#عشك الصغيرونه
#للكاتبه:الخفاجيه
★★★★★★★
اميره بصياح:بنتييييي رحت اركض عليها شلتها وابوس بيها اكعدي لا تموتين اكعدي يا روح امج
غزوان: ابسرعه للمستشفى
اميره:طول الطريق لازمتها وابجي وصلنه خلوها با السديه وطببوها لغرفة الطوارئ ضلينه ننتظر باوعت لي غزوان ورحت عليه والله اذا يصير شي ببنتي اموتك سمعت
غزوان:مثل ما هيه بنتج هيه هم بنتي
اميره:لا تنسه اني لي جنت الهم ام واب وهمه ما معترفين بيك ابد لان ما جنت وياهم من صغرهم
غزوان:بس راح يبقون جهالي بيهم من دمي
اميره:اذا بنتي صارلها مكروه بعد ابد ما اشوف خلقت جهالك للموت
امير:اميره اهدي يله امشي اكعدي ما عليج
اميره:رحت كعدت متوتره خايفه عليها اويلي عليج يمه من صغرج وطبيتي عمليات مرت ساعات وماكو خبر طلعت الدكتور وجهه ما يبشر با الخير
اميره:ها دكتور بشر
غزوان:شلون صارت بنتي
الدكتور:والله ما اعرف شكوللكم بس البنيه ماتت
اميره:ما ادري شصار بيه من سمعت هل خبر وكعت با الكاع ومصدومه ما اكدر احجي اجه امير حضني طلعو بنتي با السديه ووجهه مغطه رحت اركض عليها وابجي ليش ماما عفتيني ليش عفتي امج كومي بعدج صغيره على الموت الموت مو الج يا يمه كومي لا تعوفيني اني واخوج وحدنه وخرت الغطه من وجهه وبوس بيها وشمهه وابجي وخرني غزوان واني اصيح اخذو بنتي منيي ليشش ليش ما يصير افرح مره بحياتي يا ربيي
امير:تعالي يا روح اخوج
اميره:رحت حضنته وابجي خويه كللهم لا ياخذوها والله اموت وراهه بعدها صغيره خاف تخاف وحيدها خويه
امير:اششش
اميره:رجعنه للبيت واني ابجي بدلت لبست اسود اجوي كرايبنه وامي حاضنتني وتبجي
غزل:يا عمري صيري قويه علي مود ابنج خطيه
اميره:بنتي راحت يا يمه راحت جابو التابوت رحت حضنته يا روحي ليش عفتيني ارجعي والله شتريدين اجيبلج يا روح امج بس اكعدي جرني غزوان من التابوت هوا وماما شفت أسر خاتل يم الباب ويبجي من شافني اجه يركض حضني حضنته بقوه وابجي ويا
أسر:اين أسو
اميره:شبعت بجي من ذكر أيسل ختنكت من كد ما بجيت
غزل:حبيبي امشي روح ويا يوسف يشتريلك
أسر:واسو هم
اميره:رحنه للنجف ندفنها من شفت المقابر شبعت بجي شلون اخلي بنتي هنا وحدها دفناها وابوي حاضني
فهد:كافي يا بويه لا تبجين
اميره:شلون ما ابجي بنتي راحت بعد ماكو جنت اوكلها وبدللها بويه هسه شلون ولكم حسو بيه راحت بنتي راحت
فهد:راحت طير من طيور الجنه يم ربها بعد
اميره:خلصو دفن رحت كعدت يم قبرها وابجي ما اكدر اعوفها خطيه خاف تخاف لان وحدها خاف تجوع بويه خاف تعطش تخاف من اليل وحدها شلون بيه
غزوان:اشش كافي يله كومي
اميره بصياح:كله بسببك كتلك لا تاخذهم ليش ولك بنتك راحت بسببك هيه شذنبها والله ولا اسامحك انته لي كتلت بنتي انته
فهد:امير كوم اختك يله
اميره:كمت رشيت عليها مي وبست قبرها ودعتها بدموع رجعنه للبيت شفت بس كرايب ماكو غريب يباوعلي بحزن صعدت للغرفه طلعت ملابسها اشتم بيهن كمت توظيت وكعدت اقرأ قران طبتلي شيلاء اجتي حضنتني
شيلاء:يا عمري البقيه بحياتج
اميره:هزيت راسي ورجعت اقرأ هيه ضلت كاعده تباوعلي بقهر للعصر واني اقرأ قران طبت ماما
غزل:كافي يا يمه ما يصير هيج اسوين كومي اكلي شوفي ابنج خطيه هيج انتي كاعد اتعذبين البنيه بالقبر
شيلاء:كلام عمه صح كومي يله اوكفي بصف ابنج ما يصير هيج
اميره:كمت بدلت ولبست شال وطلعت الناس نصها رايحه شفت أسر كاعد بصف ام غزوان ومرته رحت شلته وبسته
أسر:اين اسو ابيها
اميره:اكلت
أسر:ايي
اميره:شيلاء حبابه بدليله
شيلاء:من اعيوني
اميره:رحت كعدت اجتي زهراء زوجت غزوان
زهراء:البقيه بحياتج
اميره:هزيت راسي ما جاوبت
زهراء:اني هم مثلج خسرت ابني بس ابني جان بي مرض مو طلقه ولازم تتقبلين هل شي وتوكفين ويا ابنج صيري قويه حتى الناس ما تباوعلج بحزن وبقهر خلي بنتج مرتاحه با القبر اقريلها قرأن وصلي اني وياج هم اعتبريني اختج مو احم مرت غزوان
اميره:اثنينه انظلمنه
زهراء:ايي
شيلاء:هاج ابنج القرد
اميره:اخذته منها وحضنته
زهراء:فدوه هاذه ابنج
اميره:اممم
زهراء:يشبهه
اميره:ما ماخذين شبه مني بس من ابوهم
زهراء:اي كولش يشبهه
اميره:صار المغرب غزوان سوه عشه ابيته وكلهم راحو بس اني وماما ضلينه بابا وامير راحو لان عيب صعدت صليت وكملت طبيت غسلت ولبست اتراك اسود وطلعت كاعد امشط وذكرت من جنت امشط وهيه يمي تكولي ماما اتمنه شعري يصير طويل مثلج بجيت اوووف يا ماما هسه انتي شلونج اكيد خايفه لان اني مو يمج يا روحي انتي شفت صورتها هيه وأسر حضنتها وابجي طبت ماما
غزل:ادري شعور صعب من اتفقدين طفلج حسيت مثلج من فقدت اختج التوم بمرض
اميره:شلتها ببطني 9 تشهر تحملت الوجع وكلشي بس على مودهم هيه واخوها من ولدتهم حسيت بفرح حتى الوجع نسيته صرت الهم ام واب واشتغل واتعب على مود اوكلهم دائما اطلعهم بكل مناسبه او بأي وقت اكول خطيه اطفال يضوجون ملابسهم من ارقه الملابس والغراض تعبت كلش اخير شي ماتت يا يمه ماتت
غزل:كومي اكلي ما يصير تبقين بلا اكل من الصبح لسه
اميره:ما اشتهي راح انام من يجي أسر خلي يجي يمي ينام
غزل:لا راح انومه يمي انتي نامي
اميره:طلعت وطفت الضوه شفت الشباك رحت فتحته اشتم هواء شفته واكف وصافن شافني باوعلي بندم وقهر سديت الشباك ورجعت لفراشي حضنت صورتها ونمت
