#عشك الصغيرونه
#للكاتبه:الخفاجيه
★★★★★★★
اميره:حسيت على وجع ابطني موتني كمت ابجي من الوجع اجتي اطياف تركض
اطياف:ها شيوجعج
اميره:بطني موتتني ليش
اطياف:لان طرحتي
اميره بصدمه:شنوو اني حامل حتى اطرح
اطياف:اي يا حلوه حامل والطفل تعبان ابطنج وسولج عمليه طلعو الطفل
اميره:بيا شهر
اطياف:الاول
اميره:ما جنت ادري انو حامل ولا حاسه بشي
اطياف:يله عادي
اميره:بس اشكر ربي لان وكع ما ضل جان هسه صارو 3
اطياف:ههههه فدوه
اميره:ضليت يوم كامل با المستشفى وثاني يوم طلعت رجعت للبيت لكيت اطياف مسويتلي اكل خطيه ومعزله البيت مددت بفراشي اجوي أسر وأيسل حضنوني
أسر:اين جنتي
اميره:هههه جنت يم الدكتور
أيسل:بيج
اميره :بيه اوا
اطياف:يله كومي اكلي سويتلج شوربه
اميره:كمت اكلت شوي ورجعت نمت ضليت 3 ايام امدده با الفراش وبعدين كمت رجعت للشغل حضرت ملابسي وملابس الجهال كلهن وخذت كم حاجه من البيت اليوم موعد طيارتي اطياف هم تروح بدلنه وطلعنه بليل صارت با 9 ركبنه الطياره الصبح وصلنه للعراق كمت من النوم متكسره نزلنه رحنه للعماره وصلنه العصر رحت لبيت البنات اول ما وصلنه سلمت ورحت للغرفه غسلت وبدلت ونمت كعدت بليل الساعه با 3 رحت للمطبخ سويت اكل وكعدت اكل وتصفح با المبايل ضليت كاعده لي 6 وبعدين نمت
لوجين بصياح:يله يا كساله اكعدن هسه با 8 يلههههه
ملك:وجع شنو هل صوت مال السم خلينه نايمين
لوجين:اهى كومن جوعانه خلي نتريك
ملك:امشي ولي انتي اتريكي احنه شعلينه بيج
لوجين:انجبي يله كومي
ريام:هيووو كافي ما تكولن اكو ناس نايمه خطيه تعبانه يله كومن نسوي ريوك
اميره:صباحووو
ريام ببتسامه:يا هلا شنو هل صباح الحلو
اميره:هههه عمري
لوجين:شنو ولج صابغه شعرج
اميره:اي حلو
لوجين:يخبل مو بس حلو
اميره:انتي الاحلى
ملك:لعد العتاوي وين
اميره:منو
ملك:اطفالج وين
اميره:نايمين عيني يكعدون با 10
ملك:خوش والله
اميره:كمنه سوينه ريوك وكعدنه نتريك ونضحك كملنه عدلنه البيت ورحت ريكت الجهال وبدلتلهم واني هم بدلت ورحنه اني والجهال ولوجين وياي لهلي شعور يخوف من تلتقين بهلج بعد هل سنين خايفه خاف يطفوني او ما يسامحوني وصلنه للمنطقه لزمت ايد لوجين بخوف
لوجين:لا تخافين اني وياج عود اذا ننطف توديني للمطعم تعزميني على البهذله
اميره:دمشي ام بطن حايره ابطنها
لوجين:ديله انزلي انتي وزعاطيطج
اميره:نزلنه شلت أيسل ولوجين شالت أسر وصلنه لبيت اهلي دكيت الباب اجاني صوت امير
امير:اي اي اجيت
اميره:فتح الباب وصفن
امير:احم العفو منو انتن
اميره ببتسامه:شنو ما عرفتني
امير بصدمه:انتي
اميره:ههه اي اني
امير:شعندج اجيتي بعد كل هل سنين
اميره:شنو ما راح تفوتني للبيت
غزل:ها امير منو اجه
اميره بصياح:ماماا هاي اني اجتي تركض حضنتني وتبوس بيه
غزل:يا عمري وين جنتي ليش اختفيتي
اميره:خلي نطب وحجي كولشي كتلني الحر
غزل:اتفضلن فوتن يمه
اميره:فتت للبيت بعد هل سنين ما متغير بي شي كعدنه با الصاله
امير:منو هذول
اميره:أيسل وأسر تعالو سلمو على خالكم
امير:بربج هذول جهالج
اميره:اي جهالي قابل جهالمن
غزل:يمه فدوه تعالو يا روح بيبي
اميره:راحولها حضنتهم وتبوس بيهم
غزل:يشبهوج يمه يخبلون
امير:يله احجي
اميره:كعدت احجيلهم اول ما تعرفت على غزوان وشصار بيه احجي وابجي حجيت كولشي امير صار عصبي وكام يريد يطلع يهد على بيت غزوان بس امي بلكوه كعدته
غزل:كافي اكعد ما نريد مشاكل لي بينه مكفينه
امير:اريد اعلم هل حقير حتى بعد ما يعتدي على عرض الناس
غزل:كافي يمه هسه يجي ابوك ونشوف شنسوي
امير:انتي ليش ما حجيتي من زمان خليتي اليسوه ولي ما يسوه يحجي عليج
اميره:حتى اذا احجي محد راح يصدكني
فهد:نصدكج
اميره:كمت مخترعه من صوت بابا شفته واكف يم الباب ومبتسم رحتله اركض حضنته
فهد:يا روح ابوج شصاير بيج
اميره ببجي:بابااا مشتاقتلك
فهد:اني لي اعرفه بنتي الذيبه ما تبجي
اميره:من شفتك بجيت
فهد:راح اخذ حقج لا تخافين اله اخلي يبجي دم ما اكون اسمي فهد
اميره بضحكه:احبككك
فهد:اي وينه حفيدي
امير :ههههه قصدك احفادك مو حفيد واحد اثنين
فهد:ههههه
اميره:تعالو شوفو جدو اجوي باسو ايده وحضنو كعدو يمه ضلينه نسولف شكد شتاقيت لهل لمه
لوجين:يله اني راح اروح
اميره:ليش ضلي ولج
لوجين:ما اكدر عندي شغل
غزل:ضلي يمه عاد تغدي وروحي
اميره:هيه راح تبقه يله امشي للغرفه كمشت ايدها ورحنه للغرفه اول ما طبيت اذكرت ذكرياتي بهل غرفه رحت كمزت على الجربايه
لوجين:راح تكسرين الجربايه
اميره:ههههه لا ما تنكسر مشتاقتلها كلشش
لوجين:هههههه
اميره:كمت فتحت الكنتور اشتم بملابسي القديمه لي يمكن ما يكدلي شفت الصندوق فتحته شفت صورته كدامي
لوجين:شنو هاي ولج كمشتج
اميره:وجع شككت الصوره وذبيتها با الزباله ونزلنه
امير:شو جهالج عاقلين ولج شعجب
اميره:شعبالك لعد عليه طالعين
امير: خليني ساكت احسن
اميره:ههه اي شكو ماكو كملت دراسه لو لا
امير:اي الحمدلله طلعت دكتور
اميره:ها عيني استجن هوا انته زبال محد يقبلك
امير:انجبي احترميني اني الجبير
اميره:لا صدوك
امير:كاعد اشتغل ويا صديقي اسسنه شركه واني وياه نديرها
اميره:اني محاميه طلعت
امير:هلا هلا اختي محاميه
فهد:نكمل غده ونروح لبيت هل حقير
امير:وعمامي شلون بيهم
فهد:واحنه شعلينه بعمامك
امير:انته تعرف انو عمامي يريدون يكتلون اميره
فهد:اميره بنتي ومحد يتقربلها حتى اذا على الفضيحه هيه ما عليها مو صوجها صوج هل كلب غزوان
اميره:وجهالي شراح يصير بيهم
فهد:جهالج راح يبقون وياج
اميره:خاف ياخذهم مني
فهد:شحده ياخذهم منج
اميره:يمه فدوه اروحلك باباتي رحت حضنته وبسته
فهد:ليش هيج متغيره شنو ما تاكلين زين
اميره:لا بس مو كاعد اشتغل فا اتعب
فهد:اريديج اصيرين اميره القديمه ام اخدود مو ام ابريص
امير:ههههه ام ابريص انوب اصيحلج
اميره:بابا صيح بي
فهد:ولك اسكت وين اكو بجمال ام ابريص
اميره:باباااا
غزل:يله عيني كومو اتغدو صار الغده
اميره:كعدنه نتغده ونضحك كملنه غسلت لماعين بلكوه ماما ما تقبل امد ايدي واشتغل كملت رحت بدلت وبدلت للجهال ونومتهم ولوجين هم مددت اني طلعت رحت لغرفت امير لكيته واكف يم الشباك ودموع بعينه شكوو ولك ليش هل دموع بعينك
امير: اليوم عرس دموع
اميره:رحت شبكته وكتله معقوله امير الجبل يبجي على بنيه
امير:بس هل بنيه دمرتني
اميره:انته لي دمرت نفسك مو هيه دمرتك هيه لو تحبك جان وكفت وياك وسوت المستحيل حتى تزوجك
امير:صايره فهيمه
اميره:ههه لعد شعبالك عيني يجي يوم وتنساهه والله مو كل علاقة حب ادوم عفته وطلعت رجعت لغرفتي مددت ونمت ما حسيت اله على صوت بجي أيسل كمت سويتلها حليب ونومتها وطلعت شفت ماما امبينه ضايجه شكوو
غزل:ابوج واخوج راحو لبيت غزوان ولسه ماكو
اميره:وانتي ليش ضايجه ما راح يصير شي لا تخافين
غزل:شو بالج مرتاح انتي
اميره:اي كولش ماما تعرفين اذا درو المنطقه بيت ابو غزوان ينفضحو حتى ابو غزوان ينفضح بين الشيوخ وراحو يكولون ابنه ما متربي يعتدي علي بنات الناس
وهوا عنده شرف
غزل:ويعني
اميره:راح استفاد وافضحه بين المنطقه كلهت مثل ما هوا فضحني
غزل:انتي شنو لي براسج ها
اميره:بعدين تعرفين كمت للمطبخ سويت جاي وكعدت با الحديقه اشرب
لوجين:ها ولج يله راح ارجع اني
اميره:دوكفي خلي اشرب جاي واكمل حتى نروح سوه اجيب غراضي وغراض الاطفال
لوجين:يله ابسرعه
اميره:كملت وكمت بدلت وطلعنه رحنه للبيت سلمت على البنات وصعدت جبت الغراض كلهن خليتهن بسيارتي
ريام:ها راح ترجعين
اميره:ايي
اطياف:مو تنسينه ولج
اميره:لا عمري ما راح انساجن غير انتن خواتي
اطياق:فدوه حياتي انتي
اميره:يله باي ودعتهن وصعدت نزلت يم اسواق جبت حلويات وحليب للطفال وحبشكلات ورجعت للبيت ما اسمع غير طلق واصوات عاليه
غزوان:اريد جهالي لا والله ادمركم ادمر
اميره:بهذيج الحضه مدري اشصار بيه كلت هسه راح ياخذ جهالي مني طبيت اركض شفته واكف ولازم مسدس بيده ويمه الجهال رجع جهالي
غزوان:شلون جذبتي عليه وكتيلي طرحت هاا
اميره:وانته مو جنت ما تريدهم من اتصلت عليك حتى امنعك من الزواج مو كلت هاذه مو ابني اني لي تحملت با الغربه على مود جهالي اعيش واعيش جهالي وياي عانيت وحيدي محد جان وياي اتحملت مسؤليه من عمري 17 سنه صرت ام لتوأم كمت اشتغل وادرس بس علمود اوكل جهالي انته وين جنت جنت ويا مرتك وجهالك وعايش مرتاح واني هناك اتعذب
غزوان:اسف
اميره:شيفيد الاسف هسه وجهالي راح يضلون يمي ما اطيك اياهم
غزوان:راح اخذهم وشوفين
اميره:شال جهالي وطلع طلعت اركض وصيح وابوي يصيح ما اشوف غير اجتي طلقه ببنتي
أيسلللللللل
يتبع
لا تنسون التصويت
