#عشك الصغيرونه
#للكاتبه:الخفاجيه
★★★★★★★
غزل:بنتي حبيبتي
اميره:اجتي حضنتني وهيه تبجي حضنته بقوه وبجيت ماماااااا
غزل:يا روح امج ويا عمري مشتاقتلج
اميره ببجي:اني اكثر والله
غزل:لو صدك مشتاقتلي جان كتلي انتي وين واجيت شفتج
اميره:ما ردت اخرب علاقتج بي بابا
غزل:عادي اهم شي انتي بعدين ليش ضعفانه ومتغيره وين جنتي وين صرتي
اميره:كلنه تغيرنه
غزل:صدوك حفيدي وينه
شيلاء:ههههه قصدج احفادج
غزل:شنوو ولج ازوجتي هم وجبتي بعد
اميره:هههههه لا بس جبت توم ولد وبنيه
غزل:فدوه وينهم اريد اشوفهم
اميره:ضلو بل سويد ما جبتهم وياي
غزل:شوفيني صور الهم
اميره:طلعت صورهم ماتت عليهم ضلينه نسولف وضلت حاضنتني ما ترضه توخر مني
غزل:لو اشوفين البيت هدوء بدونج
اميره:اهه شسوي قابل لو باقيه ما شارده جان هسه اني متت
غزل:لو اشوفين عمامج ضلو يدورون عليج با 5 ايام وماكو خفت كلت خاف يلكوج ويكتلوج بس الحمدلله شردتي
اميره:ضليت شهر با الحله وسافرت للسويد بفضل صديقاتي لي وياي وبفضل شيلاء
شيلاء:هاذه واجبي حبي
غزل:بنتي شيلاء ابد ما راح انسه معروفج لي سويتي ويا بنتي بفضلج هسه عايشه هيه
شيلاء:هيه اختي وصديقتي ما عندي غيرها قابل اساعدمن اذا ما ساعدتها
اميره:شخبار بابا وامير
غزل:امير اويلي عليه خطبناله صديقتج دموع واهلها رفضو ما يقبلون مرتين رحنه ورافضين ونخطبت لبن عمها وراح تزوج عن قريب اما ابوج حال الظيم حاله النهار كله صافن والله حتى اكل ما ياكل والبيت عباره عن هدوء
اميره بقهر:كله بسببي هيج صار
غزل:انتي شعليج بسبب غزوان الله لا يوفقه بجاه النبي محمد دمر حياتج وفوكاها جبتي منه طفلين مو واحد
اميره:خايفه خاف ياخذ جهاله مني
غزل:ماله حق ياخذهم منج
شيلاء:اي ماله اي حق لان انتي لي ربيتيهم وتعبتي عليهم ومن اتصلتي بي كتيله حامل ما سوه اي رد فعل وكالج مو اطفالي وما اريدهم
اميره:بس همه يضلون ولده ومن لحم ودمه
غزل:واذا
اميره:يله صار لازم اروح راح اتأخر
غزل:صار المغرب وين تكدرين تروحين هيج وقت البغداد
اميره:لا باجر ارجع لبغداد هسه راح اروح لبيت صديقاتي ابات يمهن وباجر اطلع من الصبح
غزل:ديري بالج علي نفسج وعلى جهالج ولا تكطعين تعالي عود
اميره:ما اضن بعد اجي لان خلص شغلي هنا
غزل:با العطل تعالي اريد اشوفج زين وشوف جهالج
اميره ببتسامه :اوك احبجن يله باي
غزل وشيلاء:الله وياج
اميره:رحت جبت اكل جاهز من المطعم وطلعت رحت للبيت لكيت البنات كاعدات يباوعن مسلسل
لوجين:ها يل سايبه وين جنتي
اميره:اشوف صديقتي
ريام:شجبتي وياج ولج
اميره:هههه اكل جاهز
ريام:ليش جبتي ولج جان احنه سوينه عشه
اميره:لاا عادي كلت خطيه يتعبن ويسون عشه وهم على طريقي جان مطعم وجبت
لوجين:ياي بيتزا جايبه
اميره:هههههه جبتها على مودج ادري تحبيها
لوجين:فديتج حياتي
اميره:رحت لغرفتي بدلت ونزلت اتعشينه وكعدنه نباوع فلم صارت با 11 نعست رحت نمت ذبيت نفسي على الفراش عبالك صارلي سنه ما نايمه
