#عشك الصغيرونه
#للكاتبه:الخفاجيه
★★★★★★★★
غزوان:شنوو حامل
اميره:اي حامل راح اطب بشهر الخامس
غزوان:انتي شكاعد تحجين
اميره:اني حامل منك
غزوان:مستحيل انتي اجذبين روحي اضحكي على واحد مو عليه
اميره:والله منك حامل
غزوان:بابا اني مستحيل ازوج وحده مثلج وهاذه الطفل نزلي
اميره:مستحيل انزله والله اله افضحك بين العالم اكلهم اغتصبني وهسه حامل وخلي خطوبتك تنفسخ واهلك يصيرون مضحكه بين العالم
غزوان بعصبيه:انتي شنو مجنونه لو شنو بابا انتي لي راح تنفضحين مو اني اكلهم هيه اجتني برادتها
اميره:هههههه اني اجيت اسوي تقرير طبي وشوفهم لك انته شنو من انسان ما تريد طفل هاذه ابنك مثل ميرا بنتك
غزوان:هاذه مستحيل اعتبره ابني سمعتي او لا
اميره:هه انته هم معتبر نفسك رجال ولك انته ما عندك ذرة رجوله
غزوان بصياح:اميره احترمي نفسج لا والله اندمج
اميره:سديت بوجهه رحت غسلت وجهي ونزلت اتريك ميته جوع سويت بيض وجاي وكعدت اكل اندك الباب رحت فتحته لكيت شيلاء ودموع خير يا طير
شيلاء:وخري وخري جوعانه سوي ريوك اجينه بدون اكل
دموع:اي والله
اميره:شكو اجيتن ولجن
شيلاء:هيج اجينه
دموع:اي
اميره:اممم فوتن يله طبينه للبيت سون البنات اكل طماطه وجبن وجايبات كيمر كعدنه ناكل ونسولف
شيلاء:شخبار العنوني
اميره:يسلم عليج ههههه
دموع:ولج خاف يطلع مثل ابو الخايس
اميره:عوعع اذبه لعد
شيلاء:لا يطلع على امه الحلوه
اميره:يا عمري
دموع:شوكت اسافرين
اميره:بعد خلي يصير الجواز
دموع:ديري بالج ولج خاف هاذه غزوان كلشي يسوي يكتلج انتي والطفل
شيلاء:اي صح ديري بالج
اميره بخوف:مستحيل يكتل ابنه
دموع:ولج بابا شنو ابنه هاذه ما معترف بلطفل
شيلاء:اكولج خاف ما يصير اسافرين لان حامل
اميره:شمدريني بس نشالله اسافر وخلص قبل ما اجيب
شيلاء:نشالله ويجي العنوني فدوه ولج والله مشوقه اشوفه
اميره:هههههه باعن ششتريتله حذاء وقاط
دموع:يمههه فدوه باعي الكياته شوكت يجي ويصيحلي خاله لان راح اصير مرة خاله
اميره:ههههه شلون خال وخاله
شيلاء:واني شيصيحلي
اميره:انتي شيوله يصيحلج
شيلاء:دنجبي
اميره:صدوك شنو يوسف ماكو
شيلاء بحزن:سافر
اميره:لا بربج وين
شيلاء:عنده شغل بالخارج يمكن يطول
اميره:لا اضوجين ولج ولا تنزلين كرامتج لواحد ما يحبج ولا يعترف بيج خلي وحيده يحبج ويجي الج هوا مو انتي تروحيله
شيلاء:راح اموت والله من الصغر واني احبه واموت عليه وهوا ما يشوف غيرج انتي
اميره:باعي اني مستحيل ازوجه او احبه بيوم لان اعتبره مثل امير اخوي والله شاهد ورفضته لان انتي تحبي ادري بيج ما اريد اخذ واحد غيري يحبه
شيلاء:حياتي انتي
دموع:اتعاركنه اني وامير
اميره:ليش
دموع:اكوله تعال اخطبني قبل لا اسافر لان خاف اهلي يطوني لولاد عمي او احد غريب يكولي لا مستحيل محد ياخذج وبعدين اله اكمل دراسه واجي اخطبج
اميره:وهسه شصار
دموع:ما كاعد نحجي
اميره:ماطول يحبج ما راح يخليج تروحين لغيره
دموع:واذا ازوجت غيره القدر يسويها
اميره:لي يحب يحارب الدنيا كلها اله ياخذها واني اعرف اخوي ما يخلي وحده تروح منه
دموع:نشالله
