#عشك الصغيرونه
#للكاتبه:الخفاجيه
★★★★★★★★
غزل:امير يمه بيك شي ليش قميصك بي دم
امير: ما بيه شي
غزل:لعد شنو هل دم احجي
يوسف:هجمو علينه وصار كتل امكاتل ما بي شي جرح بسيط هسه يتعافه
غزل:منو هذول وليش هجمو ما كافيهم موت فهد هسه يريدون يموتوكم
امير:عبالهم ابوي عايش
غزل:شيعيشه هسه جوه التراب راح اووف
اميره:طول الحديث يوسف منتبه عليه ما شال عينه مني ابد ضجت رحت لغرفة بيبيتي مددت اوووف شوكت نخلص من المشاكل
غزل:سوي الجرح با المعقم لا يلتهب
امير:هسه
غزل:يمه دير بالك لا تطلع بعد اخاف عليك والله صرت اخاف عليكم من الهوى الطاير لا تروحون مثل ابوكم اسم الله عليكم
امير: لا تخافين ما يصير شي بعد نشالله
غزل:المصايب وحده وره وحده كاعد تجينه
ام غزل:اي والله
اميره:مر اسبوع رجعنه لبيتنه وصارت حياتنه عاديه بس اقرايه ماكو شي وغزوان دائما اشوفه بطريقي واجنبه فا مره جنت راجعه من المدرسه وشفته يم بابهم واكف لابس ملابس كلهن سود ما ادري ليش يلبس اسود كول ما اشوفه الكاه لابس اسود مريت من يمه وصاح
غزوان:اميرههه
اميره:طنشته لان با الشارع وعيب لا يجي احد ويشوفنه هم رجع صاح رحت اركض للبيت حتى خاف يلحكني طبيت ميته تعب
غزل:شبيج وجهج احمر
اميره:ها من الشمس
غزل:طبي اغسلي لعد وتعالي نصب غده
اميره:اوك صدك طبيت غسلت لان الجو صار حار بدلت وطلعت اتغده كملت غسلت اماعين وصعدت لغرفتي سمعت رقم غريب ما رديت عبالي جهاد هم رجع رد اكثر من مره اخير شي فتحت وعطت يا اخي انته شتريد خلاص افتهم اني ما احبك اذا بعد اتصلت اكول لخطيبتك كولشي افتهمت
غزوان:شنووو يا خطيبه انتي شمالج
اميره بصدمه:غزوااان
غزوان:اي صخمان انتي شحجيتي يا خطيبه وشتكولين
اميره :هاا عبالي شخص ثاني مو انته
غزوان:اممم ومنو الشخص
اميره بعصبيه:وانته شعليك ليش تدخل هاا
غزوان ببرود:لا تعلين صوتج افتهمتي لا اجيج ادبسز
اميره:ليش متصل شرايد هسه هاا
غزوان:ليش من صحتج با الشارع ما رديتي
اميره:وليش ارد انته منو حتى ارد وبعدين اذا اجه احد وشافنه شراح يفكر هاا
غزوان:اهاا طلعتي تعرفين تحجين
اميره:هسه شرايد اريد اولي
غزوان:احبج
اميره بخجل:انته ما تستحي هيج تحجي
غزوان:ليش استحي راح اصيرين خطيبتي عن قريب يا عمري انتي اصيرين ام بيتي وام جهالي وكولشي
اميره:ومنو كالك اقبل بيك
غزوان:وكتها عندي حجي وياج وبعدين ليش ترفضين شو دارس ومتعين وابوي صديق ابوج المرحوم وامج صديقة امي فا راح توافقين
اميره:واذا قابل شنو اني اهم شي عندي مستقبلي جان وافقت على يوسف اذا اريد ازوج بس اني ما اريد افتهم
غزوان ببرود:يجي يوم وشوفج بصفي نايمه خلي هل كلام ابالج يا حلوه
اميره:رديت احجي كام سده بوجهي النذل عفت المبايل ورحت مددت بفراشي ما بيه حيل اقرا من اكعد اقرأ ضليت احوص شنو يعني ازوجه غصب اكيد يعرف شي عني احس كلامه تهديد الله اليستر
امير:شبيج تبجين ولج ما بيه شي
دموع:اهى ليش ما كتلي مصوب هاا ليش اليوم اله عرفت من اميره
امير:يا روحي والله طبت وهسه عادي امشي اكوم ما ردت اخوفج والله
دموع:خفت عليك كولش
امير:يا حياتي انتي
دموع:احبك
امير:اموت عليج اوووف شوكت اكمل كليه ونتزوج مو راح اموت والله
دموع:حتى اني
امير:بس تطلع سنوية ابوي اجي اخطبج والعرس بعد ما نكمل اوك
دموع:اوك
امير:اي شلون جان يومج
دموع:زين ماكو شي
امير:حبي شو وضع اميره ما عاجبني بيها شي
دموع:والله حتى اني انتبهت عليها بس ما اعرف شبيها دائما تصفن ومستواها كاعد يتراجع
امير:اممم زين هيه ما تكولج شي يعني
دموع:لاا
امير:اوك حبي يله باي
دموع:باي حياتي سديت المبايل ووكفت يم الشباك اووف لو تعرف شبيها اختك
