#عشك الصغيرونه
#للكاتبه:الخفاجيه
★★★★★★★★
الدكتوره:الف مبروك انتي حامل
اميره بصدمه:يعني حامل
شيلاء بفرحه:ولج حامل انتي حامل
اميره بحزن:الحمدلله
شيلاء:شبيج شو ما فرحتي
اميره:ليش افرح
شيلاء:اميره لا تخبليني بيج شي احجي شكوو
اميره:غزوان ما يريد اطفال
شيلاء:وانتي شمدريج ما يريد اطفال شو عنده بس 3 ابنج وبنت زهراء وبنت مرته الاولى
اميره:خايفه خاف ما يريد
شيلاء:امشي لا تهتمين شو انتي عندج بس ولد واحد جيبي بعد بنيه وكافي
اميره:دمشي يله رجعنه للبيت رحت جبت البنات من يم اهلي وبشرت ماما فرحت بحملي ضلت تنصحني وسوي هيج وجيبي هيج عبالك هاذه اول حفيد الهم رجعت لبيتنه بدلت ونزلت اسوي عشه اجتي ميرا
ميرا:ماما حبابه قريني هاذه ما كاعد افهمه
اميره:ماشي رحت شرحت الها الموضوع كملت رجعت للمطبخ اجه غزوان صبيت عشه وكعدنه نتعشه بهدوء
كملنه غسلت لماعين وصعدت رتبت الغرفه ولبست كيمونه لون احمر فليت شعري وتمكيجت صارت با 12 وهوا ماكو نزلت شفت الجهال نامو غطيتهم زين وصعدت نمت
امير:احم شلونج
لوجين بخجل:تمام وانته
امير:الحمدلله العرس بعد شهر
لوجين:اها اوك لعد من باجر راح ابدي اجهز
امير:ماشي اذا الفلوس قليله كوليلي ودزلج وامي باجر تروح وياج للسوك
لوجين:اوك
امير:يله باي
لوجين:باي
اطياف:ها ها ها
لوجين:وجع شكوو
ملك:شحجيتو
لوجين بضوجه:كولشي ماكو بس كالي العرس بعد شهر
اطياف:يختي وعليش ضايجه
لوجين:ولج يحجي ببرود موتني عبالك اخته مو خطيبته
ملك:والله يتغير شبيج هيج دمج محروك ما كالتلج اميره انو جان يحب وحده جرحه بعده مفتوح انتي اهتمي بلبسج وبشعرج واهتمي بي احجي بثقه وسوي نفسج ما تهتيمن لكولشي اكسبي يل ثوله خلي يكوم يحبج من تزوجين اهتمي بملابسه وبغراضه وبأكله واضحكي وسولفي ها واهم شي شوفي يغار عليج لو لا
اطياف:كلام ملك صح وديري بالج اسوين مشاكل
لوجين:اشايفاتني وكحه
ملك:لا عيني حبابه
لوجين:يله تصبحن على خير صعدت لغرفتي مددت فتحت المبايل شفت صور الخطوبه ابتسمت شبسرعه حبيته حب من طرف واحد سديت المبايل وضليت افكر الحد ما نمت
اميره:حسيت على دكه مال الباب كمت شفت غزوان يدك با الباب لان قافلتها شفت الساعه با 2 وين جان لسه معقوله كاعد يخوني اني اعلمه خلي ينام برا الغرفه عفته يدك رجعت نمت ما كعدت اله الصبح كمت غسلت ورتبت الغرفه وطلعت شفته نايم بغرفة زهراء انقهرت عرفته لسه يحب زهراء غرت من شفته نايم بغرفتها ضحكت على نفسي معقوله اغار من وحده ميته استغفر الله اتخبلت رحت للمطبخ سويت ريوك وكعدت ميرا وهوا هم كعد اتريكو وكل واحد راح لدوامه اني نضفت البيت وغسلت لملابس الجهال طلعو سويت غده صارت با 12 رحت غسلت وبدلت لان توصخت حظرت الغده لان هسه على جيه غزوان وميرا اجوي صبيت الغده وكعدو يتغدون
غزوان:شنو ما تريدين
اميره:لا ما اشتهي صعدت للغرفه حسيت بوجع مددت طب للغرفه اجه يمي
غزوان:بيج شي ليش وجهج اصفر
اميره:ماكو شي بس وجع شوي
غزوان:متأكده
اميره:ايي ماكو شي
غزوان:اوك انتي ارتاحي هسه ميرا تغسل لماعين لا تنزلين
اميره :ماشي راح للكنتور اخذ ملابس وطب يغسل ضليت افكر شلون راح اكوله اني حامل يا رب خايفه عبالك مسويه مصيبه طلع ينشف بشعره اجه مدد يمي
غزوان:ها مبين بحلكج حجي احجي
اميره بتوتر:اني حامل
غزوان ببتسامه:اي وشبيج مرتبكه وخايفه هل خبر حلو
اميره:عبالي انته ما تريد طفل
غزوان:لا ليش ما اريد يله نامي وارتاحي وديري بالج تشتغلين هواي ولا اتعبين نفسج خاف يوكع مثل ذاك
اميره:هزيت براسي اي نعست ونمت اتقرب عليه حضني وهمس
غزوان:شبيج ضايجه
اميره:خايفه خاف اخسر هل طفل مثل ما خسرت بنتي
غزوان:لا تخافين شحده لي يتقرب على جهالي بعد وجهاد راح ينحكم باجر محكمته
اميره:اريد اروح وياك
غزوان:مو زين عليج
اميره:حباب
غزوان بهدوء:ماشي هسه نامي وباجر الله كريم
