في الصباح
غزل: كعدت الصبح تعبانه راسي يوجعني كعدت غسلت وجهي وعدلت الغرفه وطلعت امي وكيان راحو للسوك واني وحيدي بل بيت سويت اكل وكعدت اكل وحدي كملت غسلت لماعين ورحت مددت على التخم اباوع تلفزيون خلص الفلم كمت سويت غده تمن ومرك باميه فوكاه لحم وسويت زلاطه كملت الطبخ جان يوم اربعاء الكل بل شغل فيان راحت لبيتها البارحه كعدت اعدل بروحي سويت ماسك وخليته على وجهي وسويت اضافيري كملت اجتي امي جايبه شغلات للبيت للخطوبه صبيت غده وهيا راحت غسلت وجتي بدينه ناكل بس اني وياها كملنه غسلت لماعين ورحت لغرفتي نمت
فهد: البيت كله فرحان طبعن حضرنه كولشي للخطوبه وعدلنه البيت والحدايق لان باجر حفله عاديه ووراها الخطبه شتريت ملابس لي الخطوبه وذهب لي غزل وشتريت هديه الها من تركيا لان رحت لتركيا يومين ورجعت طبعن ما حجيت وياها لان جنه مشغولين بل خطوبه وهيا هم خطيه تعبت البيت مكلوب لان عماتي وخالاتي وكرايبي كلهم يمنه لان بيت شيخ وضيوف تروح وتجي يوم الاربعاء عزلنه كولشي وحضرنه للحفله عزمت بس اصدقائي واصدقاء علي واخواني مو هواي الكرايب كلهم ما اجوي ما عزمت ولا واحد منهم بس ولد عمي ولد خوالي وخالاتي كملنه كولشي تغدينه ورحت لغرفتي مددت ونمت لان تعبان من الشغل نمت الساعه بل 12وكعدت الساعه بل 5العصر غسلت وجهي ولبست دشداشه سوده وشماغ لفيته وخليت عطر وعدلت شعري وطلعت يم النهر اني وعلي وشهم وولد عمي 2 زياد وامير. ضلينه نحجي الحد الساعه بل 7كمنه رحت للبيت تعشينه ورحنه للمضيف يم جدي واخواني سلمنه وكعدنه اجوي ضيوف وخطار ضلينه نحجي ونسولف الحد الساعه بل 12بليل كمت رحت لغرفتي بدلت ونمت
غزل :كعدت الساعه بل 7بليل نمت هواي كعدت غسلت وجهي وغيرت ملابسي لبست دشداشه قصيره وضفرت شعري وطلعت امي جانت اسوي عشه اكل خفيف لان محد ياكل اكل الثكيل صايرين تعشينه وكعدنه نحجي عن الخطوبه وملابس وتحضيرات وجتي يمنه خالتي هناء وخالتي نهى وخالتي بيداء وخالتي اميره والبنات رنين ورانيا وانمار وبينار
رنين ورانيا بنات خالتي هناء وانمار وبينار بنات خالتي اميره
اجني رحت سلمت عليهن كعدنه شوي كمنه نسولف كملت سوالف رحت للمطبخ اجني البنات وراي كمت اسولف وياهن وسويت حلويات كيكه وعصير وزلابيه ووصليت كيان على حلويات جاهزه من بره راح جاب حلويات انواع وببسي وعصير وجباسه وجياس حب خليتهن بماعين وصواني ورحت وزعت كعدنه ناكل ونسولف كلنه احلى ونسه تفوت فيان خطيه صورت الاكل وخالاتي والبنات ودزيت لي فيان خطيه نقهرت تريد تجي بس ما تكدر جاسر مايقبل لان جانت قبل يوم يمنه
خطيه خالاتي وامي يسولف وحد واني والبنات وحد طبعن خالاتي مو كبار كلش اكبر وحده بيهن عمرها 40
بينار: اي ولج شلونج
غزل: زوينه ونتي
بينار: هم زوينه
رانيا :شلون العريس الحلو
غزل :يسلم عليج
رانيا: الله يسلمه
رنين:هوووف والله ضوجه كولش
غزل: اي
رانيا: قابل شنسوي اذا ضوجه
بينار: ندك ونركص
رانيا :اي حلو الحل
غزل: لعد امشن للغرفه رحنه للغرفه شغلت اغاني وكمنه نركص ضلينه ساعتين نركص صارت الساعه بل 12راحن خالاتي لبيت جدو هناك يباتن والبنات هم باجر الصبح يجني يباتن يمنه خالاتي والبنات راحو الكل نزلت نضفت البيت كله وعزلت المطبخ كملت ورحت لغرفتي نمت
