#عشك الصغيرونه
#للكاتبه: الخفاجيه
★★★★★★★
فهد:فكري زين لا تستعجلين بقرارج
اميره:نشالله رحت للمطبخ شفت ماما كاعد تخابر ها منو تخابرين
غزل:بيبيتج عزمتنه على عرس يسر بنت خالج
اميره:ها شوكت
غزل:الجمعه التجي تروحين لو لا
اميره:لا بنتي بعدها ما طالع اربعينها وين اروح
غزل:يا يمه اطلعي شوفي الناس ما يصير هيج اضلين با البيت محبوسه راح اصير بيج حالة نفسيه من كثر الكعده
اميره:مالي خلك والله انتي روحي واخذي أسر
غزل:تروحين وغصبن عليج هيه البنيه صغيره مو جبيره وتنحكمين ما تكدرين تطلعين
اميره:الله كريم رحت كعدت با الصاله نباوع فلم كلنه اندك الباب راح امير يفتحها طبت بنت غزوان تركض اجتي على أسر
امير:اجتي على مود أسر تبجي تريده جابها ابوها
اميره:يمه فدوه للبنات تعالي اطيني بوسه اجتي بستها واكرص بخدودها مدبدبه وعيونها خضر على امها كعدت بحضني اجه أسر زعلان عود ليش تخليها بحضنج يغار حتى من جانت اخته تكعد بحضني او ابوسها ما يقبل اجه هوا هم كعد بحضني
امير:مشالله طلعتي انتي محبوبة الجماهير
اميره:شعبالك لعد غير اني ما احجي
امير:كومو اطلعكم هسه الساعه با 8 بعد وكت
اميره:ما اروح بس اخذ الجهال خطيه ضايجين
امير:انجبي وكومي يله بلا حجي زايد
فهد:كومي بويه كومي
اميره:كمت لبست عبايه اسلاميه وشال وطلعنه رحنه لمحل مال ملابس مفتح جديد طبينه شفت ملابس اطفال اتخبل اشتريت لي أسر وشفت بدله لون وردي مال بنات اذكرت أيسل هسه لو هيه ويانه جان جلبت بيها تموت على البدلات اشتريتها لي اسيل بنت غزوان وياهه تاج وحذاء واني شتريت عطر وحذاء وبس رحنه اشترينه موطه وجباسه وحلويات للجهال ورجعنه شفنه غزوان يم الباب اجه ياخذ اسيل
غزوان:ها وين ولكم جنتو
أسر:تلعنه يم عم عم
غزوان:شنو
اميره:طلعو يشترون اكل
غزوان:اها يله بابا أسيل تعالي
اسيل:ماااا اقل يم أسو
غزوان:امشي مو ماما تبجي عليج
اسيل:مااا
اميره:خليها اليوم يمنه عود اذا تبجي امير يجيبها
امير:اي خليها
غزوان:خاف اتعبكم
امير:لا اضل يم أسر
غزوان:اوك تصبحون على خير
امير:وانته من اهل الخير
اميره:طبينه راسن صعدت للغرفه ضميت غراض الجهال اجوي بدلت لي أسر شفت اسيل مضايقه من ملابسها طلعت من ملابس أيسل لبستها ونومتهم كمت بدلت وغسلت وجهي فتحت المبايل بعد موت أيسل تركت المبايل غالقته ما فاتحته شفت هواي رسائل من البنات يسألن عليه اتصلت عليهن با الكروب عرفن بموت أيسل كامن يحجن عليه لان ما كتلهن وما يعرفن وباجر يجن طبيت على البوم الصور شفت صورنه من جنه با السويد شفت صورها شبعت بجي اووف يمه عفتج وحدج دفنتج وانتي بعدج صغيره ما شايفه شي كون الله لا يطي لي ضربج طلقه كون ما يشوف الراحه ولا النوم بحياته كمت سويت قهوه وكعدت على المرجوحه اسمع اغاني حزينه شفت الساعه با 11 كمت طبيت رحت للغرفه شفت الجهال شلون نايمين فدوه بستهم ونمت بصفهم
اياد:عمري
سمر:نعم شرايد
اياد:شنو شرايد صارلي ساعه اراضيج وانتي ما تقبلين
سمر:اياد ترا ما كاعد اتحمل والله كول ما تجي بنت عمك للبيت اسمعني حجي هيه واختك
اياد:وانتي شعليج بيهن كاعد ابيت وحدج وساكته وهنه طبهن مرض خلي يحجن بعدين يسكتن
سمر:بس اغار عليك من بنت عمك
اياد:انتي ملاكي وبنت قلبي وروحي وين انتي وين هيه
سمر:احبك
اياد:اموت عليج يا روحي
