلا وعليكم السلام
غزوان: موجود امير لو لا
اميره:لا بل كليه بل 2 يرجع
غزوان:اها اوك
اميره:طبيت للبيت تعبانه لكيت امي كاعده هيه وبيبيتي
ام غزل:هلا بميره
اميره:اليوم منور البيت شلونج بيبي حبيبتي
ام غزل:الحمدلله
اميره:شعجب جايه
ام غزل:اشوفكم عفت جدج واجيت ابات اليوم
اميره:هلا بيج
غزل:اصعدي بدلي حتى نتغده
اميره:اوك صعدت غسلت وبدلت ونزلت اتغديت وغسلت اماعين ورحت لغرفتي اقرا واتصل رقم مجهول ضليت صافنه منو هاذه متصل عليه اخاف ارد ويطلع غريب اخير شي دريت الووو منو وياي
جهاد:شنو نسيتيني
اميره.: .........
يتبع
لا تنسون التصويت
