#عشك الصغيرونه
#للكاتبه:الخفاجيه
★★★★★★★
اميره:شتريد مني
جهاد:سلامتج بس اشتاقيتلج وحبيت اتصل عليج
اميره:هه شتاقيتلي روح اشتاق لي خطيبتك خطيه ما تدري حبيبها خاين وابو بنات والله لو تدري
جهاد:وشلون تدري محد يكدر يكوللها
اميره:اممم محد يكدر لو ادزلها الصور كولهن مالت محادثاتنه وصورك والهدايه شنو راح يكون رد فعلها
جهاد:تهدديني
اميره:شتريد اعتبرها تهديد او مو تهديد
جهاد:بس هل صور هم راح توصل لهلج
اميره:عادي خلي توصل بس انته لي راح تخسر خطوبتك تلغي ههه
جهاد بعصبيه:اميره احجي عدل لا والله افضحج اجي اكول لهلج
اميره:كول عادي يا ابن الشيخ انته ابن شيخ ومعروف هيج تصرفاتك طلعت خالتي ما جايبه زلمه هههههههههه قبل ما يحجي سديت المبايل بوجهه وكعدت اكمل تحاضيري للعصر كملت كلشي ونزلت لكيت شيلاء يمنه
شيلاء:ها ولج قريتي
اميره:اي وكملت
شيلاء:اهااا دموع كالت راح تجي تقرا يمج عود
اميره:اممم
شيلاء:شبيج يول
اميره:هيج بس وين ماما
شيلاء:يمها ام غزوان
اميره:هااا شعدها
شيلاء:شعرفني يداده
اميره:رحت سويت عصير وخليت كيك ورحت ضيفتها جايه هيه والحجيه
ام غزوان:اللهم صل على محمد هاي منو
غزل:ههههه هاي بنتي اميره
ام غزوان:ما عرفتها كبرانه الحلوه صايره تخبل الله يخليها
غزل:تسلمين
اميره:ام غزوان مدري شكالت للحجيه وضحكن اجاني فضول اعرف كل ساع وتباوعلي وتضحك
شيلاء بهمس:ولج شو ذني يضحكن شسالفه
اميره:مدري اجاني فضول اريد اعرف ولج
شيلاء:والله لو ما ابوج جان كلت هذني اجني يخطبنج
اميره بتك عين:انجبي لعد
الحجيه:اي غزوله ضمينه هل رمانه لي عندج عجبتنه
غزل: شنوو
ام غزوان:قصدها على اموره خيه نريدها لي غزوان ابني نشالله
غزل:ههههه الله كريم
اميره:يبوووو متت خجل طلعت اركض وما احس غير واكعه يم الدرج
شيلاء:هااا وعمه ما صدكتي راح تنخطبين
اميره:ولجج ميته خجل
شيلاء:ههههه
اميره:كمت رحت لغرفتي اني وشيلاء واجتي دموع تهف الوجه احمر دم وتضحك
شيلاء:ها شنو انتي الثانيه هم انخطبتي
دموع:شنوو
شيلاء:شبي وجهج احمر واضحكين عندج سالفه
دموع:لاا بس منو هذني النسوان الجوه
شيلاء:ام غزوان والحجيه عيني جايات يريدن اموره لي غزيوان
دموع:كللوووش
اميره:اووووجعععع
دموع:ههههه اسفه بس من فرحتي هلهلت الف الف الف مبروك الله يتمم على خير
اميره:شبيج يول ترا مو خطوبه رسميه وهم بعدني كاعده على كلوبجن
دموع:عابتتت
اميره:كعدت من النوم راسي يوجعني طبيت سبحت وبدلت وطلعت ما احس غير اردمت با دموع
دموع بخجل:احم اسفه ما انتبهت
امير:ها واني هم اسف
دموع:ردت اوخر لزم ايدي ردت اوخرها ما كدرت لازمها قوي ممكن توخر ايدك
امير:حليانه
دموع بغباء:هااا
امير: ههههه ثوله امشي روحي
دموع:يبووو رحت اركض للبنات ميته خجل
امير:اويلي يابه بنت الاوادم راح تموتني طلعت ركبت سيارتي ورحت اودي ملابس ابوي والجناسي
علي:ها جبتهن
امير:اي جبت كلشي لي يحتاجه بدون نحد يحس او يعرف
علي:عفيه عليك
امير:شوكت يسافر
علي:تأجلت سفرته للسبوع الجاي
امير:ليش
علي:والله ما اعرف باوع من تطلع دير بالك ترا لسه مراقبين بيتكم والكل امراقب
امير:ماشي هسه هوا وينه
علي:نايم اطيته ادويته ونام جان جدك هنا
امير:اهاا اوك اكدر اشوفه
علي:طب شوفه بس لا تتأخر
امير:اوك طبيت للغرفه شفته نايم وجهه صاير اصفر وشفايفه زرك وضعفان رحت بست ايده وراسه اكعد بويه مشتاقيلك اخاصتن امي راح كاعد تموت بدونك وتبجي البيت ما ينطاق بدونك وضوجه منو جان يكعدني الصبح على صياحه العالي هسه اكعد وحدي محد يكعدني ومنو لي جان يكولي انجح لا اموتك بويه الدنيا بدونك ما تنطاق اتعافه ورد النه بسلامه بسته وطلعت بسرعه ما اريد ابجي رحت يم الشط مددت على السياره وصافن على السماء
اياد:ها شتريد مني
امير:هيج ضايج وكلت خلي اتصل بيك تجي
اياد:لسه مقهور على ابوك
امير:ميت قهر مو بس مقهور احس نفسي تعبان كلش
اياد:كلنه هيج مو بس انته
امير:انتخ شبيك
اياد:كل يوميه عركه جديده بل بيت هسه يريدون ازوج بنت عمي والله ليش لان تحب واحد وجانت شارده ويا وابوها كمشها والكل عرف كام يحجي عليها تعال يا اياد حافظ على شرف بنت عمك هوا اني عمي ما معترف بي ابد انوب بنته
امير:وهسه شراح اسوي
اياد:ما ازوج لو اموت يا هيه لي ما بيها خير تعال اياد ازوجها
امير:هههههه راحت سموره
اياد:اويلي عليها ولك والله حبيتها حب شريف
امير:ولا يكعد راحه شريف عفيف
اياد:اكولك امير شوف هذولاك امبينين كاعد يراقبوك
امير:كمزت من مكاني وباوعت اي ولك خاف هذول لي كتلو ابوي
اياد:الله اليعلم هسه شنسوي
امير:امشي نحجي وياهم
اياد:اكعد يا امعود لا نروح نموت حتى احنه وبعدنه ما مزوجين 😭😭
امير:خايب دكوم لا اجيك بل حذاء
اياد:امشي نركب بل سياره نشوفهم يلحكونه اذا صدك نوكف بل طريق نشوفهم شيريدون
امير:اوك يله ركبنه بل سياره وصح طلعو كاعد يراقبونه نزلنه بل طريق وهمه هم نزلو
اياد:ها عيني شرايدين
الرجال:ما رايدين شي انتو واكفين بنص الطريق ونزلنه نشوف شتريدون
امير:بس احنه شفناكم تراقبونه يم الشط وهسه هنا فا احجو شتريدون
الرجال:ابوك وين
امير:هه ابوي وين يعني وين ماتت بعدين ليش اسألون
الرجال:هاا مو اني اكون صديق ابوك
امير:اممم وهسه شتريد
الرجال:وشفتك صدفه يم الشط وعرفت انته ابنه سبحان الله تشابهون الله يرحمه جان خوش رجال
امير:اهاا اي ويرحم والديك يله امشي اياد
اياد:يله
امير:ركبت السياره وطول الطريق افكر معقوله شاكين ابوي عايش لازم يسافر بأسرع وقت
اياد:هيوووو وين صافن
امير:ها هيج
اياد:ترا مبين هل رجال جذاب وما يعرف ابوك
امير:ايي بس ليش يسألون عليه
اياد:والله ما ادري
امير:رجعت للبيت لكيت امي كاعد تقرا قرأن وبيبيتي كاعد هيه واميره يسون عشه
ام غزل:ها يل سايب وين جنت
امير:هههه يا بيبي يعني وين جنت يم اصدقائي
ام غزل: انوب تكعد تشتغل سمعت صرت رجال البيت انته بدال ابوك المرحوم
امير:تدللين اصلن اني من زمان اشتغل
ام غزل:دروح صلي حتى نصب عشه
امير:طبيت للغرفه قفلت الباب واتصلت با علي
علي:هااا امير شكوو
امير:كاعد نتراقب ترا دير بالك اليوم جانو يراقبوني 3 زلم ومن سألت كالو اصدقاء ابوي عود بس مبين جذب
علي:ايي لا تخاف ابوك بأمان
امير:لازم يسافر هل سبوع اذا ضل هنا يعرفون عايش
علي:اوك اوك بعدين صديقي سواله جواز سفر مزور ومحد يعرف بي
امير:بس ليش كاعد يراقبونه ومنو هذول
علي:ابوك كال اعداء قديمين وعدهم ثار يم ابوك عود على اساس ابوك ساجن ابنهم وكاتله بس ابوك ما كاتله بس ساجنه لان متهم بشغل المخدرات وهمه العائله كلها تشتغل بل مخدرات
امير:ةاوك يله باي سديت المبايل وبدلت لبست اتراك ونزلت اتعشه
غزل: ها شوكت اجيت
امير:هسه قبل شوي
غزل:باجر يجون بيت جدك
امير:شعدهم
غزل:والله ما ادري الله اليعلم جدك شيريد
ام غزل:ولج يمه خاف على الورث
غزل:باجر يجون ونشوف يمكن يطوك ورث ابوك
اميره:كملنه عشه غسلت لماعين وسويت جاي وكعدنه نباوع كارتون سالي دك مبايل على وطلع يركض
غزل:شكوو
اميره:ما ادري خفت خاف ابوي بي شي امي صار وجهه اصفر
ام غزل:شبيج يمه ماكو شي لا تخافين
غزل:خاف يصير مثل هذاك الحادث
ام غزل:اسم الله كلشي ما يصير لا تخافين اهدي
اميره:اندك الباب وطلعت افتح ما اشوف غير طب امير ويوسف يركضون وشايلين اسلحه بيدهم
امير:بسرعه اطلعن روحن لبيت جدي
غزل:شبيك يمه شصار
يوسف:هجمو علينه نفسهم لي كتلو عمي فهد يله بسرعه
امير:لبسنه عبينه وميتين خوف وامي شبعت بجي تخاف على امير خاف يصيرله شي
غزل:يبووو راح يروح مني الثاني ربي شمسويه وهيج تعاقبني
ام غزل:اسكتي يمه ابيش طالبه الولد هسه يجي لا تخافين
امير:ما نسمع غير اصوات طلق كلش عالي ومعارك وره ساعه صار هدوء وطب امير ملابسه كلهن دم
يتبع
لا تنسون التصويت
اعذروني اذا اكو اخطاء بس كتبت البارت بسرعه لان مشغوله وهم ما سويت هواي احداث والبارت قصير نشالله اعوضكم
