غزل.. كعدت العصر واني بحضن فهد ضليت صافنه بوجها شكد حلو يا الله ما حسيت غير هوا حجه
فهد.. ادري بروحي حلو
غزل.. لا والله انته حلو
فهد.. اي اني
غزل.. لا مو حلو اني احلى منك
فهد.. هههه امشي بدلي حتى اوديج لهلج
غزل.. اوك رحت غسلت وجهي بل حمام ورحت عدلت الغرفه وكملت رحت لي غرفتي بدلت لبست بنطرون لون اسود وبدي اصفر بي رسم بلون الاسود ولبست شال اسود وحذاء اسود خليت مكياج وعطر واخذت الجنطه مالتي وطلعت سلمت على الكل ودعتهم وطلعت اني وفهد الطريق كله نسولف ونضحك الحد ما وصلنه للبيت نزل هوا سلم على اهلي وراح ويا ابوي للديوان
يخطبني من ابوي هواي فرحانه اتمنى نعيش اني وفهد بخير ونتزوج سلمت على اهلي كلهم وعلى فيان حبيبتي متغيره صايره ضعيفه ووجها اصغر لان ما تاكل
ام كيان.. ولج يمه غزوله شلونج
غزل.. تمام ماما ونتي
ام كيان.. تمام بشوفتج يمه حبيبتي
غزل.. اي فيون حياتي شخبارج شو ضعفانه
ام كيان.. ما تاكل ما تقبل تاكل
فيان.. اوووف تعبانه غزل والله
غزل.. حبيبتي كافي اتقبلي ابن عمج احسن من واحد
ام كيان.. اي
فيان.. ما كاعد اكدر شلون اعيش ويا
غزل.. خليها على الله
فيان.. الله كريم
غزل.. كملت سوالف ويا امي واختي ورحت للغرفة بدلت ملابسي لبست تراك برموده لون احمر وسويت شعري ضفيره كملت ورحت مددت بفراشي العب بل مبايل شفت راسلت صديقاتي وراسلت بنين ورسل هم حجيت وياهن شوي وسديته صاحتني ماما احضر العشه وياها كمت عدلت شعري وطلعت لكيت بيت عمي يمنه اهل جاسر كلهم رحت سلمت عليهم ورحت للمطبخ سويت مقبلات وسويت كباب وطماطه ويا ماما وجاي ساعدت ماما بل اكل ورحت للغرفه بدلت ملابس لبست تراك طويل لون وردي فاتح لان عيب من ولد عمي وعمي وعدلت شعري وطلعت نقلت السفره ويا ماما وبدينه ناكل فيان عبالك شبه ميت ولا عبالك فيان القديمه لي تشاقه وتضحك اربعه وعشرين ساعه تغيرت و جاسر ما يحجي وعصبي حيل صاير جنت كاعده اسولف اني ورنين بنت خالتي اجتي يمنه اليوم تبات يمنه بكدي حبابه وتشاقه ضلينا نسولف ونضحك اني وياها الحد ما كملنه اكل شلته الاماعين اني وياها غسلناهن وكملنه سويت جاي وطيتهم ضلو يسولفون على تجهيزات الخطوبه مالت جاسر وفيان الحد الساعه بل 10 ونص راحو فيان راحت لغرفتها وامي وابوي هم وكيان وسامر طلعو ضلينا بس اني ورنين نضفنه البيت وكعدنه سوينه شاميه وككاو وببسي وجبس وحب شكلات ناكل ونباوع فلم رعب واجوي سامر وكيان هم كعدو ويانه بقينه ناكل و نسولف ونضحك طبعن فهد حجه ويا ابوي وابوي كال نسأل غزل وعمامها وجدها ونشوف الله كريم
فهد.. حجيت ويا ابوها وكال نسألها ونسأل جدها وعمامها نشالله يقبلون كملت حجي ورجعت للبيت رحت للمضيف اني وعلي يم ابوي واخواني ضلينا نسولف لليل الحد ما اذن المغرب طبينه للبيت رحت لغرفتي غسلت وجهي ورحت بدلت لبست تراك ورحت صليت وكملت طلعت تعشيت ضلينا نسولف احنه الكل وكتلهم خطبت غزل من ابوها هما كالو اي خوش عائله نعرفها ضلينا نسولف لي 11 بليل كمنه كول واحد راح نام واني كمت رحت لغرفتي حضرت غراضي ملابسي لان راح اروح لبغداد اني وعلي عدنه شغل انضل 4 ايام كمت تحضيراتي ورحت مددت بل فراش شفت الساعه بل 12 اتصلت بي غزل حجيت وياها شوي وسديت لان نعست وراي شغل هم ابغداد نمت
غزل.. ضلينا كاعدين كلنه اني ورنين وسامر وكيان نسولف اتصل فهد رحت للغرفه حجيت ويا شوي وراح سد طلعت شفت الكل نايم على التخم شلت الوصاخه ذبيتهن وكملت رحت كعدت الجماعه ينامون بل غرف مالتهم ورنين يمي تنام رحنه للغرفه رنين نامت واني ضليت لي ساعه بل 2 كاعده على الانستا اقلب بل منشورات الحد ما نعست ونمت
جاسر.. رحنه لبيت عمي ابو كيان نجهز تحضيرات الخطوبه سلمنه عليهم ضلينا نسولف الحد ما اجتي غزل اوووف بنت الذينه طالعه حلوه لابسه تراك برموده احمر وهيا بيضه حلوه سلمت علينه وراحت للمطبخ ساعدت امها طبعن اني ما هتميت لي الخطوبه بس صافن بي غزل طبعن انقهرت على فيان لان متغيره هواي بس شسوي الله كريم نشالله تعشينه وشربنه جاي من ايد غزل ضلينا نسولف لحد الساعه بل 10 ونص رحنه للبيت اول ما رديت للبيت رحت لغرفتي بدلت وطلعت يم صديقي نفتر بل مول لان ضوجه ويانه اخوي طلعنه عود نتونس رجعنه للبيت الساعه بل 2 بليل رجعنه البيت رحت لغرفتي بدلت ونمت
